《我炒咗車之後入廠訓咗四年覺》: 音樂比賽
接近10月，到咗揀課外活動嘅時候。
結衣：喂喂！你揀咗咩課外活動啊？
我：未啦，我以前一向都冇玩開課外活動嘅…
結衣：喔…
我：不過，我都識少少音樂，好耐以前我都已經想揾朋友一齊夾band嫁喇…
結衣：咁你識玩咩啊？
我：以前都有學過吓電結他，同埋彈琴，咁囉。
結衣：真係嫁？ 咁啱我都想夾band啊！不如一齊吖？
我：喔，冇所謂吖。
結衣：係呢，你彈琴係幾級啊？
我：我昏迷之前…應該都有8級嘅…
晴晴：嘩！
最後，我同結衣就入咗演藝小組，一個雲集鐘意表演嘅同學嘅地方。果度有魔術師、雜投人、小丑，當然都有熱愛音樂嘅同學。
====================
我地條band第一次聚會。
結衣：嗱，呢個就係我今年揾返嚟嘅新成員喇。
band友A︰你咪就係啊晴師姐個男朋友？！你地拍拖嘅事傳到成間學校都知啊！
我：哈哈…大家咁樣傳啫，都唔係。吖係，我叫張紫霖，你地就叫我chilam啦。
band友B︰張智霖？
我：係紫啊，佢個名咁啱同我似啫。
結衣：佢地係啊淇同埋啊瀅。
兩人：嗨…
啊淇：好啦，嚟緊就係學校一連串嘅sing con. 活動喇，首先我地要揀歌…
結衣：揀k on啲歌好冇啊？我想揀…
啊瀅︰其他同學都唔識日文！仲有，你估個個都同你一樣咁毒咩？！
喔！原來結衣都鐘意呢啲嘅！
結衣：咁…
大家度咗一陣，都仲未諗掂。
我：不如…呢首？
我比咗一首歌佢地聽。
大家：ok喎！就呢首！
之後大家就約好咗逄星期三、五練歌。
好彩大家本身都有玩開音樂，我地練習嘅過程尚算順利。
====================
好快就到咗10月，但依然係有驟雨嘅日子。
今日最尾果堂嘅老師冇返，由代課老師負責，所以一打鐘就放得，非常好。
呃…好急！拿拿林去爆石先！
我出名爆石爆得慢。一路上高登講故台一路爆石，3、4個字走甩。最高紀錄係粒半鐘，果次坐到腳痺先出嚟，哈哈！
痾痾吓，忽然間聽到窗外面有好大嘅沙沙聲。
噢！聽落應該好大雨。
偏偏琴日架車又比其他車撞凹咗車身！頂！
好彩我今日有帶遮。
表弟今日要留堂，唔等佢喇。
今日又唔駛排練，走先。
我攞住我把黃色遮行向門口，半路見到結衣。
我：你仲未走？
結衣：揾老師啊，走嫁喇！
我：你把遮呢？
結衣：冇帶啊，唯有等啲雨停囉…
我：我遮你啦。
我一路開遮一路講。
結衣：吓…但係…
我：嚟啦！唔等你喇！
結衣：等埋！
佢好快咁行入我把遮下面。
我：你啊！同晴晴一擔擔嫁！成日落雨又唔帶遮…你起碼放把後備遮喺學校吖！
結衣：(苦笑)
我：你袋嘢重唔重啊？
結衣攞住一個布袋，就係擠上堂嘅書。佢從來都唔帶書包。
結衣：ok啦…
但係睇落其實唔少嘢。
我：攞嚟啦。
結衣：唔駛啦…
我用堅定嘅語氣：攞嚟。
結衣：哦…唔…唔該。
大雨令周圍蒙上一層又一層白紗。
結衣：喺呢，你架車呢？
我：入咗車房啊。
結衣：難怪！
呢場雨嘅雨勢完全無減弱嘅意慾。
結衣：啊…你濕哂喇！
我：得啦…遮到你就ok啦。我凍親，最多病一日睇吓醫生就搞掂；你凍親，睇你弱不禁風個樣都知你一病就病兩三日嫁喇！得啦…
結衣：唔得！你唔可以因為我而病嫁！我唔想累你…
之後結衣就捉我隻手，成個身靠哂過嚟，痴得好埋咁行。
佢隻手…真係好滑！好似剝殼雞蛋！
我地就快行到巴士站果陣，一架82號已經埋緊站。
我：捉緊我！
結衣：…哦！
我捉住結衣同把遮瘋狂狗衝向巴士，結果…
上到車都係要企。
我地上到車都已經喘哂氣。
結衣：你濕哂喇！
我笑笑：你都係啊！
結衣：哈哈！
我：你塊面…好…紅啊…
結衣：係咩…？
冇耐就到站嚕。
我：我送你返去啦。
結衣：送到我到電動梯口就得喇。
我：送埋你上閘口。行啦。
我地就咁一路行一路揾水吹，講老師，講同學嘅是非，就咁送到佢去目的地。
我：好啦，我返去喇。
結衣：今日唔該哂你。
我：唔駛…走喇，拜拜！
結衣：sayonara！
結果，弱不禁風果個竟然係我，發咗燒抖咗兩日。
結衣：搞到你病咗真係唔好意思啊…
我：唔緊要吖！反正我又R到兩三日假，嘻嘻！
結衣：喔！原來係呃假放嘅！
我：唔係啊，真係病啊…
====================
好快就係比賽嘅日子。
MC︰有請下一隊band出場！佢地係松本結衣、陳嘉淇、何樂瀅，同埋…張紫霖？！
唔知嘅同學，仲以為張智霖真係嚟咗。
呢個MC，form 2果陣同我同班嘅。
我慢慢同隊友一齊上台。
我：我都話係"紫"囉！成日讀錯！
MC︰乜你唔係炒咗車之後瓜咗…
我笑住鬧佢：瓜你個頭啦！
MC︰點都好啦，將個場交比你！
我地隊band就開始演奏，由我主唱兼任結他手。
不要不要假設我知道
一切一切也都是為我而做
為何這麼偉大
如此感覺不到
不說一句的愛有多好？
只有一次記得實在接觸到...
騎著單車的我倆
懷緊貼背的擁抱
難離難捨 想抱緊些
茫茫人生 好像荒野
如孩兒能伏於爸爸的肩膊
誰要下車
難離難捨 總有一些
常情如此 不可推卸
任世間再冷酷 想起這單車
還有幸福可借
經已給我怎會看不到
雖說演你角色實在有難度
從來虛位以待
何不給個擁抱？
想我怎去相信這一套
多疼惜我卻不便讓我知道
懷念單車給你我
唯一有過的擁抱
難離難捨 想抱緊些
茫茫人生 好像荒野
如孩兒能伏於爸爸的肩膊
哪怕遙遙長路多斜
你愛我愛多些
讓我他朝走得堅壯些
你介意來愛護 又靠誰施捨
難離難捨 想抱緊些
茫茫人生 好像荒野
如孩兒能伏於爸爸的肩膊
誰要下車
難離難捨 總有一些
常情如此 不可推卸
任世間怨我壞 可知我只得你
承受我的狂或野
陳奕迅 - 單車
====================
結果嘛…
攞返個冠軍，非常好！
結衣：話哂都係冠軍，不如揾晚去bbq慶祝吓囉？
我：up to you啦…
啊瀅：去石澳吖？個度有燒烤場…
啊淇：都好喎！幾時去？
結衣：星期六囉，chilam得唔得？
我：我日頭要返工，夜晚去嘅我先ok…
阿淇：咁夜晚入囉！搭9號入？
結衣：唔駛…chilam車我地得唔得？
我：得嘅…
結衣：就咁樣啦！