於這個Wtsapp群組中輸入名字，他就死路一條: 《最終章》伍－瀕危之宇宙

《最終章》伍－瀕危之宇宙
https://www.youtube.com/watch?v=cU4dhzA4QSA
(Open Music Pls)
 
突然之間，就出現在我們的身前。
一位長有啡色長髮，皮膚白皙的少女。
 
她用柔和的聲音說：「終於聚首一堂了。」
「《亡選(貳)》的所有人，首次聚頭了。」
在她說話的期間，我們身處的道具室成了一片宇宙星空，沒天沒地，所有東西都觸摸不到，我們亦如空氣般飄浮在宇宙之間。




 
「你知道嘛，我們都代表了一種真理以外的存在。」
接下來， 我們身上的傷，亦都癒合了。
 
余安頤從枷鎖中解放出來，子彈造成的傷口亦消失；
阿空與一懿鬆開了鐵鏈，身體的擦傷也不復見；
陳仔的血也止住了；
而我的咽喉也遂漸修補，再次呼吸。
樂平也從漆黑的角落中暴露出身影。
 




「歡迎來到真理以外的世界。你們必須作出選擇。」這少女說。
 
「你係邊個，《亡選》又係啲咩？」梁一懿忍不住問。
樂平截住了她：「吳芯琪？你係一早已經Quit咗Group嗰個吳芯琪？」
陳仔則出難以置信的表情：「點解我哋啲傷會好返哂？」
「究竟發生咩事！你哋全部係咩人！放過我，我受夠啦！」余安頤情緒激動，因為對於她來說，所有事情都是陌生的。
阿空環顧四周：「我哋係咪已經死咗？咩係真理之外？」
我摸摸喉嚨，想起之前令我進入「真理之外」的女聲，故問她：「啱啱係你救我嘅？」
 
面對如此海量的問題，少女微笑：「咁多問題，你想我答邊樣先？」




樂平正想再開口，少女卻已閃到他的身後。
 
「我的名字的確是吳芯琪，不過一半靈魂已經唔係，依個係離開《亡選》嘅代價。」
「原本離開《亡選》，代價就係永續流放於真理之外嘅世界。因為既然知道《亡選》能力，又唔履行責任，就唔可以留喺原本嘅宇宙。不過我喺未收到第一條Wtsapp之前走咗，遊離喺罪同罰之間。結果我最終返得到原本嘅世界，趕得切同你哋講《亡選》嘅真相。」
 
她突然消失，出現在阿空的身後：
「你哋認為依個世界有幾百萬年歷史，人類由猿猴進化；由石器年代至青銅年代，經歷恐龍絕種，龍人演化；地球由宇宙爆炸所形成；我哋生老病死係天理循環；人類係地球上嘅主宰；水遇火會熄滅；人不呼吸會窒息。這些就是真理。」
「從成長到親身體驗，你所獲得嘅『真理』。簡單啲就係『理所當然』同『無可能』，將你嘅思想水平捆綁喺『真理』嘅入面。」
 
「而真理之外，就係依個宇宙嘅原貌。歷史無幾百萬年，無進化論存在，水遇上火可以如虎添翼；人唔呼吸可以長命百歲。『真理』嘅框架，只係維持世界平衡嘅鐵則，但唔係絕對。」
她飄至陳仔的身邊：
「所謂痛楚，所謂受傷，都係一種置入式的反應，既非現然，亦非真實。於真理之外的星空，當然可以來如風，去如影。」
 
我忍不住發問：「你昏迷咗一星期，思想去咗邊度！真理之外即係咩地方。」
 




少女的長裙纏於我腳邊：
「造物主嘅世界。用你哋明白嘅比喻，我哋所身處嘅世界，其實係某一個空間入面，某個部族中，某個人嘅大腦。」
 
『宇宙只係某個人的大腦，再無其他。』
https://www.youtube.com/watch?v=F7pFf0R-W04
(Open Music Pls)
 
這一句太過震撼，我們五人無不驚訝。
一直生存，建公路，起大樓，做火箭，上宇宙。
但在所有之外，我們的世界，竟然只是一個人的大腦？
 
太不科學了...但我很明白，心中的所謂科學，是受真理限制的成品。
面對少女的一言一行，平常人無法理解，只有相信。
「我昏迷嘅時候，其實就好似發夢咁，跳出宇宙，親眼望到我哋造物主，睇到佢哋嘅世界。所以我掌握到『真理以外』，完全脫離固有思想，進入造物主唔知道嘅秘密空間。」
 




「其實我同你哋一樣，都係依個宇宙嘅蜉蝣，唯一唔同係，我處於真理之外。」
 
「雖然我哋只係宇宙嘅蜉蝣，但同造物主係同生共生。造物主創造宇宙，但我哋都係負責運行。世界敗滅，即係大腦枯竭，造物主就會死亡。」
 
「咁我想問，依個宇宙…即係我哋生存嘅依個大腦，發生梗咩事？我完全唔明你講梗咩？做咩要我哋改變時代？變嚟做咩？」阿空指出問題。
 
少女說：「這個大腦快要壞掉，造物主生命危在旦夕。」
「如果造物主死亡，我哋全部人都會消失，毫無預兆，無任何喜怒哀樂。就好似幾千粒核彈一下炸落嚟咁。」
「而點解大腦會出現問題？主要都係我哋依堆神經細胞嘅責任。時代嘅改變、死亡、再生就好似生陳代謝一樣，令大腦補充新血，獲得新嘅力量。」
 
「近代人類，明顯出現問題，人與人之間關係冷漠，互相猜疑。上層權力組成一股無形力量，低下階層無上升機會，做成敢怒不敢言，漸漸流於自然，認為反抗無用，故毫無動作，甘心成為奴隸。下層的人孤身，明哲保身；上層的人爾虞我詐，貪婪成癮。」
 
「試想一下，一個大腦入面，細胞分開不同層次，互不交流，大家隱藏自己，事事迴避。」
「久而久之，生產速率下降，免疫力同思考力變弱，所以造物主現時非常虛弱。」
「《亡選》就係咁出現，最終意思係選出一個人，改革時代。」




 
「點解唔自己做返！點解要搵我哋？」余安頤心中有氣。
 
少女身影閃出無數分身，忽笑忽哭、忽怒忽憂：
「因為一切基於自然，一切排除於非自然，要維持依個宇宙嘅平衡，最好當然係一種自然演化，就好似你打機咁，都唔可以成日用金手指。《亡選》已經係一個最盡嘅外掛，令到時代改變。」
「世界一起源就已經有文明，有車有船。恐龍等等嘅歷史只係一種『設定』，無存在過。你可以幻想，造物主出生嘅瞬間，突然我哋嘅宇宙就同時形成，同時間，一個叫拿破倫嘅人就誕生；一秒後，依個20歲嘅小伙子就存在咗之前20年嘅記憶，同輸入咗幾百萬年嘅歷史資料，再下一秒，宇宙成立，正式運作。」
 
「造物主幾厲害都好，喺一瞬間制造咗成個宇宙出嚟，一切幾合乎常理，都會有缺失。依種缺失，後世就稱之為『不可思議』。而依種『不可思議』，某程度上喺造物主留低嘅駐腳，令佢哋成為宇宙中唯一可以主動進入『真理之外』嘅空間。」
https://www.youtube.com/watch?v=10_kB-M5qsg
(Open Music Pls)
 

「而你哋，就係『不可思議』嘅轉生。」
「我，吳芯琪，代表住英國亂石群。亂石群係一種指標，引導之力。」
「樂平，代表蘇格蘭尼斯湖水怪。一種亂神力量，奇人異士。」




「陳仔，布維島。代表孤寡，無助而拼命尋覓嘅信念。」
「阿空，日本青木原樹海。自殺嘅魔力，令人迷失方向，暗示生命中無限絕望。」
「余安頤，墨西哥娃娃島。聚集不安靈魂，妖邪之氣，扭曲嘅欲念。」
「梁一懿，秦王兵馬俑。雲集科技進化，思想改革，殘酷無情但果敢嘅精神。」
「李明偉，土庫曼斯坦地獄之門。積聚天下惡念，唯己思想，自大好強。」
「江懷禮，立陶苑十字架山。看透生命的價值，來生往生轉生，守候每個生命消逝的祝福。」
 

「《亡選》作為時代更替的工具，也不只是第一次出現。而你們這些不思議的轉生，都暗藏著一點暗示。這一趟就是手機號碼。」
「我哋八個人，代表著世上八種不同處境，混合為一，共同進入挑選死者的工序，而最後剩餘一人，以他的決定，每日殺一個人。創造出自己心中嘅世界，完成使命。」
「結果可能係世界更混亂，從而滅亡；又或者係佢將世界導向重生，令造物主免於一死。」
「所有事，皆為天意。造物主可用嘅金手指已經出盡，最後就睇你哋嘅選擇。」
 
《亡選(貳)》嘅結局有三個。
一：大家不退去，互相殺戮。死剩一人。
二：大家不退去，互相殺戮。無一生還。
三：達成共識，死剩一人，其他人退去，接受代價。
 
「請諸君隨心所慾。」
 
訊息之量大得驚天，只有陳仔能問出比較單純的問題：「退去嘅代價係啲咩？一生都係『真理之外』生活？」
是一個好問題。
 
「當你們在每星期的選擇中按下N時，就會知道。」少女說得輕鬆。
 
「你係講就講埋啦！」余安頤還是一貫差劣的脾氣。
 
「犧牲一個靈魂，終生在自己的屬地生活，不問世事。」少女說完。
萬千個吳芯琪化整為零，再次出現在我們的面前。
 
「就這樣吧，我的任務已經完成。接下來，就看你們的做化。
我想，你們見了我一面後，或多或少，都可以憑自己的力量進入真理外的領地。
最後，我會與你們每人獨處一段短時間，你們可以問一條問題。我都會答。
就這樣吧，未來有賴各位了。」
吳芯琪將一切觸附交託予我們，準備離開。
 
我重新思索整個宇宙的深意，我們與造物主唇亡齒寒，也許吳芯琪是他最後的賭注，讓《亡選(貳)》成功將時代推向新領域，令大家互生吧？
 
銀河與星空慢慢消散、我們如墜落至黑洞之中一樣，無光無影。在物質與非物質之間遊走，直至眼睛再次望見天花，背部感到地板的涼。
 
四周重回道具房，我們回到真理的世界。
同時喉頭一甜，我的傷口也再次出現，血從咽喉處不斷湧出來。
意識漸漸模糊…
 
「為何不乾脆幫我治好…」我心中有這個想法，只是意識失去。
其他人如何？這個直播節目又如何？
為何有《寂默》的出現？而又有否《亡選(壹)》？
太多問題要問，可惜…
 
在潛意識沉淪之際，我心中突然想起一個問題：
「爸爸媽媽，哥哥你們到底係點死？」