我 , 係咪一個學生時代既贏家 ?: 青梅竹馬篇 Part 5.

如果講返我點跨出左呢條線既話，應該係係當年平安夜，

講到平安夜既話，肯定係單身毒撚既悲劇，

當平安夜正臨近之際，正直放假日子，

我亦都係驚得自己一個悶到抽根，而且自己又幾恨拍拖，

可惜身邊無一個睇得上眼，除左家琪，可惜自己又怕，



隨住日子愈黎愈近，身邊Ｄ老死就約人開Party [#yup#]  

當然有邀請我同家琪參加，我又可以順便識下其他人，最重要有女嘛 [#hehe#]  

我做左一樣野，我打電話去搵家琪，

「喂，今晚話去軒仔到既，不如唔好去咯。」

「下！咁我地去邊？」



佢問得呢句果陣，我用左我畢身最大勇氣。

「我......我....我地兩個去撐抬腳！！」

我講左呢句之後，好似靜左約３－４秒左右，

「...................好.....好呀」

家琪呢句既聲線比佢平時細左少少 [@_@]  



「咁我６點鐘係你屋企樓下等你」

「嗯！」

當佢應成果下，我同你地講，果下心情唔係普通毒撚可以明白，

係一個咁撚重要既節日，竟然約到個女仔陪你都唔方唔爽，

但呢個時候，我又諗返起，佢.....係我邊個？