深缺: 深缺-part10

係地鐵碰見哭成淚人嘅佳儀， 安慰左佢一兩句後， 佢終於再次開口說話。
 
"可唔可以陪我飲杯野？"
 
估唔到佳儀竟然想飲杯野， 咁事實上我都無拒絕嘅理由， 唔通淨低佢我自己走左去咩。。。
 
"好啦。 不過等我打個電話先。"
 
我打左個電話比亞Cat, 同佢交代左我遇到佳儀，  同話佳儀想飲杯野。
 


跟著，  我就同佳儀講可以出發。
 
我地係鑽石山地鐵站走左上地面， 行左大約十五分鐘， 終於到左位於新蒲崗（好似係）唯一果間街坊酒吧-大象吧。
 
由地鐵站到酒吧途中， 我同佳儀雙方都無出聲， 只係默默咁走去。 幸好的是， 佳儀情緒好似安穩同平靜返落黎， 無再有過份激烈嘅舉動。
 
"飲杯乜？" 到左酒吧， 搵左個近牆邊, 較靜果一張枱坐低之後， 我開聲問一下佳儀。
 
"我要Whisky Coke, double Whisky" 佢好淡然咁講。
 


"吓， 好勁架喎， 你飲過未架？" 我怕佢飲醉， 所以先確認一下。
 
"無試過， 不過我想要酒。" 佳儀語氣中有點不耐煩。
 
"好啦好啦， 我去吧頭落單。"  同佳儀溝通過後我就走向吧頭， 再用一個背向佳儀嘅角度同個Bartender落單。
 
"一杯紅酒， 一杯Whisky Coke, 超少少Whisky" 這正是我背向佳儀嘅主因。 都係個句， 我怕佢飲醉要我執手尾。
 
兩杯飲品黎到， 我見佳儀飲左啖都好似無發現杯酒係少左Whisky =_=
 


咁我亦放心左落黎， 同時靜待佳儀將佢個故事講出黎。
 



[生活雖忙， 卻忘不了思念你; 想念很苦， 但苦不過你像幻似虛。]