《我炒咗車之後入廠訓咗四年覺》: 果晚訓覺

"啪！" 

我隨手拍落燈掣熄燈，之後凌空爬過一個肉驅。 

今晚我屋企多咗一位客人過夜。 

已經好耐冇試過同佢一齊訓喇。 

第一次同佢一齊訓好似係我小二果陣，識佢嘅第一年。 



果陣係我仲要返學嘅日子，我啊爸啊媽一齊出trip。 

咁於是佢地就將我交比晴晴佢地照顧幾日。 

果次就係我地嘅第一次，同床訓覺。 

不過果陣時大家都咁細，我地點會理埋哂啲男女感情吖。 

果陣我地只係認為，我地只係普通朋友。大家都冇咩"男女授受不親"嘅概念。 



之後，每逄啊爸啊媽出trip嘅日子，我就會被送去晴晴屋住返幾日。 

每次我去佢地屋企，晴都會顯得好開心。 

而家回想返，佢果陣好似從來冇介意過我同佢同床共枕。 

果然，最純潔最純真嘅友誼，只會喺童年時出現。 

而家大個咗，"男女授受不親"早已經深深植入我地嘅思想。喺學校同異性普通朋友相處，我地都唔會有太多身體接觸。 



惟獨晴晴。 

唔知點解我就只係唔介意同佢有身體接觸。 

總之，就係唔抗拒。 

有時仲會有啲奇怪嘅感覺。

嗯，一訓低就感受到睡意來襲。 

嗯…周公又揾我喇。 

不過，喺我進入咗半休眠狀態果陣… 

我忽然感受到，有隻手疊咗上嚟我度，輕輕咁攬住我。 



喔？ 

我擰轉個頭望一望 

晴晴比我早一步訓着咗，個嘴角仲要微微向上翹起。 

佢應該…發緊夢咋嘛？ 


====================


"嘟嘟嘟…" 



以修輯過嘅地鐵閂門提示聲作為聆聲嘅鬧鐘，準時喺7點正響起。 

晴晴： 啊…你個鬧鐘聲咁特別嘅？ 

我：哦…貪佢一定叫得醒嘛… 

晴晴：哦… 

試諗吓，一大朝早你身邊就有地鐵嘅嘟嘟聲大大聲嘈醒你，仲要喺你耳邊喎。 

係人係鬼都嘈得醒啦！我就係睇中佢呢點。 

我：啊…乞嚏！！ 

晴晴：啊…到你感冒嗱？冇事嘛？ 



我：冇咩嘅… 

晴晴：可能我琴晚唔小心傳染咗比你…sorry啊… 

晴晴個樣顯得有啲內疚。 

我：唔關你事…可能啱啱起身，着唔切褸啫…係呢，你感冒好返啲未啊？ 

晴晴：好咗好多喇！唔該哂… 

我：good. 

晴晴：咁我返過去啦，轉頭見喇。 



我：ok. 

晴晴：你記得食藥啊！ 

我：知喇，有心。 

不過佢一返去，我先至醒起… 

頂！ 

最後一粒藥比佢食咗啊！ 

轉頭落柒仔買啦…唉！ 

不過…


====================


晴晴已經喺門口等緊。我地一路行一路吹水。 

我：哈…乞嚏！！ 

晴晴：喂，貓仔，食咗藥未啊？ 

我：唉頂！屋企原來冇哂！呃…今次GG喇！你唔講我都醒唔起要買藥… 

晴晴：咁你仲唔兜返轉頭買？ 

架車已經行咗一半路程。望一望個鐘，將近8點正。已經唔夠時間返轉頭買。 

我：冇時間喇… 

晴晴：唉…你真係大頭蝦啊！ 

我：唉…頂硬上啦… 

晴晴：咁你小心啲身體啊…你捱咗咁多晚夜，抵抗力會弱好多嫁… 

我：放心…只係感冒，小事嚟啫…有心喇。 

小事？ 

"嗦…" 

"乞嚏！！！嗦…" 

好似嚴重咗… 

嗯，頂硬上啦惟有。 

不過感覺越嚟越唔對路… 

一邊考試，個頭就一路越嚟越痛… 

唔駛問都知道，發燒喇。 

而家諗返落，啱啱果個我真係好值得恥笑！ 

哈！真係"小事"！ 

唔知你有冇試過一路發燒一路考試。 

呢種感覺…真係好鬼辛苦啊！！ 

頂！