放lecture後,仲有一個鍾先再有堂上,於是我就去左舊can搵曉凝,順便食飯。

而且,雯凱亦都跟我一齊去。

「喂!」坐係窗邊位,遠處既曉凝向我大叫:「呢邊呀!」

然後成個can既人都望住佢。

我沒好氣咁行埋去曉凝隔離坐低。而雯凱就坐係我地對面。



「喂!識左個靚女唔一早介紹黎!重色輕友呀你!」一坐低,曉凝就如我預料中咁連珠發炮。

「同學黎架咋,咪諗錯隔離啦。」

「唔係架!」曉凝雙手交叉擺係心口前,然後擺出一個邪惡既笑容:「咩關係都係由朋友開始發展既!」

「唉呀你好煩呀!」我咳一咳,調整返個情緒:「佢係雯凱,同我讀同一科既。」

「多多指教!」曉凝露出佢招牌式殺死哂佢班男同學既笑容。(係呢度我唔用「兵」黎形容果班男仔,因為曉凝從來唔收兵,好似係。)



「哈哈......」雯凱苦一苦笑,慢慢抬起頭,望向我同曉凝:「你地兩個感覺上好襯......」

而因為我同曉凝揀左相同既GE科,所以食完飯之後,我就同佢一齊去上tutorial。

原先曉凝叫我送雯凱走先既,但係雯凱又話唔洗。

「唉!你真係唔識做!」等到雯凱走左之後,曉凝同我講:「大好機會呀!」

「你知我唔會再拍拖架?」其實俾一個咁了解我既人,不斷重複勾起舊情事會令我好煩躁。



「你之前夠講過以後唔會再打丁囉,你呢家仲同我分享......」

「喂咩料呀咁大聲爆我秘密!」我冇等佢講完,就即刻衝埋去掩住佢個口。

點知,曉凝一野咬落我隻手掌到。

「哼!明明你都算係個好男仔,係都要扮憂鬱扮浪子。你個死黨駿耀都係咁講,叫你唔好辜負雯凱。」

曉凝個樣突然好似好驚訝咁,然後又鎮定落黎。

「係呀,我差啲唔記得左搵你既原因。」

「咩事?」俾佢提一提,我先醒起。

「之唔係你個friend駿耀囉!」曉凝唉聲嘆氣:「佢唔知係邊度搵到我電話,然後不斷wtsapp我......」



的確,呢個係佢一貫做法。

「你咁受歡迎,識咁多人。」我乘機揶揄下佢:「friend搭friend好易攞到你電話姐!」

「唉,佢開頭都係講下無聊野,但係......」曉凝似乎已經冇閒情逸志講笑,面露難色:「佢近排成日問我可唔可以同佢一齊出去,行街睇戲食飯。」

「哈哈!」我忍唔住大笑出黎,心諗:「古老追女方式黎架喎。用行街睇戲食飯就想俘虜佢個心?雖然中學畢業後,雋瑋同佢入左唔同既大學,但係感情依然咁好。」

「得!」我拍拍心口:「一切包係我身上。」

* * *

細個既時候唔懂事,所以經常得罪好多人。後來有日,一道靈光一下轟落我個天靈蓋到,自此領悟到要對所有人都盡量好,要做到八面玲瓏。



因為可能呢家坐係你隔離果個毒拎,他朝一日會幫到你好多野,又或者會做左你上司。

一直深信呢個道理既我,今日懷住平和既心情去搵駿耀「講數」。

「關你撚事咩?」冇諗到佢回我既第一句就係粗口。

「明知冇結果都仲要死爛打?」我好似警察咁保持克制。

「明咩知?」駿耀擺出一個迷惑既樣:「衰左又點?慘得過冇試過就放棄?」

「呢個女仔唔係平時我睇上眼,兜一轉都搵到幾打果啲黎。」駿耀表露出好堅定既眼神:「我一定會追到佢,我唔想人生中再有遺憾。」

唉,我同佢再拗落去都冇用。明知冇結果既野,試黎有咩用呀? 棧哂心機。反正我已經提醒過佢,都算係俾左個交代曉凝。