《男人只係想做妳身邊的一隻小丑》: 第十三章

子牽從房間走出來，我剛剛好掛了線。

子牽問：「銀銀，你同邊個講電話呀？」

「咦？你起身啦？頭先我打電話比熊貓呀！」我一眼不貶的向子牽說了一個謊，明明電話裡的是阿衛。

「哦。有咩事呀？」

「我尋日咪話柔柔下星期番黎香港既，佢想約我地去玩wargame呀，我咪問下熊貓有無興趣囉！」我繼續捏造故事。



「哦，係呀。」

「係呢，子牽你去唔去玩呀？」

「你去我一定陪你架，幾時呀？」子牽從後溫柔地摟著我的腰，我轉身，凝視他的雙眼。雖然我已經習慣子牽的擁抱，但想起他起床後第一時間就黏著我，感覺是甜絲絲的。

「我想約下個星期六呀！」

「下星期六…等我諗下先…」子牽說，「o個晚我要加班喎…」



「我地上午開始玩，你玩完再番工得唔得呀？」

「時間係夾到，不過玩完再番工好累架喎。」

我一邊「o都」起咀，一邊央求他，我實在好想我、子牽、柔柔、柔柔的男朋友四個人一起去玩！

子牽見我「o都」起咀，他毫不客氣親了我一下。

「咦~」我輕輕推開子牽，臉蛋漸漸變紅。雖然子牽經常這樣偷吻我，但我依然會覺得好害羞。



我扮作生氣的問：「咁即係點呀？」

「我去啦！費事你唔開心啦！」子牽說。

「YEAH~ 好o野好o野！！！我錫晒子牽！」

「你係錫晒我至好呀！」子牽冷冷地說。

「我錫呀！而家就錫！」我撲向子牽，連續親了他三下。

「傻妹。」子牽摸摸我的頭，臉上露出一個滿足的笑容。

*********

子牽答應出席之後，我拜托他多找幾個朋友一起去，因為只有5個人去玩wargame 是不可能成事的。我很快就想到一個人選！



哈哈！虧我想得出呢個一石二鳥的好橋！

我叫子牽邀請阿Grace去，更叫他探問一下阿Grace有沒有朋友會作伴。

BINGO! 阿Grace原來一早名花有主，對方仲係佢既未婚夫。畢業無耐就結婚，真係好幸福呀！

子牽邀請阿Grace的同時，我亦在whatsapp偷偷地邀請熊貓，熊貓簡單地回覆了一句：「ok」

「好，等我數一數人數先，有我、子牽、柔柔、阿俊、熊貓、KIKI、阿強、阿珍、阿Grace、阿Grace既fiancé ，而家總共有十人。」我說，「呀！不過都仲爭人數…」

我看見三軍外展中心wargame場的官網寫著至少12人參加才能成團，另外的package 還有15人成團和20人成團。

「一係你打去問下果度d負責人，睇下有無得通融下！」子牽提議。



*******

我致電元朗三軍外展中心，一位叔叔接聽了我的電話。

「唔該，我想問下，10個人有無得玩呀？」

「10個人少左d喎…」

「但係我同一班朋友真係好想玩呀…」

「好少可女仔咁想玩槍架wor，等我睇下幫唔幫到你，妹妹仔，你想邊日黎呀？」叔叔問。

佢嗌我妹妹仔，其實我覺得有d嘔心。

「我想book下個星期六呀！」



「星期六…等我睇下先…又係10個？咁岩晒啦…妹妹仔，你唔嫁意有其他人合組玩就黎啦！」

「下！即係有得玩呀？我唔嫁意同人一齊玩呀！咁我BOOK啦！」

「好呀。」

「請問有無咩要帶架？」

「我地呢度d裝備齊晒架啦，軍服、護目、電動氣槍、2000發6mmBB彈，仲有豐富經驗既教練，即係我，負責招呼你地！仲包埋中午飯架啦。你地帶人帶錢黎就得！如果第一次玩，怕痛就著件長袖衫同長褲啦！」

「好呀，唔該你。」我一邊抄低叔叔說的資料，「呀，到時係咪搵你就得架啦？」

「係呀，你到時黎到話搵Albert sir啦！我親自招呼你！」



「哦…Albert Sir，唔該晒！」

「到時見啦，妹妹仔！」

「好，拜拜！」

我掛上電話。

當我想跟子牽報告這個好消息之際，我看見子牽把他的衣服逐件放進旅行箱。

我記起了，兩日後，子牽就要搬回家了。

突然間，我很不捨。

有人說，男女朋友之間，相見好、同住難。

估不到一年同居的時光過得那麼快，而且這一年間，沒想到我和子牽之間相處也挺融洽，總算沒有因為生活習慣不同而激烈爭吵過。

夕陽無限好，只是近黃昏。

往往人開始學懂珍惜，正值是分離之時。