《我炒咗車之後入廠訓咗四年覺》: 唔想自私訓
####################
凌晨3點半。
"呵…嗄…"
終於溫好哂呢一個chapter喇…
溫chem真係好哂時間哂精神啊…
好彩貓仔買咗啲薄荷糖比我咋…如果唔係，我都唔知點頂落去好。
我：喂，貓仔，你溫好未啊？
貓仔：我做埋呢part exercise就返過去訓喇…
我：喔…咁我去沖涼先喇。
貓仔：嗯，我等你沖完涼之後先返去沖涼訓覺喇。
我：喂。
貓仔：嗯？
我：你今晚可唔可以唔好過去訓？
貓仔：啊？
我：我意思係…啊媽呢排都係返夜更…我呢幾晚都係得自已一個訓…好悶，好想有人陪…
貓仔：咁…好喇。我過去沖涼刷牙先。
====================
"叮噹！"
我：咁快搞掂嗱貓仔？
貓仔：嗯。你個頭咁濕嘅？未吹頭？
我：哈哈…係呀，啱啱先沖完涼出嚟。
貓仔：你地女人真係沖涼都沖得耐啲嫁喎…我啊媽以前又係咁，你又係咁。
我：咁沖涼真係好舒服吖嘛…而家天氣咁涼，沖暖水涼真係好舒服嫁，我沖到唔捨得出嚟，哈哈！
貓仔：我以為你要做skin care添。
我：我？我唔洗做啲皮膚都係咁滑！嘻嘻！
貓仔：吖！唔記得攞被！
我：唔好啦…我想好似以前咁…
貓仔：啊？
我：陪我訓吖？
我靠向貓仔雙手抱一抱貓仔隻手。
貓仔：但係驚唔驚你媽咪返到嚟會見到嫁？始終我地都已經係成年人喇…
我：咁你係咪唔鐘意陪我訓吖？
貓仔：家吓有個有粉絲千萬嘅靚靚女神請我一齊訓喎！點會唔比面呢？
貓仔講笑咁講。
我：吖！又窒我！
我用拳頭打落佢隻手臂一下。
貓仔：啊！！痛啊！
我：睇你下次仲窒唔窒我！
貓仔：唔窒你喇…女神！
貓仔即刻跑向大門避開。
我：吖！又窒！
我跑去追擊貓仔。
貓仔：再打就自已訓！
呃…比佢食住咗添！
我笑笑：好啦唔玩喇，訓喇！不過你又講得啱…如果啊媽返到嚟見到，唔知佢又會唔會以為你食咗我隻豬啊！
貓仔：咁…你想嚟我度訓？
我：誒…
呃…好難開口講得咁白喔！
直接講"係"…又好似有啲厚臉皮…
貓仔：咁過嚟囉！
我：真係得？
貓仔笑笑：我有冇話唔得？
我：thank you！…咪住！
貓仔：做咩？
我：要交代吓先…
我攞咗一張黃色memo紙，交代低我去貓仔度溫書。
我：搞掂！行喇。
====================
自從貓仔啊爸啊媽走咗之後，佢就獨佔主人房。
雙人床就歸佢所有。
貓仔讓出靠床邊果一半比我訓，佢自已靠牆訓。
我：你啊，聽日考試要加油啊！
貓仔：你都係啊！
我：早抖喇！
貓仔：嗯，早抖。
迷糊之間，我好快就入咗夢鄉。
我夢到自已比一個柔軟嘅嘴唇整醒咗。
佢就喺我隔嚟，同我相擁住。
之後佢伸出一隻手，撫摸一下我個頭笑一笑。
貓仔：早晨。
我露出甜甜嘅笑容。
####################