我參加了籃毛毛演奏會: 媽咪麵廣告

大叔拎左佢部藍mon既手機出黎，我睇唔清楚咩牌子，隱約見到佢開緊google map追蹤緊野。
驟眼咁睇，我地同南洋依馬打貨車相差得唔係好遠。
我見既然有時間，於是就想清理一吓我啲屎。
行左咁耐，我啲屎都差唔多溶得七七八八，雖然不嬲都係溶...
咁我就柄埋一二面，除條底褲出黎，諗住炆走上面啲屎蹟，順便清理埋流左落腳既屎水。

”前面紅燈，佢地停低左！”大叔好緊張咁話。

我啱啱先除左條底褲出黎，而咁啱我地駕紅VAN就泊左係佢地隔離，咁我就諗住企起身睇吓啦，
一望去右邊！大獲啦，係毛毛佢地，佢地係師機位到望左過黎我果到，冇錯，係我「果度」。





究竟跟住會點，我唔知，不過我正係知道毛毛佢地呆左，咁既情況，都好難唔呆既...
我左手渣住條底褲，右手拎住張紙巾，仲有少少啡啡地，咁我同佢地你眼望我眼咁，
而大叔都好緊張，不斷係度吞口水。
咁我扮到若無其事咁繼續做返我既事，一路炆呀炆，條雀就一路fing呀fing，
突然之間，係司機位既藍毛毛佢拉底左個車窗，伸出佢隻手。


話就話我同佢隔住塊玻璃窗，但係都會驚，
藍毛毛佢地究竟係咩我地都唔知，會唔會有超能力？藍毛毛佢地既一切都係謎。




藍毛毛舉起佢隻左手，做左個手勢。
佢伸出三隻手指，之後將食指同姆指扣上，
原來...佢話我細。


但係，我唔在乎佢話我細，我只不過係奇怪點解藍毛毛睇落去咁聰明？識得做咁多野？
睇親電影既都知道大多數怪物係智障咁濟，點解怪獸唔趁超人棧燈閃下閃下時偷襲超人？
點解D9異形禁區班外星人唔用咁高科技既武器佔領地球？
但係藍毛毛佢地唔同，佢地識得渣車，識得玩樂器，開演奏會，識聽人類語言。
究竟，佢地係啲咩野黎？究竟，大叔佢個仔失蹤同藍毛毛有咩關係？




唉，我都唔知，我都要學藍毛毛佢地咁講


”媽咪..........................
點解點解，媽咪點解點解！？”

轉綠燈啦，藍毛毛將佢駕車開走左，我同大叔差啲嚇到傻咗，連綠燈都未識開車。
點解佢地見到我地都唔捉我地？
諗多幾諗，其實見到我地個樣只有黃毛毛，而藍毛毛佢地就未見過我地，
咁黃毛毛點解唔報串既？嗯...莫非黃毛毛真係德仔？
於是，我就問大叔啦，

”大叔，點解你果時見到黃毛毛會叫佢做德仔？”

”父子既野，你唔明嫁啦...”





大叔哩一句說話，真係好高深，完全反映出中國式既親子關係，盡在不言中。

”其實你知唔知點解德仔會失蹤？”

”其實我都唔係咁肯定。你都應該有睇個媽咪麵果個廣告，
當年拍哩個廣告既有7個細路，但係最後得返到屋企既細路得5個...
而我個仔就係失蹤既細路其中一個。”

”但係你憑咩咁肯定係藍毛毛捉走你個仔？照計咁荒謬既野好難諗得到。”

大叔回過神後，繼續開車，而南洋依馬打四季平安油貨車係地圖上愈黎愈遠黎我地，
好彩大叔射左過追蹤器跟蹤佢地。

”你講得無錯，當初我都有諗過係其他人拍完廣告後先捉走我個仔。




但係，當我睇多幾次廣告之後，我就發覺有啲唔對路，
我見到既係藍毛毛追住佢地，而唔係佢係度指揮音樂，而且，我見到我個仔既樣係極之恐嚇...”



”原來係咁既，所以你就咁確信係佢地捉走你個仔。”

大叔指住個地圖，跟住話
”佢地停左係度，興偉中心。大概我地用15分鐘就去到，不如我地休息一吓，或者做一吓自己想做既事
，因為，我地唔知道入左佢地既範圍，出唔出得返黎。”

其實點解我要救我班朋友呢？嗯...我唔清楚，我有猶豫，此刻，我著返條褲，望住窗外，發緊吽逗。
而大叔就開左電台，果一晚大概十一點正，電台係叱咤903，播緊1872遊花園，
哩次係我第一次聽電台，咁都難怪既，係哩個世代，青年人可能淨係聽既係，達哥。





電台入面其中一位DJ開出一條題目係”一件離奇既事”，
究竟係天意弄人定咩呢？咁啱都有既，咁我就試吓打電話上去啦。
電話傳出人聲，

”1872！”