《我要回到過去同周杰倫爭女神》: 最終章《結局》

「鈴⋯鈴⋯鈴…」我不斷咁狂禁門鈴但係卻無人回應。依家已經係一點，女神佢已經放咗學，如果唔係屋企仲可以係邊？

我腦海一片空白，我真係唔知女神仲可以去邉。

『學校⋯佢可能今日有野做要留耐D⋯一定係。』我不斷咁催眠自己。

我即該跑返學校，但係搵曬成間學校亦唔見佢。我驚自己走漏眼於是再搵多咗幾次，但係最後都係失敗。

我好唔甘心，所以我又跑返去佢屋企拍門，但係都冇人應。



我又再跑去琴行，但係卻搵唔到佢蹤影。

我好迷惘，好攰，依家已經五點，距離日落只係淨低一個鐘。

我坐咗係女神屋企門口，望住隻錶，睇住時間一分一秒咁流逝。

唔通天都注定我地要分開？

5：15…5:30…5:45⋯5:50，距離時限只淨十分鐘。



「妳最近幹嘛？好像經常神不守舍似的，怎麼了？想小亮嗎？」

「我才不會想他呢。」

係女神把聲！

「小鎂！」我大叫。

係街尾嘅女神聽到係街頭嘅我叫佢之後立即跑咗過黎。



「你死去哪裡了？我還以為你真的要拋下我然後自己去穿越時空。」

「原本真係架，不過我又唔捨得妳，所以咪返黎揾妳囉。不過我啱啱好似聽到有人話唔掛住我喎，咁我走啦。」

「我超想你的，別再離開我可以嗎？」

「我唔會再走架啦。黎，我帶妳去睇日落。」

「嗯！」

我再一次帶咗佢去海灘，我地一齊坐係岸邊，觀賞著日落嘅情景。

（建議可以聽住呢睇。https://www.youtube.com/watch?v=7Bc5IGYZaTQ&index=10&list=PLqqv-9IRb9S5_ndluTFWvVcvvL5M4vL4v）

「嘩，好美噢！」



「同你一樣咁令。」我呢世都唔會忘記呢一刻。

時間只淨底五分鐘。

「小鎂，我想同妳講妳就係我一直鐘意果個女仔。桂綸鎂，我愛妳。」

「其實你也是我喜歡的那一個，司馬瑜亮，我也愛你。」如果我一早知道你話幾好呢。

有時若果一方願意踏出第一步先，結局就會好唔同。當要失去時，後悔卻已經太遲。

我情不自禁地咀咗落女神到，但係佢亦無抗拒。

種感覺好舒服，好幸福。



「如果我死咗妳會唔會記得我？」

「這一生一世都會。」

「小鎂，每當妳掛住我嘅時候妳就打開呢張紙啦，不過依家唔準睇。」我將筆記紙交比佢。

我並無打算返去，因為我應承過佢唔會再走。而且能夠同自己女神一齊，都可以算係死而無憾。我亦都無喊，因為呢個已經係最完美嘅結局。

「小鎂啊，我好攰呀，可唔可以陪我訓陣？」我將頭依靠係佢膊頭。

「嗯！你好好休息吧。」

「我愛妳。」

時限已到。



雖然啊柔話會好痛，但係我一D都唔覺，可能係愛嘅甜蓋過痛嘅苦吧。

我感覺到心跳開始放慢，視線亦開始模糊，最後眼皮也慢慢地合上。

然而一切最後亦都靜止起來。

女神，多謝妳比咗個咁美好嘅人生我。我永遠都會愛妳，至死不渝。

《全文完》