《我炒咗車之後入廠訓咗四年覺》: 吹吓風隊吓啤

玩完真正夠哂"冒險"嘅真心話大冒險之後，男女兩邊都有各自各活動。 

詠琳：結衣！一齊玩uno！ 

結衣：好呀！ 

啊Wing︰我地幾個男人出去吹風隊吓啤。chilam、啊熹，一齊？ 

我：我無所謂。 



啊熹：仲飲？！ 

啊Wing︰醉翁之意不在酒，況且我地志在吹吓海風之嘛… 

啊熹：啊…咁一齊啦… 

我地一人買一兩罐青島，去咗東灣泳灘坐吓。 

其實大家都係男人，真係乜嘢話題都會講嫁喎… 



初頭就講吓邊個邊個老師嘅是非緋聞… 

"聽聞呢…周sir好似同啊miss wong拍緊拖啊…" 

"xxxxxx…" 

之後唔知點樣又講到學校邊個miss最正…仲要攞波多野結衣嚟比較… 

"挑！梗係波多野結衣正啲啦！" 



"我覺得田中美佐正啲！" 

"挑！xxxxxx…" 

之後又講到啲這個國家地理頻道嘅正片…

講講吓又講到學校有咩女神正妹咁… 

"全校計嘅話，晴晴、結衣佢地都可以入全校頭十嘅…" 

"晴晴真係正啊，鄰家女孩feel咁…第日如果可以返個咁嘅女仔做老婆就好喇… 

"喂，chilam！我記得你好耐之前話過晴晴係你青梅竹馬嚟嫁喎…" 

我：啊？我n年前講過嘅嘢你都記得？！ 



"梗係！" 

"咁你細細個果陣咪成日都同晴晴一齊玩囉？！" 

我：係啊！誒…試過一齊整甜品啦… 

"woe~~" 

我：…一齊玩搖控車啦…一齊砌巴士模型啦… 

"砌模型？！" 

我：係啊…我地果陣成日一齊砌嘅…基本上我地嘅童年係一齊過嘅。 



"woe~~你就好啦…" 

之後大家講講吓又講到溝女嘅嘢… 

我：啊wing啊，你同啊嫂其實拍咗幾耐拖啊？ 

啊wing︰吓？我地小六就已經開始拍拖嫁喇… 

啊熹：小六到而家…難得喎…我小六到而家，睇住周圍我幾個同年嘅friend拍拖，都係拍最多一兩年就散…你地都算好彩嚕… 

啊wing︰其實拍拖呢家嘢，都係講感覺同你點樣同女朋友維繫段感情嫁啫…不過你又講得冇錯，我同佢都真係算難得啊… 

又舉頭飲啖啤酒。 

"其實呢，你話你有鐘意嘅女仔，究竟係咪結衣啫？" 



我：嗯…唔係囉。 

"咁係邊個？？" 

我：其實呢…我而家就仲未有話鐘意邊個嘅…不過有時同晴晴一齊果陣，對住佢嘅感覺同對其他女仔嘅有啲唔同囉，但係就唔係識形容… 

啊熹：呼…咁都好啲… 

啊wing︰我果陣未同gigi拍拖果陣都有類似呢啲感覺。可能你對佢有感覺，你自已唔知啫… 

我：可能啦，順其自然啦…

啊wing︰by the way，啱啱我聽到啊熹講咩"咁都好啲"喎！咩意思先？？ 



我：啊？唔通你…鐘意咗佢？ 

啊熹：吓？誒… 

我：大家男人老狗，唔駛怕講喎！最多呢度講呢度散… 

啊熹：嗯…係啊… 

啊熹將成個人瞓落沙灘。 

"嘩！！" 

我：難怪啦…頭先玩true or dare又幫人哽酒；喺東堤跑果陣，我見到你仲捉住佢隻手，都估到你對佢有嘢嫁喇… 

"woe…" 

啊熹：咁你都見到我拖佢？ 

我：你當我眼殘架？！ 

啊wing︰人地女神嚟嫁喎！佢會唔會要你呢啲啊？ 

啊熹：唉…我都有啲自知之明嫁喇… 

我：又唔好咁講…你個樣其實都ok嘅… 

啊熹佢只係矮我少少。樣呢…話靚仔，唔算，不過都生得幾得意。Facebook轉icon，都會有十個八個朋友留言："J"、"J die me"等等。 

只係性格上比較偏向自卑，同我一樣。 

我：其實你想追佢嘅話，我都可以幫吓你嘅… 

啊熹：你幫我？ 

啊熹成日人彈起身。 

我：嗯，至少可以幫你問吓佢=medium會鐘意邊類型嘅男仔嘛！ 

啊熹：咁…真係唔該哂… 

我：大家一場朋友當幫吓手啫！ 

啊wing︰唉…過你幾招啦，追女仔呢…要主動啊。 

啊熹：主動？ 

啊wing︰我果陣啊…都係咁樣追啊gigi返嚟之嘛…嗝！！ 

我：哇！你啲胃氣好臭！

(作者按:本章可能今晚再更新)