《我可以做你的樹洞嗎?》: 20.做回你的樹洞

早上十點，嘉渝酒醒。

「醒啦？」

「唔好意思，我飲到好醉。」嘉渝將滑落黎背心吊帶拉返上去。

「去食早餐啦。」

說罷，我將嘉渝帶到樓下既麥記。



「我記得我地以前成日都係度食早餐。」嘉渝話。

我地一邊食早餐，一邊傾分離左既呢幾年發生左既甜酸苦辣。

「其實我好唔開心。」嘉渝開始講到眼濕濕：「係外國，所有事都要自己承受......」

我將紙巾遞俾嘉渝。

「由其當節日放假時，果份寂寞感更加程現。就算已經過左三年，我都仲係未適應到。」



此時我仿佛變左嘉渝既樹洞，接收佢一切既悲傷。

但係，每個人都只係別人既過客。就算係親密似父母親或者情侶一樣都好，每個人都係要自己黎，自己走。

不過，人總係鐘意聽好聽既說話，儘管係假既。

「我會陪你嘛。」

「真係既？」



「梗係。」

嘉渝話想去AxA carnival到玩，所以我地就一齊去玩左成日。

重遊最後一次見到曉凝既舊地。

我打開wtsapp，想問下佢拎去參賽既相交左未黎打開話題，卻發現曉凝既last seen唔見左。

雖則我同嘉渝係去玩玩左成日，但係重臨舊地，我只係不斷地見到嘉渝同曉凝既身影重疊。

途中有想過搵返曉凝，但係卻唔知點開口。

「我好耐冇試過咁開心。」我地離場時嘉渝微笑住咁講：「我自己返去得架啦，快啲去搵你心入面最重要既人啦！唔好再冷戰落去啦!」

見到嘉渝久違既笑容，似乎佢已經好返好多。



而嘉渝亦講得好岩，冷戰只會對事情有害無益。所以唔可以再拖，我決定即刻去搵返曉凝！