《我炒咗車之後入廠訓咗四年覺》: 生日撞正考試
10月中，大家已經開始備戰考試。
我都唔例外，開始為考試做吓準備。
不過呢段時間，真係教我又愛又恨啊！
月尾記係我生日，下個月頭就已經係考期。
Do you know that feel？
====================
某日小息。
結衣：喂，你math測驗成績點啊？
我：差一分滿分，衰寫漏負號囉…
結衣：都好叻啦！今次測果part我完全唔明，結果肥咗啊…
我：你邊度唔識啊？
結衣：成part…不如你揾日幫我補習吖？
我：嗯，我周末得閒，星期日ok?
結衣：我星期六先得啊…
噢！撞正我生日果日先得閒！
我：喔…咁…星期六囉！去青年廣場，好冇？
結衣：嗯！
===================
最後我同結衣約好咗晏晝喺果度一樓嘅lift口等。一去到就見到結衣喺度等緊。
話哂人地都係女仔，要女仔人家等自已，情何以堪！
我本身係好注重呢啲嘢嘅。
我：唔好意思啊！要你等我添…
結衣：唔緊要啦，係我早到啫。
我：你上咗去揾過位未？
結衣：未啊。
我：噢！咁今次GG了！
結衣：做咩？
我：你係咪第一次嚟？
結衣：係啊…做咩？
我：你唔霸定位先嘅，可能就揾唔到位嫁喇！
結衣：噢…sorry啊…
我：唔緊要啦，你原本都唔知嘅。快啲行啦！
結衣：…喔喔！
結果，我地由五樓開始揾到上六樓…
都係冇位。
頂！
結衣：喂chilam，我記得上面十二樓好似有cafe喎，上唔上去溫書好？
呃…唔記得咗樓上十二樓好似有cafe喎…
我：好啊…by the way，你又話冇嚟過？
結衣：我只係冇嚟過溫書啫。
結果呢…
原來冇開。
我記得之前呢個時間係有開嫁喎…
外面又冇開放時間。
咁啱有個青年廣場嘅staff經過。
我：唔該…想問呢間cafe幾時先開嫁？
staff︰吓？唔定嫁喎，睇個業主幾時返囉。不過今日睇佢都係唔開嫁喇…
我：哦，好吖，唔該。
結衣：咁點啊？
我：咁去老麥囉？
結衣：吔咩嗲！我唔鐘意！
我：咁…
結衣：冇地方嗱？
我當時淨係諗到一度。
我：係咁嘅話得返一度咋喎…
結衣：吓？邊度？
====================
結果，我帶住結衣又行返轉頭。
我：喂，你第一次上男仔屋企？
結衣：係啊…
我：你唔驚我咩咩你嫁咩？
結衣：咩咩…啊？！你敢？！
我：我正人君子，梗係唔會！
結衣：我都知你正人君子。
我：知就好啦。
結衣：不過如果係你嘅，我都唔介…
佢愈講愈細聲，最後一個字我聽唔到，但估到。
我：吓？咩話？
結衣：冇嘢喇！
我：講啲唔講啲，奇怪！
呃！我忽然間醒起一樣嘢…
樓上裝修啊！頂！
最後…
算喇，我都係決定去附近茶記溫書，順手嚟個tea break。