我 , 係咪一個學生時代既贏家 ?: 青梅竹馬篇 Part 9.5 回憶

無記錯當年正直係小學五年級，果陣我仲係一個肥仔，又唔係好撚柒肥果隻，

普通小肥仔一名，座我隔離既，當然係家琪，而座我前再前再前面既，係我小學女神

正當我上緊乜鳩堂，講建立家庭同性教育果陣，

阿Miss講到：「拿，大家聽住，男女必須要結左婚，先可以..............」

點解我聽唔到後面果句？因為我另轉頭同後面文仔傾緊計，傾緊火影既劇情，仲傾到興高采烈



家琪見Miss已經嬲嬲地，所以係咁篤我提我，

但我同文仔無理會到，繼續傾，

跟手Miss開始鬧人啦，但唔知點解鬧我一個唔鬧後面條文西:o) 

「阿傑你起身，上緊堂仲傾計？你想唔想結婚建立家庭架？」

由於我只係記得Miss講到果到，而家琪又係咁篤我，



「想呀！」

「你咁既樣邊個會肯同你結婚？」

由於當時太過純真，口出狂言。

「家琪嚕！」我指住家琪

其實小學果陣，家琪已經係一個小美人，成績相當好，大過左就不得了



我望一望家琪，佢聽完呢句無乜反應，只係面紅左一陣子，又望住我笑，仲打左我一拳

「哈哈哈哈，人地成績咁好，你又咁差，點嫁比你呀！？」

無錯，我比Miss睇死，但我無理到，因為細個唔識世界，以為隨口UP下又無乜所謂，

所以，唔知係咪就係呢句，導致天意弄人，編編就同家琪上到同一間中學。

直至現在。

可能就係呢件事，直到中學佢都未拍過拖，佢....係咪等緊我？定係我多心....？

希望我唔洗唱返首「沒有 從來都沒有 纏綿邂逅 完全虛構」

可惜，而家大個左，我仲記得呢件事，仍然埋係我心中。