《致我們逝去的692》: 17

「This is my life, this is my sour...」

唱著HKTV台歌，大家不過是要死因而已。

不是讓左膠騎劫的日子。

我痛恨左膠。

可惜，我曾所屬的組織，卻完全是參與騎劫的左膠。
即使早已退出，但他們的行徑，可謂不知所謂。



望著眼前那些不知就裏的青民仔。
心寒。

「大家好，我地係青民起動⋯⋯」熟悉的聲音從記利佐治街傳來。
回望五個月前，仍是義工的日子；今天這群「戰友」，總不能忘恩、負義。我走進惠康，買了數樽水，和雞汁，匆匆放在青民街站的桌上。

回想起五個月前那支「香檳」，命運會是如何？

青民起動打著「平等」、「公義」的旗幟，由東角道整裝待發。


但青民起動內部又是否合符「平等」、「公義」？
《一九八四》裏，每人都要受雙重思考的訓練。想不到青民的人也是。

我自行乘車，直接參與集會。
因為被青民騎劫的遊行，是他們為搏上報的傑作。某成員於會上說，參與HKTV事件是因為「呢期我地無乜新聞」。

心淡。

『我喺到宣布由而家呢一刻開始唔再係青民起動嘅義工！』我隨即奪門而去。



這天，六月二十一日，青民政改方案公布前兩日。青民終於召開了自軍師集團落馬後的首次義工會。

義工們聚首一堂，包括軍師集團所屬的義工。

「部分義工可能都會留意到幾位成員喺度，咁佢地係會喺度解釋返議程第三項交代23號分組小組討論嘅安排嘅.......」黎洛明今天竟然主持了義工會。
他似乎取代了庸師的地位。
愈看，愈似黨委書記。
黎書記和林樂然，一個左派、一個左膠，一拍即合。

「喺我去解釋之前，我想問下大家在座嘅義工有冇任何人有問題，可以輪流舉手去問。」黃曉敬說。
於是，我舉起了我的手。
我不能忍受，用莫須有罪名撕裂青民，分化組織，為一己私利的人，控制著這個組織。

『唔好意思呀，唔係問題嚟嘅不過有啲嘢想講。我會好快講完因為今次應該係我喺度最後一次講嘢。』



我留下了一支「香檳」——其實是無酒精汽酒。上面貼上了一張報事貼：「希望終有一日能把它打開，為抗爭勝利慶祝。」

『我完全唔明白，點解你地可以完全唔提及其他成員嘅離開，咁樣係咪粉飾太平呢？我諗我同軍師Martin佢地有咩牙齒印在座有啲義工或者成員都知道，但係我唔明點解，你要趕走佢，甚至可以抹黑、分化，搞到今時今日咁嘅地步。其實你地成員每一個人，每一個有嘗試分化去導致呢件事嘅人，都有責任。』

全部人靜下來，靜得好像空氣凝住了一樣。
『老實講，我真係估唔到，呢一個我入嚟嘅時候以為係一個好好嘅組織，但係，去到今日變成一個玩權鬥、玩分化、玩互相攻擊人身攻擊、玩抹黑嘅人，嘅組織。依個組織已經變晒質。我只能夠講，依個組織，我相信，大家都需要去反思。我希望各位成員同義工都可以留低支持你地但係，我希望大家可以明白，呢啲咁嘅事情呢啲咁嘅權鬥嘢，唔該完喇；抹黑分化嘅嘢，唔該完喇。』

氣氛變得更緊張，黎書記的面更是比焦炭更黑。
『我喺到宣布由而家呢一刻開始唔再係青民起動嘅義工！』我隨即奪門而去。
「好簡單如果連最基本我地講嘅嘢你都唔想聽，咁根本係邊一個人唔想將事情了解清楚呢？真正喺度挑撥，分化嘅係邊個呢？我唔知邊個。」憤怒的他說得有點激動。

門剛好緊關上。「如果有部份嘅朋友想錄音呢我唔緊要㗎，頭先我經過聽到錄音，你錄唔清楚可以擺！出！嚟！」他用筆拍隨三字的節拍擊向枱面，發出三聲聲響。「我驚你錄唔清楚，OK?」

已經離開的我，無緣再聽他的歪理。當日會議，軍師集團所屬的義工都集體離場抗議。其後他們也集體退出青民。



據Calbee說，某次街站後眾人感到口渴，剛巧書櫃裏放著這支「香檳」，於是「香檳」便被喝掉。
香檳是用來 為 抗 爭 勝 利 慶 祝 ，不是用來讓你解渴。

「下一站係，菲林明道。」
記得書展時，我在明報攤位，遇到黃曉敬。

「Hello!」還真沒有想過，黃曉敬還認得我。
那天，我在黑紙攤位買了一本《給穿過黑衣的人》，也買了一本《90後是咁的！》。
《給穿過黑衣的人》裏，回顧著2012年暑假的熱血。
今天的唏噓，誰能遇見？