[SHESHE] 我和女神的一星期: 第一章

上司: 「我地黎緊20-24號想搵同事帶批錶過去台灣舖頭，順便睇埋個trade show，有無邊個同事想去？」 

我:「20-24號啊？我去啦，2526兩日係weekend可以留多兩日玩下喎」 

上司：「牛奶你想去啊？ok啊台灣果邊你應該成日去架啦。」 

的確我同好多香港人一樣 一年最少去一次台灣 
其實本身我唔係咁鐘意出trip 
因為老闆一定會叫你一袋二袋咁過去 根本搵個人去就係想慳courier嘅錢 
不過咁啱早幾日同女朋友嗌左交,所以想行開幾日散下心

公司邊有對我咁好，話就話20號去 
其實就係20號拎埋個行李收工直接去機場去到台灣果邊都12點 
一落地第一時間搭車返酒店然後訓覺 

第二日 
一個人難得自己去做野當然稔住拿拿淋做曬工務最尾兩三日去玩下叉叉電啦 
所以一朝早8點鐘就起左身，去附近食左個早餐就出發去第一間舖 
去到門口望一望隻錶，屌10點半！仆街 
d潮舖邊有咁早開，於是去左斜對面一間幾靚嘅coffee shop 


嗌左杯咖啡一邊等佢地開門。 
坐左唔係好耐 大約11點15左右就有個男仔返左黎開門 
我就飲埋我果兩嗒野行過去 

我：「你好，我是xxx從香港來的人員，我帶了我們新一季的設計，還有一些補貨, 
請問一下哪個display我們可以用嗎?」 

店員：「哦哦，你好我叫希希，平常不是我開店的啊今天我剛好有事過來一下， 
我陪你等另外一個店員回來再弄display好不好？」 



咦原來呢個「男仔」並唔係男仔，佢都係一個b,有去過台灣嘅人都知，
台灣b嘅數量除左多,質素普遍都幾好。

形容下希希先，典型台灣b,皮膚好，身高164-5左右（不過根據我d frd講台灣b好鐘意著增高鞋墊）
anyway 個樣笑起上黎有少少似男生版陳法拉，總之就係美男子一個 

我：「哦這樣子啊，不好意思因為我剛才坐在對面的咖啡店，見到有人開門我就衝過來了， 
真的不好意思。忘了介紹自己我叫牛奶你叫我牛奶就可以了。」 

哎仆街我d國語真係好爛

希希：「牛奶嗎？你的名字挺搞笑啊!我平常主要是在另外一家店的， 
這間店今天開門的沒有帶門匙我才特意過來的，他應該45分左右會回來的... 
你來台灣幾天啊? .......」 



同聲同氣加上台灣人嘅熱情, 
我同佢一路傾到店員返黎我set好display 交代完工作 

臨走果時佢叫住我 

希希：「牛奶你有沒有在用Line?你給我一下電話號碼，週末可以一起去玩。」 

台灣人/日本人大部分都係用line,香港人就用whtsapp,大陸人就當然係微信 
而作為聯合國人民我就係樣樣都有 

我：「可以啊，你記下吧xxxxxxxx」 
希希：「好那byebye哦，有什麼事隨時打給我」 
我：「byebye」 

我同佢揮手道別完就繼續去唔同嘅舖頭做野，台北其實真係話大唔大話細唔細， 


除左希希間舖我做左成日都係去得5間舖，大約9點鐘我去左間出名嘅鰻魚飯舖頭食晚飯。 
拎個電話出黎睇下有無人搵過我啦，又係得公司同阿媽，我女朋友搵都無搵過我， 
錄個音覆返阿媽先 
「喂係啊唔好打比我，我去左台灣做野下星期一先返，要唔要買d咩比你？」 「 
下去左台灣都唔話我知？買d綠豆糕返黎比你阿婆啦，你自己小心d啊」 
喺比阿媽鬧緊嘅時候竟然有人打比我....

「喂??牛奶嗎? 我是希希啊你有看到我的Line msg嗎？」 
「hello 希希沒有啊, Line我比較少用」 
「我們今天晚上有個party你要來一起玩嗎？」 

下有party?我稔住聽朝一早起身做埋d野架喎 

「我再回覆你好嗎我正在吃晚飯啊」 
「好唷好唷你再回電吧!」 



我即刻拎返希希個line msg黎睇 
「牛奶，我們今天晚上有朋友的生日party你要來一起玩嗎？ *有很多美女的啊」 

原來係生日p,仲有靚女 好似好吸引咁.... 
唉死就死啦,早d去早d走都ok嘅 

「喂希希我可以啊，你把地址發給我吧」 
「真的嗎，不用啦你現在在哪裡我們過來接你去」 
「我在中山北路一段121號」 
「好你吃完了沒有？我們10點鐘左右到」 
「好的 待會見」 

話說我人生第一次去clubbing都係喺台北，果時係中7畢業旅行同成班同學一齊去，
之後再黎台北都有去過一次les bar,台北d les吧真係又抵玩又好玩 


如果無記錯好似$500台幣左右任飲 
最正係女仔質素高同埋佢地會好主動問你拎電話同叫你出去跳舞。

生日Party 我就真係第一次去，我都係睇在有台妹份上去見識下。