《我炒咗車之後入廠訓咗四年覺》: 放飯時間

第二日返學，開始返全日嘅日子。 

好彩第一堂都係講吓啲課程概要。 

之但係呢，今年嘅science學校就將佢分拆咗做phy、chem、bio三科… 

唉…又多兩科要考…煩！ 

好快就到咗食晏時間。一記鐘聲後，成班同學敬完禮就向住同一目標—班房門口高速移動。 



"嘩！女神啊！" 

"呢個係邊個？" 

"咪7B班個晴晴囉！咁你都唔識！" 

"佢嚟呢度等邊個呢？果條友真係有福喇！" 

"喂！結衣！你個勁敵啊！" 



結衣： …(無奈) 

我：我行先喇。 

結衣： 不如一齊食？ 

我：唔啦…睇嚟有人約咗我在先… 

結衣：喔…咁算啦！ 



我：拜拜！ 

結衣：sayonara！ 

結衣講拜拜硬係鐘意用日文嘅…哈！ 

一出班房門口，我已經見到晴晴，身邊仲有少量狗公。 

我好自然就行過去，晴晴嚟得呢度應該就係揾我食飯嫁喇。 

晴晴：喂！貓仔！ 

我：晴晴！ 

"woe~~" 



…係嚟自班入面嘅同學，仲有一部份未走。 

我笑笑：做咩姐你地！ 

同學F︰女神約食飯！FF！ 

我：哈哈！(苦笑)

我面向返晴晴：係呢晴晴，打算出去食？ 

晴晴：唔係啦，我帶咗飯。 

我：你煮咗嘢食？ 



晴晴：我媽咪煮嘅，咸蛋蒸肉餅飯，你食唔食？ 

我：喔！特登煮埋我果份！ 

晴晴：唔係啦，佢煮得太多，食唔哂。 

我：佢次次都係煮咁多？ 

晴晴：係啊… 

我：咁你以前點解決啊？ 

晴晴：揾到人開心share咪share囉，揾唔到咪…倒囉… 

我：倒？！ 



晴晴：咁冇計嫁… 

我：咁如果我唔食嘅話咪浪費食物囉？ 

晴晴：係嫁… 

我：咁為咗唔做大嘥鬼，我就食埋你淨低果份啦！ 

晴晴嘟一嘟嘴：淨係因為咁咋？ 

我意義深長咁笑一笑：你估吓！嘻嘻！ 

晴晴：衰人！ 



我笑笑：去食飯啦！衰人！ 

我地兩個並肩而行，去到飯堂。 

"啊晴！呢度啊！" 

大叫果個係小銘—我以前嘅同班同學。 

晴晴：小銘！有冇多個位啊？ 

空位隔嚟嘅男同學立即讓出嚟。 

男同學：呢度吖！

晴晴：唔該！

小銘：又識到新朋友？…咦？！ 

晴晴：做咩？ 

小銘：你隔嚟果個…係咪chilam？！ 

我：係啊！好耐冇見啊！ 

小銘：你唔係死咗嫁喇咩？！ 

我：妖！你就死咗！ 

晴晴：人地暈咗咋！ 

小銘：哦…嚇得我！我仲以為撞鬼添… 

我：咪傻啦！ 

晴晴：貓仔，我得一盒咋。你等我食完就用我個盒同匙羹食吖。 

我：哦。 

過咗一段時間，我地張枱除咗啊晴之外，都已經換成全男班。就連我地都近我地嘅幾張枱都係以男同學佔多數。 

之後等佢食完到我食果陣，我感受到好多葡萄同仇視嘅目光投射落我身上… 

我：小銘，我…覺得好似比好多人望住哂咁… 

小銘：梗係啦！你而家係同緊唔少男同學嘅女神一齊食飯，仲要共用餐具添喎！ 

喔！難怪… 

不過我真係唔係好慣… 


====================


食完飯去走廊吹陣風之後，我走返上班房。 

"woe~~！型啦chilam！晴晴女神揾你食飯，仲要食埋口水尾！" 

"嘩！啊豪！堅料啊？！" 

"係啊！堅過石堅啊！啱啱親眼見到嫁！" 

"問吓當事人先！chilam，晴晴係咪你條女？！" 

我：第一！女唔係一條條嘅。第二！我地只係青梅竹馬嚟啫！ 

"woe~~！！青梅竹馬！" 

我：(一臉無奈) 

不過，比同學懷疑我同晴晴拍拖，唔知點解，我個心有啲戚戚然嘅感覺…