《男人只係想做妳身邊的一隻小丑》: 第十一章
阿衛這夜突然而來的襲擊威力十足。
我掛了電話之後，他的聲線仍言猶在耳，尤其深刻的一句是他說：「我想問妳，如果我而家仲中意你，你想唔想我比個名份妳？」
這一句代表了…
他仍然喜歡我…
他跟我說要回來給我一個名份…
那…是不是代表他有記得並且將要兌現他分手時跟我許下的承諾？
突然間，我好想和五年前的自己說一聲：「多謝你，21歲的銀銀，辛苦從前的你，因為你的忍耐，造就了今天的我。我終於等到阿衛了，他終於說要娶我了！YEAH!!!!」
原來愈艱難的願望將要實現時，會帶來愈大的感動 。
我霎時眼貶起淚光。
……
咦…咪住…
等等先……
我o係度諗緊乜呀？
視野變得愈來愈模糊， 我見到前面漸漸出現兩個小豆丁，一個是穿白衣的天使，另一個是拿著丫叉的魔鬼，他們似是在爭執。
天使說：「你傻架？你當阿衛身邊果個bb女朋友無到架？」
魔鬼說：「車，果個乜野bb有幾巴閉？我同阿衛識左幾耐先？」
天使說：「就算你同阿衛識得耐又點先？佢而家同佢bb談情、同你說愛，你真係受？」
魔鬼說：「emm....我會叫佢飛左佢bb架啦！你聽唔到佢當住佢bb都照同我傾計咩？而家我先係大婆！」
天使說：「嘿，大婆喎，你真係恨嫁恨到傻痴痴。聽講好似子牽先係你未來老公喎！」
魔鬼說：「咁…咁…我同阿衛經歷左咁多野都可以走番埋一齊…唔係應該揀一份歷盡滄桑依然歷久不衰既感情架咩？」
天使說：「喔…即係你承認你覺得同子牽已經悶左啦！你就威威啦，打完齋唔要和尚…」
魔鬼說：「Timing 呢家野真係好難控制架嘛…」
天使說：「好…既然你已經揀左啦，咁你諗住點同子牽講丫？」
魔鬼說：「我諗住………」
門鈴突然響起，頃刻天使和魔鬼一起隱身。
我走到大門前，我決定暫時假裝若無其事。
「我無同阿衛傾過電話…阿衛咩都無同我講過…」我口中不停的碎碎念著。
我回神望向大鐘，我在心裡驚歎了一聲：「哇！原來已經凌晨兩點拿！」
我打開門，看見一臉倦容的子牽，他慢慢步進客廳，說道：「你咁夜仲未訓呀？有個肯等自己既女朋友真係好呀！」
一定是我剛才太興奮不知時日過了，我支吾回應：「你做…做咩咁夜先番既？」
「放工同d同事去左食宵夜呀。」子牽說，接著他打了一個呵欠。
食宵夜…
想當年我同子牽都係收工食下宵夜…傾下計…就熟左…之後就…愈行愈埋…最後就…一齊左…
「同邊個同事呀？」我好奇問，
「下…d同事你唔識架喎…」子牽有點尷尬的說，「呀！有一個你應該會熟d既……有阿Grace，即係茉莉公主呀。」
「阿Grace呀...」
我印象中，阿Grace是一個陽光氣質十足的少女，常給人滿滿的正能量感覺。我聽子牽描述過，阿Grace真的很像一個懂得咒語的阿拉伯公主，她笑的時候，很多男同事被她迷得神魂顛倒。
不知是否因為我自覺精神出軌了，在心理作崇下，我萌生了一個想法：既然我都可以諗住出軌，其實子牽都有機會…
我開始有點擔心，子牽會是其中一個被阿拉伯公主迷惑到的男人。
「阿Grace都好似幾後生咁架喎…」我開始試探。
「係幾年輕架，好似岩岩大學畢業無耐之嘛！」
子牽如實的報告，表面上像是沒有異樣，但我的不安感依然存在。
哇…大學生fresh grad呀…有姿色又有知識…我心想。
此時，子牽走到浴室，他說：「咦？我條毛巾呢？唔見左既？」
「呀！我洗左呀，我拎過另一條比你丫！」
「哦…唔該。」子牽站在走廊等候。
我在衣櫃裡尋找著，毛巾好像被藏進叮噹的百寶袋裡，不斷找也找不到，但其實明明它一早已被我握在手中。我故意扮作找不到，因為我還想繼續問。
「係呢，子牽，你覺得你個茉莉公主靚唔靚女？」
「靚唔靚牙…化左妝個個都靚架啦！」
「咁妳覺得佢點呀？」
「下…咩點呀？無咩特別呀…」
死啦…佢開始hea答，唔通佢真係中意左茉莉公主？我心想。
「喂…搵咁耐架…我條毛巾呢…？」子牽開始不耐煩。
仲拉開話題添！好！等我問佢其他問題聲東擊西先！
「係呢，其實都咁多年啦…點解你仲要繼續扮阿拉丁既？」我問，
「乜打工有得揀架咩？如果可以揀，我想扮番高飛添呀。」子牽說，「呀，你都係唔好搵啦！我用住你果條先啦！」
子牽迅速走進浴室，關了門。
「洗唔洗走得咁快呀…」我自言自語。
***********
等子牽沖完涼，把自己的東西執拾好之後，已經差不多凌晨三時半。我坐在床上，看著子牽鑽進床鋪，不安感依然未散去。
「我頭先未問完呀…咁你同茉莉公主熟唔熟架？」
「佢o係度做左半年都未夠，唔係好熟架ja。」子牽說。
唔熟又一齊食宵夜既…？我心想。
「咁茉莉公主有無男朋友架？」
「都話唔熟囉，我點知姐！今晚你問埋晒d問題咁奇怪架…」子牽開始感到不耐煩。
「下…唔係呀…」
「我超眼訓呀！快d訓啦！」
「哦…好啦…」
子牽把床頭燈關掉。
「呀！我唔記得同你講呀！柔柔下星期二要番黎香港啦！之後可能你要搬番屋企啦！」
「喔…好呀。」子牽細聲說。
「下下下…」
「做咩呀？我好支力啦…快d訓啦！」子牽再次不耐煩地答話。
「乜你唔會唔捨得我架咩？」我依偎著子牽。
「無咩所謂啦…」想不到子牽這樣回答我，我真的很失望。我正偏著咀，但他看不見。
「嗚…」我故意發出哭聲。
「係咪係啦…咁我地要好好珍惜呢兩晚啦…」子牽把我擁入懷，「其實都無咩所謂啦…因為…遲早我…」他咕噥了之後的話，我聽不清楚。
就係咁ja？
嗚…已經變左啦…
唉…我覺得大家已經唔似一開始認識果時，咁有新鮮感，對對方咁好奇，會為對方做任何事
佢雖然攬住我，但我只係接觸到佢既軀體，感覺唔到佢既溫暖。
又或者…
變既唔係佢…而係我自己，可能係我對佢既期望變得愈黎愈高，以前佢比到既野，已經愈黎愈滿足唔到我。
無錯…
變既係我…
變…心既係我…
這時我的手機傳來震動，它在黑暗中發出強光，因為我還在子牽的懷裡，我小心翼翼的檢查手機，盡量不要碰撞到子牽。
我拿起手機，看見來電者是阿衛，我立即按下了紅色的交叉掣。
顿時感覺到一陣彊硬感傳遍全身，我不知道、也不敢猜想子牽有否看到螢幕上的名字。
我轉身面向著子牽，我看見他雙眼是閉上的，才鬆一口氣。
手機再一次震動，我檢查手機，是阿衛send給我的短訊，短訊內容是：「我番左屋企啦，晚安，老婆。」
我暗罵了一句SHIT…
我很生氣，但我並不是對他生氣。
相隔四年，本來我對阿衛的感情已經淡如止水，平日風花雪月完全沒有問題。
我是在氣自己，氣自己對他短訊中最後兩個字還有很強烈的感覺。
我到底怎…麼…了…
我是仍然在期待著他嗎？
我知道這個短訊一定不可以被子牽見到，於是我長按阿衝的聊天視窗，然後選擇了「刪除訊息」。
**************
銀銀的心聲:
沒結果的花 未完成的牽掛
我們學會許多說法來掩飾不碰的傷疤
因為我會想起你 我害怕面對自己
我的意志 總被寂寞吞食
因為你總會提醒過去總不會過去
有種 真愛不是我的
https://www.youtube.com/watch?v=Ts75SLPUYnA