嘩,真係打通左!電話傳出一把好基既聲,

”喂,點稱呼?”

話哂都係第一次打去電台,我就諗左個好勁既朵

”你叫我藍毛毛終結者得啦。”

”哈哈,藍毛毛終結者,咩名黎嫁。講返正題先,你今日想講咩題目?”





”er...我想講一件離奇既事"

”好啦,事不宣遲,可以戚刻講啦”

”是咁的,今日我參加咗藍毛毛演奏會。”

”咁啱?我今日都有去喎!真係好正,可以咁近距離接觸藍毛毛,原來佢啲毛真係藍色嫁!”

”哦...演奏會真係唔錯,但係真係好離奇...我仲諗緊我而家係現實定係虛幻。”





”我都覺得好虛幻,果幾隻毛毛人扮得黎都幾真吓。”

我知道,如果我同佢講藍毛毛真係怪物,佢一定以為我係痴線佬,我冇話比佢知。

”其實我有幾個朋友參加完藍毛毛演奏會唔見咗,我曾經試圖搵佢地,我甚至報埋警,但都冇用,
我諗緊親唔親自去救佢地,我好驚。”

”個情況都幾熟口熟面,我地啱啱都有個聽眾打黎,佢係做社工,
佢話佢今日收到個電話,話有個傻佬打999,話佢班朋友比藍毛毛捉咗,
運咗上南洋伊馬打貨車,想叫警察幫手,而警察就搵社工解決個傻佬,果時我聽到之後笑到痴孖根。”





唉,屌,咩野社工黎嫁,咁冇職業道德既,攪到我都唔好意思同佢講果個真係我黎。
咁我就強顏歡笑咁講,

”超低能,勁攪笑。”

”係呀,果時真係笑到我標眼屎,咁既傻佬都有既。”

”係lo,咁低能既人都有既,哈,哈,哈...”

”講返正經野先,你話你諗緊親唔親自去救你班朋友既”

”係呀”

”其實點解你咁想救佢地?”





係呢,點解呢?此刻,我望住車外既一對MK男女,佢地行左入公廁。
點解!點解果個MK仔咁既樣都溝到女!嗯...冇錯,係女!係呀怡!我女神!
點解我會鐘意佢,要由好耐之前既一件事講起。


當初我同呀怡係巴士上面相遇,我就好留意哩一個女仔,
可能佢比我迷人既眼神吸引住,跟住佢望住我笑,
就係哩一刻,我就體驗到咩見觸電既感覺。
”師機,個電鐘壞左!”有位乘客話,原來,我真係觸左電。
但係,我同佢係巴士上既故事係未完。


咁啱吓一個站,我就見到一位類似痴漢既男子上車。
唔知係唔係睇得H漫多,邊啲係痴漢,邊啲係痴線,我一眼睇得出,冇野可以避開我凌厲既雙眼。




死啦,死啦,佢行緊去呀怡後面,我就知道佢對哩位咁pure咁true既女仔起色心!
正當我想行到呀怡後面保護住佢既時候,痴漢已經行到我後面,
原來,呀怡唔係受害者,我先係!
就係咁,我一路比佢磨屎忽,我唔敢叫出聲,哩一種情況真係唔知做乜春。
最後,我仲feel到濕濕地,我想喊,我終於明白點解咁多女仔比人非禮都唔出聲...


正當個痴漢想落車閃人既時候,呀怡大叫

”你個死變態企係度!”

結果,乘客幫手捉住個痴漢,而我仲有少少驚惶失措,
就係咁,佢行埋黎,掃住我背,同我講

”哥哥仔,下次預到哩啲野一定要出聲!”





雖然,我地個角色好似調轉咗咁,
但係自此,我就愛上咗哩個女仔,我甘心做一隻佢既兵!


電話入面既DJ再次傳黎講話,

”喂,喂,聽唔聽到,冇哂反應咁既”

”DJ!多謝你呀,我知道自己要點做啦!收線,bye”

此刻,大叔已經駛到黎興偉中心,即係藍毛毛佢地既基地,
大叔問我
”準備好未?”





”我準備好哂,等你姐”

佢將枝煙頭dom出車窗,企起身,拎起個背囊。
我都企起身,check一下仲有冇屎蹟係條褲到,
大叔企係小巴既太平門前,深深咁吸左一啖氣,講左句,





















”出發!”