[SHESHE] 我和女神的一星期: 第三章

好的 

我將我隻右手輕輕托住女神條腰將佢企返直 

「牛奶是嗎？」 

「嗯」 

「你好可愛，也好帥啊」 



diu你咩講呢d 

我正諗住擰過去， 
以其人之道回敬佢一個微笑嘅時候 

我一擰個頭過去個陣，冷不防女神佢錫左我個嘴一啖 
足足停留左3秒，而我塊面又極速變紅 
之後我地就繼續行返入佢屋企

一打開門，仆你個街咁臭嘅 


原來佢2隻狗喺周圍放低左幾兩 
希希就好知地方咁 
一衝就衝左去廁所拎個地拖出黎清潔 
清潔完我地終於踏入左女神屋企 

嘩原來間屋好大， 我坐左喺一個曲尺嘅米白色梳化 
希希仲喺廁所，女神已經唔見左 
我諗佢係返左自己房沖涼訓覺。

過左一陣希希喺廁所出黎問我去唔去沖涼， 


我諗左一陣最後都係無沖涼， 
淨係洗左個面同埋用手指刷左個牙。 
我同希兩個人一人霸佔左一邊梳化 
我地傾左一陣計， 
佢略略講左原來佢係某明星開嘅潮店其中一個合夥人， 
所以佢成日都會同某幾個明星一齊玩， 
跟住我都有同佢講下我同女朋友d野 
講講下大家不知不覺就訓著左

訓左唔係好耐，開始有d太陽曬入嚟 

除左燦醒左我，亦都燦醒左女神果兩隻狗 
兩隻狗一隻係啡色貴婦狗， 
另一隻係白色嘅，唔知叫咩名， 
總之個樣有d似史納莎但係白色。 



佢地開始喺度行嚟行去，我被佢哋d腳步聲搞到訓唔到 
於是我起左身，去咗廚房搵到d狗糧比咗d佢哋食 
跟住佢哋就好乖無再行嚟行去， 
我就攤返落梳化繼續訓。

就係咁訓訓下原来一訓訓到12點幾 
如果唔係個太陽曬到頭殼頂 
我真係起唔到身 

同左而家個女朋友一齊咗2年幾， 
我就足足2年幾無出去蒲通頂。 
平時真係返工等放工， 
最多放假去下旅行差下電咁。 
噚晚返到女神屋企都成4點， 


訓得著果時都差不多5點 
起左身發現希希同女神都已經出左去

間屋得返我一個人 
終於可以慢慢咁企喺度望下 
個客廳應該有3，4百呎 ,放左我噚晚訓果張曲尺梳化 
同廳中間有個圓型木茶几之外 ,就淨係得電視同d音響設備 
上面放左幾張女神同佢兩隻狗嘅合照 
飯廳就有張好大嘅長木檯 ,兩邊排左6張餐櫈 
成個廳，應該係成間屋都係白色牆 
加上佢住喺頂樓，樓底特別高嘅關係 
間屋好有空間感，又無乜雜物 
簡直就係好似示範單位咁 房由於閂左門嘅關係 
我淨係見到有2度房門， 仲有一個廁所同廚房 
呢兩度都係噚晚已經入過去 



不過今日細心睇下， 
突然覺得女神佢應該唔係一個人住