深缺: 深缺-Part6

 [最怕但有時最需要流逝的， 叫時間]  

重覆著嘅工作， 一日一日嘅過去， 好快就到左上攝影堂果日。 

攝影堂係初班， 總共有十一堂， 另外第六堂係户外攝影實集習。 

上堂地點係九龍灣， 逢星期五七點鐘上， 每次兩個半鐘。 

"喂的哥， 依面吖。" 安仔大聲叫我。 



"係。。。" 係佢咁大聲呼叫下，我只希望表達出一個低調到不能再低調嘅回答。 因為全間課室所有同學都向門口嘅我望過黎，而我只想盡快去果位度坐。 

"玩野吖， 咁大聲叫我" 我扮勞氣話安仔。 

"咁遲架"

 "大佬， 上堂七點， 而家六點九渣， 唔駛做咩。" 我都回敬安仔一下。 

安頓左之後， 望望四周， 呢一班大約十二人。 



除左我地三個外， 仲有一班兩男兩女， 三個亞叔同一位亞姐， 同一個。。。咦！

 " 喂， 睇下， 靚女wor" John 少細細聲同我地講 

" 關你鬼事咩， 你地有老婆仔女架啦！" 我壓低聲線同John 少同安仔講。 

"亞的哥， 你咪又係有Cat 姐， 哈哈， 大家平手。" 安仔都不甘示弱， 反擊我道。  

＂靜D啦， 亞sir到， 麻煩你專心上堂。＂我叫停安仔咁話。 



課堂開始， 亞sir由最基本講起， 大家都叫做專心， 除左果幾個亞叔成日問亞sir佢地果部幾萬蚊嘅相機同幾萬蚊嘅鏡頭影唔影到依樣， 影唔影到果樣之外。。。

 " 好， 今日要講嘅嘢差唔多， 有無問題？" 亞sir 係完堂前作最後總結。

 "um.....李sir, 我有問題想問" 說話嘅係" 靚女" "我想問下頭先你話快門果度......." 佢開始發問。 同時， 我雙眼不其然再望向果位"靚女": 嬌小可愛嘅一個女仔， 長頭髮， 皮膚白哲， 而且佢仲擁有一雙識笑嘅眼睛。 如果要具體形容， 佢雙眼就好似決戰一分鐘-黃心穎咁樣， 有迷到一切果種眼神。