[聽者恥笑，說者流淚] 恥笑吧，娶左個港女返屋企: Chapter 08 職業特工隊 (中)

下午四時，時間一分一秒的過去，
 
他:「今晚10時，你屋企樓下M1吧！」
我:「Okay！」
他:「剛剛同你交代既行動每一個細節，清楚嗎？」
我:「清楚。」
他:「每一步都不容有失。」
 
Vincent計劃得如此周詳，應該萬無一失，
不過世事焉能如此盡其意呢，所以還是擔心著，


但我只不過是抽出十分鐘時間跟兄弟聚會，
我們又不是紅花會，何苦弄至跟秘密約會起事一樣？
 
我:「但你唔怕無位咩？我樓下果間成日都好Full！」
他:「我一早book左啦！雖然我地得十分鐘相聚，哈哈。」
我:「依家攪到好似偷情囉！」
他:「係你老婆眼中，你只要做啲逆佢意既野都係同偷情無分別嫁啦。」
我:「……」
 
唉！


 
五時三十分在回家的路上，詠宜下班總是準時的致電給我，
 
「老公，我收工啦，你呢？」
 
「我返緊屋企呀。」
 
「坐港鐵？去到邊呀？」
 
「美孚，就轉車返屋企。」


 
「你唔接我放工？」
 
心中不禁打趣的問道你不是下班了嗎？
 
「咁老婆大人你依家係邊？」
 
詠宜聽過後不滿的答道，
 
「都話岩岩放工，你覺得我會係邊呢？」
 
原來她是知道自己已下班，但她知道她工作地點在上環嗎？
難道我要回頭乘車到上環接她，然後再回美孚嗎？
 
「係上環。」


 
「嗯，咁我係上環港鐵站A出口等你。」
 
果然先斬後奏是女人的專利！
 
「好啦，咁我去接你啦。」
 
「嗯。」
 
我還未說再見時，她已經把電話掛掉，
電話掛掉後，我便懷著感慨的心情折返到上環。
 
經過半小時的車程，最終到達上環，當我望見詠宜時，
她板著臉，雙手玩著電話，看來今天難受了。
 


我報以一個似有還無的微笑對她說，
 
「老婆，累唔累？」
 
詠宜把電話放回手袋，然後對我說，
 
「你話呢？返工點會唔累，仲要等你。」
 
下，竟然是我的錯？
 
「咁Sorry！」
 
「你知唔知今日咩日子？」
 
我輕聲地回答，


 
「親戚到掛。」
 
「你講多次？我邊度似呀！」
 
詠宜有那一天不是如像親戚探訪？
要不是我擁有一般的醫學常識，
我真的以為一年三百六十五天，詠宜有三百天是親戚來訪。
 
六十五天到了什麼地方？
 
那六十五天扣除新年她不會輕易動火外，真的是她親戚來訪的敏感日子。
 
一般女性在這麼日子會變得煩燥，
但詠宜正正是相反十分平靜，


嚴格來說是死氣沉沉。
 
「我講下笑姐。」
 
詠宜不憤的對我說，
 
「今日係你第一次約我去街既日子。」
 
「……」
 
她不服氣搖著頭答道，
 
「溝到手，娶埋返屋企就咩都唔記得曬！唉，男人！」
 
我怎會忘記這一天！因為這一天開始我的人生便改變了。
 
詠宜望見我一臉無奈，於是把臉一百八十度轉了，
主動的牽著我的手，伏在我的胸膛上。
 
「Sorry呀老公，我知道你累，但我地好耐無拍拖。」
 
本來心中真的不滿，在詠宜的溫柔下瞬間化解了。
 
「傻啦，咁我都知道我好耐無同老婆你拍拖。」
 
「嘻。」
 
「咁你轉頭想去邊呀？」
 
詠宜輕吻了我的咀巴一口後，笑著對我說，
 
「我想同你行街，跟住食飯。」
 
「好呀，咁行啦。」
 
在詠宜的微笑後，開始了這個約會三週年的紀念日，
說真的，有時候真的不明白為何女性總是能夠把所有紀念日記住了，
更可怕的是，男性從來都不記得那些日子，更有些日子從何而來更是一團霧水。
 
在這刻溫馨的二人世界，差點忘了今晚還要當十分鐘職業特工隊，
想起了這點，心中頓時生起了一絲罪惡感。