我參加了籃毛毛演奏會: 出現了！

由於係夜晚既關係，成棟大廈差唔多熄哂燈，走廊黑哂，惟一既光源都係街外既燈光透射入黎。
好彩既係，我而家係一樓，但係，要知道愈行愈高，街外既燈就愈難射入黎。
或者，哩一個就係大叔選擇由最高層出發既原因。

”嘭”

咩事，究竟係咩聲？唔會咁黑仔掛，一樓就遇到藍毛毛佢地，我立戚哩埋係轉角位到，
慢慢咁拎出我枝手槍，緊緊咁握住，雙手不斷發抖，我踎低係地下，慢慢，慢慢咁伸個頭出去，
咦？冇野既，究竟有啲咩係度？





”嘭、嘭、嘭”

係電梯果邊？辨公室？垃圾桶？
係啦！係垃圾桶到！聲音就係果度傳出黎。
正當我想行近少少既時候，垃圾桶蓋微微咁向上升起，此刻，我已行到一半既路程。
如果我要返返去啱啱踎係到既地方，大概要三秒，
但係，兩秒鐘既時間，垃圾桶入面既野就會完全咁伸個頭出黎。行唔通。
咁直接伏係地下到，完全同黑暗融為一睇，博一下佢見我唔到，
唔得，行唔通，如果垃圾桶入面既野行出黎，點算？
時間唔多，剩返2.12289473秒。






咦？係啦！見到啦，我既左手邊有一張梳化，唔理啦！
我黎左一個反智轉身，在跟住善落地下，再對正返我個身位，完完全全見到個垃圾桶，好高清，真係1018p。
哼，垃圾桶入面既謎就等我解開啦！

”媽咪～”

垃圾桶出黎既係一隻綠毛毛。係哩個時候，我拎出對講機，細細聲咁講





”從前，有一隻大笨象，佢係河邊吸水。”



”咇咇，九龍塘約道7號老爆，已經有PTU去緊現場，附近有冇伙記過去支援”對講機傳黎聲音。

咦，究竟係咩情況，點解無端端講咋咁既野出黎，唔好玩我啦大叔，緊急關頭呀。

”大叔，咩九龍塘約道7號，咩PTU去緊現場，係我呀，行動代號係突特得 得特特呀！”

”咇咇，PC1923呼叫電台，河邊大象吸水位置係邊？”

我頂，大叔咩對講機黎，警察通訊頻道都收到，痴線嫁。
就係我惱怒緊點解會咁既時候，有一把好熟悉既聲音...





”香港差佬除左黑暗之外呢，仲好蠢嫁，連大笨象吸水都要理，一啲常識都冇，連係搵漁農處都唔知”

係佢啦，極醜惡系列果個人，痴線，憎警察憎到咁，偷聽警察通訊頻道，跟住佢又講啦，

”屌，有冇攪撚錯，你地不如搵埋解放軍幫手呀笨，橫掂都係中環治港嫁啦！”

唉，算啦，求人不如求己。不如等綠毛毛縮返落垃圾桶入面，之後我就跑到去樓梯到，上第二層。
好！就咁決定。
於是乎，我就坐左係梳化後面既地下，等綠毛毛佢番返入垃圾桶。
點知佢又無端端拎左枝笛係度吹，吹既仲要係綠袖子。
哩一次我真係第一次聽藍毛毛佢地既樂團演奏第二首歌，講真，有少少唔慣，而且有種厭惡既感覺。
不過，我知道如果我地愈向上發掘，就更加知道藍毛毛既秘密，仲有佢舉辦演奏會既真正目的。

係機會啦！佢番返入垃圾桶，而我就衝左入去走火通道既樓梯，我等待我心情回復返平靜，
之後我用對講機，試一次搵唔搵到大叔，點知道，傳黎既聲係





”媽咪～～～”。