希希:「這個是我朋友,小琳,這個是牛奶,牛奶你剛才吃什麼哇?」 

我:「小琳你好,我吃鰻魚飯啊,很好吃我每次來台北我都要吃的」 

希希同佢朋友小琳仲有個男人應該係司機揸住架黑色房車車我地去party嘅地方 

唔係坐左好耐,應該係大概15-20分鐘我地就落左車 
地點我當然唔係太清楚,淨係記得條街都幾黑 
我地入左去左手邊其中一個好似後門咁嘅入口 
一入到去地方其實唔係好大 


係一間普通嘅吧 有吧檯 
對住有黑色梳化圍住3,4張半圓形檯 
total 應該4,50人左右 

一入到去已經唔見左小琳,因為我頭先無望清楚佢個樣 
呢度又太多人所以一時之間已經搵唔返佢 
於是我跟住希希同佢四圍social 打招呼 

「這個是牛奶是香港來的t...」 



呢句野我都唔知聽左幾多次... 
我一路陪佢打招呼當然一邊望下四圍環境,一望全場大概有10個男仔, 
5,6個b 其他全部都係女仔,女仔質素都唔錯 
最吸引我視線係最遠處一檯有個好長啞啡色頭髮嘅女仔,好似一個歌手雨澄

無幾耐之後我地就坐低左喺果個好似雨澄嘅女仔前面張檯 

我張檯大約坐左10個人有個兩個男仔應該係hehe 而其他仲有我, 
希同另一個叫老鼠嘅b,同檯嘅女仔年紀應該同我差不多 
二十五六左右佢地有d係做化妝有d做髮型師,所以自己都打扮得好靚 



坐低飲左一陣,12點就有人推左個好大嘅蛋糕出黎 
原來生日嘅係希嘅中學同學 
一個都幾靚嘅女仔 

希細細聲走埋黎同我講 
「牛奶要不要給她一個birthday kiss啊,她好喜歡香港來的t啊」 
「開玩笑,我連她名字都不知道」

希希突然搶左支咪 


「大家好這是我香港來的朋友,大家說要她們birthday kiss一下好嗎?」 
我心稔仆街 
然後有人推左我出去生日個女仔隔離 

「kiss kiss kiss!」 



屌成班花生友 

個女仔真係啜一聲咁錫左落我個咀度 
好彩係蜻蜓點水果隻,但係屌 
我天生勁易面紅,我今次真係紅都面曬 

然後大家一輪起哄之後就吹吓蠟燭切蛋糕,派下蛋糕影下相咁 
我就平安無事返返去我張檯度

猜下枚 玩下d on9遊戲,有時佢地會叫我教下佢地廣東話, 

就係咁飲下玩下就玩到一點半左右 
我望一望後面,原來都走左d人 , 
我稔住搵返希希就同佢講我都差不多走, 
點知望黎望去都望唔到佢,我就問人知唔知佢喺邊 


一問之下原來佢去左廁所果邊食煙 

一推門出去見到有四個人 
希,我話好似雨澄個女仔同兩個男仔喺度傾緊計 
我同佢地點一點頭示好 
就拉左希過黎同佢講我想走 

「你真的要走了嗎 我們才剛開始啊 
有些不是太熟的人都走了剩下都是好玩的人」
我一路同佢講野一路望住果邊傾計嘅兩男一女 

「她是那個歌手雨澄嗎?她真的好像」 
「姐,你要唱歌給牛奶聽嗎?」 

個女仔即刻將個頭望黎我地呢邊 



「張希漫你是玩姐姐嗎?」 
然後笑左幾聲 唱左幾句佢首本名曲 
我心稔diu 真係架? 
雖然個樣同上鏡有少少唔同 
但係依然係一個氣質女神

「牛奶啊牛奶 那麼你還是要走嗎?」 
「不....不用那麼早反正店都沒有那麼早開門」 
果刻我真係口都窒埋, 
估唔到呢世人有機會同女神一齊飲野 

之後我地兩個返返入去 
喺我地出左去期間原來我張檯走左好多人 
於是我地兩個坐左去後面張檯 



佢地張檯依然有十幾個人,我正對面就係女神 
喺我地一齊玩嘅期間我不斷忍唔住偷望佢 
而佢唔知係因為知道我望佢而望返我定點 
總之我地有兩三次係四目交投,如是者玩多陣又走左d人 
最後得返10個人左右

「對不起我要去廁所」 

女神喺我隔離行過去廁所, 
返返黎嘅時候佢無坐返入去, 
竟然坐左喺我同希中間, 
我地繼續分隊玩遊戲 我同佢一隊 
我地輸左我望一望佢相視而笑 

原來佢塊面已經飲到好紅 

我示意幫佢頂酒 然後我哄左埋去佢耳仔同佢講左句 
「你好美」 

其實我都唔知點解果時會夠膽咁講 
佢真係隨時一巴打9我 好彩佢無 
佢擰過黎望住我 

笑一笑 

講左句「謝謝」 
我真係夠膽講呢個笑容絕對係我呢世人見過最靚嘅笑容

正喺我以爲可以繼續同女神玩嘅時候, 
佢d 朋友就叫坐返去入面 

之後我同希同兩個女仔開始自己傾計 
傾下傾下又出去樓梯坐左好耐 

再返入去果時發現原來女神d朋友走曬 
佢自己一個人喺角落度訓著左

「我們走吧,送這個麻煩鬼回家」 


我feel到其實希希都有d醉 
我就好彩雖然唔算好飲得 
但都托賴飲醉次數5隻手指數得曬 

「好吧你知道她住址吧?」 
佢點一點頭示意佢知 
然後我地兩個一人一邊咁dau住女神走 

好好彩出去行左幾步就上到的士 
而女神一路都無醒過 
佢將個頭輕輕挨左喺我個膊頭度 
後來我都訓著左所以我都唔知坐左幾耐車

等緊lift嘅時候我問希希 

(望一望女神) 

「她常常都是醉成這樣子的嗎?」 

不是啦,她只是有點累吧,她醉的話會說台語的。 
你知道在台灣當藝人都是很忙的,要去電台, 
電視台錄影,又要去校園演唱,商演, 
拍廣告她最近很忙。 
我也差不多兩個月沒有見她 
今天如果不是中學同學生日她都不會出現啊

講講下就有lift 


入到去希希純熟地按左頂樓,即係25樓 

我就繼續問 

「那你跟她也是中學同學嗎? 
她那麼美是不是中學的時候已經是萬人迷啊~」 

「她當然是學校的風雲人物啦~好一個早熟的大美人, 
可是她長著一張高傲的臭臉,很多女生都看得不爽。 
啊~到了,左手邊第二間,你幫我扶好她我先去開門」

已有 0 人追稿