於這個Wtsapp群組中輸入名字，他就死路一條: 其次三十二

其之三十二)
「昨日阿偉死咗之後，我有check佢電話，佢有一個備忘錄，入面真係有我個名，仲有啲意想唔同嘅人物...」司說出了自己的發現。
阿空對這番肺腑之言有何感想？
她回了一句：「咁即係昨晚你話事啦，你講到自己同阿偉唔同，做咩要殺我哋？」
 
司冷靜的說：「同佢唔同，都唔代表同你哋有親啫！ 昨日咩情況大家都唔知...既然打個名就可以殺人...我點知你哋會唔會好似漫畫咁望我個樣就知我個名?」
 
他的話不無道理，昨晚情急之間，第一時間都是保命，而且當時雙方關係對立，要殺掉對方也無可厚非。
而阿空今天來投，雙方同一陣形，自然就殺意減半。
 




這種昨天敵人；今天朋友；也許明天再變回敵人的關係實在令人精神分裂。
 
阿空淡淡的說：「咁你呢家同你傾，就即係唔使殺我啦，你又想用《亡選》去做啲咩？」
 
「我都想出人頭地，同阿偉做法一樣，清除其他阻住哂嘅人。不過我認為唔需要殺哂Group入面嘅人，同大家合作仲好啦，有咁嘅能力，下半世仲使愁？ 我哋依一行，都係求富貴，只不過唔鐘意走正路咁解啫。」司說得大條道理。
 
阿空發出一陣冷笑：「為咗自己，你睇黎都慣咗犧牲其他人。」
 
司的回話很快：「你放心，《亡選》係互相牽制嘅。阿偉唔信，佢嘅下場係一個好例子。講真，雖然我用唔到《亡選》，但我亦有你哋無嘅嘢。你哋需要我哋，我哋需要你哋。合作則無敵。無論係我又好，房入面依幾個人都好，下面泊梗車嗰個又好，我哋都係俾社會犧牲嘅一群人。行古惑，唔一定係放棄自己，我哋只係俾人放棄。試過做犧牲品，就更識得犧牲人，同時分到咩人唔犧牲得。比起隨手就拎棍勾市民嘅警察，我哋依班烏合之眾先係你需要嘅人。」
 




聽了司的說話，我認為樂平這回計錯數。
看來那傢伙的確不像阿偉，有機會是良好的合作對象，只是我們需要出賣良知，讓他們除去眼中釘就可以。
 
而我愈來愈擔心阿空會背叛我們。
我斜眼望望樂平，只見他全神貫注，並無異樣。
難道他100%確信阿空。
 
這時候，我有了一個最壞的想法，別忘了昨晚阿空與樂平單獨相處，他們會否作出甚麼交易？基本上，阿空對司的謊話只有一個，就是「我已經死了」。
對阿空與樂平來說，要這個謊言成真不困難。只要「我死」，他們就無後顧，可與司合作。
 




樂平在車上準備一系列的武器，口說是為在危急關頭救阿空，那知是不是只為拿我的命去走他們的青雲路。
 
眼看他身旁的這把潛水刀，心不禁發寒。
 
這時阿空的說話再從收訊機傳來：「點合作再慢慢傾，我想拎返自己部電話先，唔係好無安全感。」
 
突然間，對話消失了。
是兩人沉默，抑或發生了甚麼事？
 
「嘿，江懷禮死咗，你唔嬲我哋咩？」這是司的聲音。
為何話題轉得這麼快？
 
一時間空沒有任何說話，是在思考嗎？
樂平有點急躁的樣子，是要殺了我嗎？
 




 
「嬲又點？我哋殺咗阿偉，當係無數囉。況且你都識講，我哋互相牽制，我嬲你又如何？我都驚死。」空回答了。這答案感覺不錯。
 
「好大膽...竟‧然‧浪‧費‧我‧咁‧多‧時‧間！」來自司的怒吼。
「呀哇！！做咩呀你！！做...透..唔到氣...」是阿空的掙扎聲。
 
「如果江懷禮死咗，咁林小曼點解會死呀！！吓！！！？？答我呀！！」司的聲音愈帶凶狠。
 
「點解佢會知？郁啦懷禮！阿空衰咗！」樂平脫下耳筒，橫手將潛水刀擲向我。
我心神雖未定，還是拿起這把潛水刀，與樂平兩人奔向這村屋。
 
我們幾個，能否活到今晚？而梁一懿會察覺到我們的異常嗎？
此刻只知道把風的四名男子已經發現我們。
 
 




PS. 小弟這兩天會身處外地，下一章節於星期六深深深夜趕回港出 !多謝大家!!!