係佳儀飲左半杯Whisky Coke 後, 佢開始講佢唔開心嘅來龍去脈。

"我同亞俊拍左拖半年, 佢之前話好愛我,會同我結婚。 點知...點知今日我同佢講左之後, 佢就好似變左另外一個人。" 講到呢度, 佳儀嘅身體有微微顫抖, 情緒亦無咁穩定。

我留意住佢, 亦留意佢有無飲杯Whisky Coke。。。因為我腦海中正浮動一個諗法。

"我想問下你同佢講左。。。?"  由於事出嚴重, 我都希望佳儀可以親口確認我呢個諗法。

"我有左BB"聽到佳儀親口所講出震撼非常嘅五個字, 我第一時間並不是去安慰佢。



而係即刻將佢杯Whisky Coke由佢身前拎走。 同時用帶有責備嘅語氣對佢講。

"有無搞錯吖你, 有BB仲飲酒!?" 雖然我語氣頗重, 但我都將聲線壓低-免得附近D人聽到。

"咁我可以點? 個BB無左仲好, 亞俊唔要我, 我而家都唔知點算。。。你話我可以點?" 佳儀比我一種非常自暴自棄嘅感覺。。。

對於佳儀一連串提問, 我只係覺得無奈。 因為我並無資格同身份去提供任何意見。 我唯一可以做到就只係成為一個盡責嘅聆聽者-_-

今晚就係一個無任何成果嘅討論下作結。。。





[當你以為正在玩弄感情時, 你要小心, 因為從來都只有感情在玩弄你而已。]
 
已有 0 人追稿