《我要回到過去同周杰倫爭女神》: 第十八章《’佢’&天使嘅故事》

我第一眼見到啊傑我就鐘意咗佢。

啊傑其實係上一個筆記持有者，佢同你一樣返咗去15年前嘅台灣，目標亦都係追桂綸鎂。一開始都好地地，但係有一曰周杰倫黎咗。

啊傑為咗追到佢不惜一切咁想盡辦法贏周杰倫，啊傑將自己係現實嘅珍藏送曬比佢，但係好可惜佢都係輸咗比周杰倫。

不過啊傑最後都有表白，而桂綸鎂亦當然拒絕咗佢。

被自己女神拒絕咗之後，啊傑佢好灰。佢同我講話佢唔想返反去，即使我點勸佢佢都唔聽。最後我同佢講，



「傑，其實我鐘意咗你，可唔可以為咗我唔好死？」

「柔，我唔值得妳愛，我嘅時限亦都差唔多啦，妳可唔可以幫我一個忙？」

「你講啦。」

「可唔可以幫我將本筆記交比一個叫司馬瑜亮嘅人，佢係我一生唯一嘅好朋友，佢攞到本筆記後應該都會同我一樣黎追桂綸鎂，希望佢成功啦。哈⋯哈，妳走啦⋯我唔想妳睇著我死⋯忘記我啦
⋯」

我知道過時限死係好痛苦，所以我唔忍心睇著佢死，我走之前同佢講，



「?，無論點我都會繼續愛你。」

而之後我就黎咗揾你，故事亦到此為止。

「估唔到啊傑佢…」

「所以你快D同你女神表白啦，完咗啊傑嘅心願。」

「放心啦，我一定會。」



「因為我地天使用嘅筆記紙同人類唔同，所以你只有半日時間，夜晚前你一定要走。」

「啊柔，真係好多謝妳一直以來幫我咁多。」

「我多謝你先啱，比咗個咁刺激嘅經歷我。仲有多得你嘅提醒我先知道點做。愛…真係可以好偉大。」

「真係估唔到我地由第一曰互相用粗口溝通，而去到今日我地會變到咁感性。柔啊，希望妳同啊傑有情人終成眷屬，記得幫我問候佢同妳地要保重啊！」

「我講粗口都係受啊傑影響咀，而且我見你果日就係佢死果日，所以心情好差。不過我都祝你表白成功啦。你都要保重啦！」

「有緣再見。」

「有緣再見。」不知不覺間涙水又開始流下。



柔，多謝妳，記著要保重啦！

啊傑你都係一樣呀！你放心啦，我一定會完成你嘅心願。

五秒後，周邊嘅氣溫開始急劇下降。