大談完男人經,已經係凌晨一兩點。 

我仲以為得我地班男人未瞓。 

但係我地未入屋,已經聽到班女仔嘅聲… 

"噢!!" 

"又係我贏!!" 



睇嚟玩得好開心喎… 

"咯咯" 

"咔嚓!" 

開門嘅係wing嫂,即係gigi。 

Gigi︰終於返嚟嗱? 



啊wing︰仲未瞓嘅你地? 

Gigi︰咪就係為咗等你地返嚟囉~好攰啊~ 

Gigi個樣好似有啲嬲嬲哋。 

啊wing︰辛苦哂喇,唔好嬲嬲豬…唔~鍚返先! 

我:好閃啊你地~ 



"扑嘢唔好喺度扑啊!" 

阿熹一返嚟就去交水費。 

我環視一下客廳,結衣唔喺度。 

我:結衣呢?訓咗喇? 

wing嫂:佢有啲唔舒服,訓咗覺。 

我:呵…又會咁嘅…佢係咪感冒? 

wing嫂:唔知啊… 

我:ok… 



我入咗房,坐落床邊睇一睇熟睡嘅結衣。 

咦…額頭有啲熱喎… 

應該凍親喇。 

結衣:嗯… 

結衣拎轉個身,攬住我條腰,好似知道我返咗嚟咁。 

我:入嚟長洲玩都會病嘅… 

我摸摸結衣個頭,然後準備出去買退熱貼,於是放開結衣隻手。 



結衣:嗯…唔好走… 

喔?原來未瞓着嫁? 

我:仲未瞓着? 

結衣:嗯…瞓唔着… 

我:傻妹…我去買退熱貼啊… 

我出咗去碼頭揾到間柒仔,買咗一盒退熱貼。 

上返去之後我就去咗揾啊熹,原來啊熹啱啱入咗結衣間房,已經攞咗水同毛巾幫結衣散熱。 

我:醒目啊。跟住唔駛同佢敷濕毛巾喇。 



啊熹:啊? 

我:我買咗退熱貼啊,今晚結衣就交比你喇,我訓先。 

隨手就遞比佢。 

啊熹:喔…唔該…
#################### 


我攞咗chilam比我嘅退熱貼,幫結衣換走毛巾貼上。 

不過貼之前,我先幫結衣探一探熱,探熱針係chilam嘅,啱啱比退熱貼果陣比埋我。 



"嚟,擘開口。"我柔聲講。 

結衣發出咗幾聲"嗯…"。 

嗯…微燒喎… 

一塊退熱貼應該ok掛? 

幫結衣貼好之後,當我準備出去果陣,結衣好似發開口夢咁講嘢。 

"水…水啊…" 

我出咗去幫結衣酙咗杯暖水,然後遞到結衣個口前面。 

佢雙唇微微咁蠕動,逐少逐少少咁飲哂佢。 

嗯…都係喺度瞓喇,方便照顧佢。 

雖然我心底裏係鐘意結衣嘅,但係我未至於會隨便搞其他女仔嘅人囉。 

我瞓上結衣張床,背住佢瞓。佢應該唔會懷疑掛?至多我攞埋我自已張被,我地分被瞓喇。 

但係第二朝,我先知道… 

原來係我諗嘢單純得滯。
#################### 


一瞓醒覺,個頭好似唔痛喇。 

一大堆鼻涕屯積喺鼻入面…好難頂… 

咦?額頭上面好似多咗舊嘢嘅? 

我伸手摸一摸…喔…退熱貼嚟嘅。 

係邊個幫我貼呢? 

我伸手撐一撐高我個身。呢個時候先發現… 

呃…啊熹點會喺度,仲同我瞓同一張床嘅?! 

其實啊熹平時都係正人君子果啲嚟。但係一見到咁樣,我就諗佢會唔會係果啲外表斯文,內裏open… 

萬一佢係果啲嘅話,咁…我有冇比佢… 

一諗到呢度… 

"吖!!" 

佢比我一下叫聲嘈醒咗。 

啊熹:咦…醒嗱? 

我:你點解會同我一齊…訓嫁?! 

啊熹:吓…你琴晚發燒,我嚟照顧你嘛… 

我:咁呢塊…係你貼嘅? 

啊熹:係啊… 

諗返琴晚…好似瞓瞓吓果陣有人入過嚟…之後額頭好似涼一涼,果陣整醒咗我。 

果陣我覺得眼皮有啲重,唔想擘開眼,但係我知道有人照顧緊我。 

忽然間,我覺得好口渴,好想飲水。之後我感覺到有一啖啖甘露,我就細細口咁飲。 

琴晚…原來係啊熹照顧我? 

我:咁點解你會喺度瞓嫁?! 

啊熹:方便照顧你咋…你以為我…做埋果啲嘢啊? 

我:… 

啊熹:唏!我做咗嘅話,你件衫一早唔見咗啦!係咪先? 

我本能反應咁摸摸我個身…件衫係仲喺度喎… 

啊熹:嚟啦!同你探一探熱啦… 

或者…係我諗多咗? 

應該係啦… 

等佢探完熱之後,佢攞咗啲藥入嚟。 

啊熹:我見你好似有啲鼻水,又發埋燒,估到你係感冒,所以我買咗藥比你食。既然你而家醒咗,你就探熱先啦。我出去先。 

講完就起身準備出去。 

我:"啊熹!" 

門半開,啊熹定咗喺度。 

我:唔該你啊… 

啊熹:嗯,我出去先。 

門再次輕輕咁被閂好。 

我平時都冇咩留意到啊熹呢個人,或者係佢太平凡掛? 

今次旅行,我先至留意到佢,原來佢都… 

…都幾細心吖? 


####################


第二日,我地出咗去食早餐。 

結衣好似幾精神喎… 

我:冇燒嗱? 

結衣:冇燒喇,你睇我幾精神!嗦… 

我:但係感冒仲未清哂呢… 

結衣:哈哈…係… 

喺長洲食過早餐之後,我又想喺長洲周圍行吓。但係又唔想自私行喎。 

我:結衣…陪我出去行吓? 

結衣:好啊。 

我:啊熹,一齊? 

啊熹:好啊。 

結衣:呢個變態佬都去啊?! 

結衣指指啊熹。 

啊熹:我唔係變態佬囉好冇! 

結衣:但係佢琴晚上咗我張床! 

我:琴晚得返你果度有得瞓嘛… 

其實我係想製造機會。 

我:咁人地有冇搞你吖? 

結衣:咁又冇… 

我:你咁靚女,人地同你一齊瞓都冇搞你啊,點樣變態?人地仲要照顧你啊… 

結衣諗咗一陣。 

結衣:咁又係嘅…sorry啊啊熹,怪錯咗你… 

啊熹:比人屈,嬲啊,唔開心。 

啊熹扁一扁嘴。 

結衣:唔好唔開心啦…最多我唱首歌比你聽喇…好冇?好冇?…好冇?… 

喺我地一路行一路傾果陣,有一架單車忽然迎頭駛近。 

啊熹大叫一聲"睇住啊!"之後捉住結衣拉近自已。 


################### 


啱啱唔係我拉一拉結衣嘅,佢應該就會比單車撞到喇… 

不過咁樣會唔比結衣以為我想抽水? 

呃…我唔想又再比人話變態啊!! 

穩陣啲,都係戴一戴頭盔先。 

我:呃…我啱啱見你爭啲比車撞先拉一拉你咋!唔好以為我想抽水啊!! 

結衣:睇你個樣都唔似想抽水啦!唔該哂啊… 

好彩啫… 


#################### 

已有 0 人追稿