我 , 係咪一個學生時代既贏家 ?: 青梅竹馬篇 Part 4.

申住懶腰「噢～你老味終於熬左5堂終於可以放飯 [#love#]  」

「去食飯咯，我地食乜呀？」

「Em.....未諗，出到去先」

呢個時候，我同家琪打孖行出去房門，有條粉腸極速咁由廁所果邊跑過黎

無錯，佢係軒仔，真係好撚快，抵佢入田徑隊。



「喂傑少快撚Ｄ啦，等你好鳩耐啦，去食飯啦，好柒肚餓 [:~(]  」軒仔跑過黎同我講

軒仔見到我同家琪打孖行出黎，都知咩料即刻識做，

「ＷＯＷ，當我無問過！」軒仔又跑返走，嗯，好撚快！

但軒仔係跑走既同時，又大聲嗌「大家望下後面」

心諗「你條仆街仔呀.......」



家琪亦都有偷偷笑左下，真係幾得意

跟住成班人望住我地兩個 [[yipes]]  

有葡萄既眼神，有憤怒既眼神，亦有同情既眼神

點解會同情我？可能因為以為我溝左咁多年都未溝到

講真果句，我曾經有諗過去溝佢，



但我又覺得，我同佢識左咁多年，太了解大家啦，

根據返古巨基首戀無可戀

「跨出這條界線　怎去善後　也許這種愛剛足夠
散步然後吃喝　誰也別多口」

所以，我當年仍然同佢保持係呢條界線，我驚我跨出呢界線既話，可能到最後都係兩邊都傷，

可惜，到最後我都係由我跨出左呢條線。