我頭頂有兩隻野,分別係天使與魔鬼,

魔鬼:「喂傑仔,你唔撚係呀嗶,咁貴買兩舊廢鐵返黎,如果條女唔肯咁咪蝕鳩左?咪咁笨柒啦」

天使:「繼續上!全力上!無懼每個對手招式多誇張!」

魔鬼:「醒D啦衰仔,拿,而家即刻掉返轉頭走,落去上海街叫雞啦屌你老母」

天使:「難得~有人待你這麼好~」



魔鬼:「呀你條仆街天使係要唱歌架啵!」

魔鬼:「共你親到無可親密後,便知友誼萬歲是盡頭,別似親人那麼懷抱我,也別勉強共老朋友手拖手。」

「你兩條含家產收聲!!」憤怒既一句,由我心中講出,呢條粉腸終於識走。

不過,我係聽天使意見既,無理到隻屎忽鬼,因此成功購入情侶戒,

我諗返起,我家姐同我講過一句「千奇唔好做一個令自己後悔既決定」



呢單野,我敢肯定,我無做錯

家陣我以羅賓雲佩斯既速度飛返去,

我既染色力,可以話算係世界級,繼續扮去完廁所。

「去咁耐架!」「啪」我又比人啪心口。

我地繼續行街,心血來潮,仲睇左場戲添,



係睇戲果陣,我已經係到諗緊點開口,亦都諗緊係邊到開口,

睇完戲,終於,我搵到一達無乜人又暗暗地既地方。

「做乜帶我黎呢到:) 」笑笑口咁講

「Er.......................我有D野想講你講[banghead] 」

「有D咩想同我講?講啦:D 」眉頭一皺咁問

「Er...................如果我講左,你會唔會嬲我先?」

「你有D乜野未同我講過呀?成日同我講咸濕野我都未嬲啦!」開始「DO」咀

「我......其實呢.....我.....」



「快D啦!!!!!!!!!!!!!!!」

唔知點解,我講唔出口,但我睇得出,家琪知我想講乜,

佢既眼角,好似有些少眼淚想出黎。

「啪!」我大大力咁攬住佢

「你....可唔可以做我女朋友?」 我係佢耳邊講

哈哈哈哈哈哈哈,呢個時候,我頭頂果兩條粉腸又出黎

魔鬼買一百蚊我食檸檬,而天使重注左佢係我頭頂間屋,



天使:「若要生活好,重注利物浦嘛」

「嗚嗚嗚嗚嗚嗚嗚嗚嗚嗚嗚嗚」家琪開始喊

「我終於等到你肯講,嗚嗚嗚嗚嗚嗚嗚嗚嗚嗚嗚嗚」愈喊愈勁

「Sorry,要你等左咁耐。」呢句我諗返起自己把聲幾似鄭子誠[slick] 

「我仲記得,我小學果陣講左句,我要娶你,所以,希望你可以嫁比我!」

我抬起佢個頭,互相對視,無錯,你估得岩

我錫左落去,呢下,並唔係普通的一吻,

係我同家琪由小學到而家既回憶,



再拎返我岩先買既情侶戒,戴係佢既無名指上。

但自從我地開始拍拖之後...........
已有 0 人追稿