我參加了籃毛毛演奏會: 咸濕綠毛毛

理想咁諗既話，大叔就係往上層跑，就係咁我同佢失散咗。
恐怖啲諗既話，大叔因為啱啱激嬲咗藍毛毛佢地，已經慘被五毛分屍！
想知道大叔咩料，係對講機搵佢就知啦，於是，我伸手係褲袋到，想拎對講機出黎。
我不斷搵呀搵，搵呀搵，但係都搵唔到。
SHIT!一定係啱啱比毛毛禁我落地下果時跌咗出黎！
唉，死啦，同大叔聯絡唔到，點算？
仲有個辦法！就係同大叔係約定時間見。
我望一望錶上面既時間，距離十二點半仲有三十分鐘。
算啦，我唔再出去啦，如無意外，藍毛毛佢地已經係到搵緊我地，
咁倒不如係哩一間房到等時間到之後衝去約定地點。


話時話，我入咗一間咩房都唔知，間房連燈都未開，四周都潻黑一片，
或者，一開燈就會見到藍毛毛佢地，
或者，一開燈就會見到呀怡比人捉黎哩度，
或者，真係好多或者，我都唔知啦屌，總之開燈先啦。
我就係咁沿住牆摸，

”噠”

開咗燈啦！咁我就擰轉面望清楚我係邊，
仆街，真係有隻毛毛係度，係粉紅毛毛！




我立即拎出我枝槍，對準住佢，
而佢又真係沃都唔沃，究竟，哩一個係唔係一個陷阱？
不過，係陷阱又點，我有枝槍係手，佢都應該唔敢亂黎。
就係咁，我行上前去，上去睇真啲毛毛佢地係點樣，
點知！當我睇真啲，原來係一個粉紅毛毛攬枕，真係嚇餐死。

既然個攬枕做到咁真，咁我不如穿住個攬枕，扮埋毛毛佢地一份，哩一條橋真係驚世駭俗！
我拉開拉鍊，拎哂攬枕入面啲棉花出黎，將個攬枕套係身上面，另外，係眼果個位吉咗個窿，方便睇野。


正當我諗住出門既時候，我聽到開門既聲音！
於是，我立即扮攬枕，沃都唔沃，就好似反斗奇兵入面啲公仔聽到”Audy is coming！”
入黎啦！原來，又係果隻綠毛毛，點解我同佢咁有緣...
佢番埋佢既書檯到坐，係櫃筒到拎咗本書出黎係度睇。

藍毛毛佢地並唔係無智慧既怪獸，究竟佢地係啲咩野？
正當我望真啲本書既時候...原來，係一本H漫。
究竟有冇可能創造無H漫既東西，睇黎都係無啦...連藍毛毛都有H漫。
書名叫做...窺毛孔。

睇咗大概五分鐘到，佢就番上床啦。
係時候啦，等佢訓咗我就閃人。
點知佢無端端一野攬住我！係咁係度上下咁磨，而我個屎忽都feel到有碌野撞黎撞我。
我...入咗落個吹氣公仔到。




”媽～咪～～”綠毛毛發出求偶既咆哮聲。
而我就覺得好痛，真係好痛，就好似有碌棍咁打落黎。
唔得，絕對唔可以，我身位一隻盡忠職守既兵，點可以將我既第一次比綠毛毛。
同人都話好啲，但係居然係毛毛，佢係怪物定人都未知，仲要係雄性，我真係接受唔到。
第時如果我老婆問起，可能係我女神，佢問我第一次同邊個既話，我要答邊個？
我係唔係要同佢講，

”我既第一次比藍毛毛既怪物拎走咗。”

雖然隔住層野，但都唔可以拎走我咁保貴既毒男貞操！


但係，想走都唔係咁容易，我而家比佢攬住咗，如果我謬謬然咁出去，我實死冇生。
究竟有咩方法可以脫離哩一個鬼地方呀！


咦，用大叔果招聖人模式行動大法唔知得唔得呢？
好啦，咁我就等吓啦，橫掂距離十二點半仲有二十分鐘。

一分鐘、兩分鐘、三分鐘...十分鐘啦！
乜野持久力黎嫁，係咁磨黎磨去，我條褲都就穿啦！
”啪...啪...啪”做乜事？唔通今次真係菊己爆？
原來，係個拉鍊爆開咗，而我，就唔小心碌咗出黎。
綠毛毛都比我既出場方式嚇親，咁唔洗問，我當然都嚇親啦。
啲人就成日話未見過大蛇痾尿，但係今日我就黎一個”親眼見毛毛巨棒”！
綠毛毛連反應都黎唔切，而我就已經拎咗槍出黎。
大叔既一句話，”槍可殺人，也可救人”，而定，我就係為咗我自己而開第一槍，
我...我射啦！
我扣下板機，”砰”的一聲！

”呀！”邊個慘叫？



原來係我，枝手槍既後助力令到枝槍打中咗我個鼻，啲鼻血就好似瀑布咁流出黎。
咁粒子彈呢？我望一望綠毛毛，佢一啲事都冇，但係我既一槍，就令到佢回返神。
佢要衝過黎啦！點做好？快唔夠佢快，大力唔夠佢大力，今次死得啦。


唔理啦，我捉住咗個書檯櫃筒，即刻爬返起身，試圖衝出房間。
剩返5秒，可以點做？
”躂”係一本書跌落地下既聲音，冇錯啦，係果本H漫，就係要H漫！

”我有其他藍毛毛系列H漫！”我拎出手機對住綠毛毛講，究竟佢會唔會停低呢？

係哩一刻，只能博吓佢係唔係真係識廣東話，係唔係真係咸濕既毛毛，一切都係一場賭博，只有生或死...
當佢隻獠牙貼緊我既喉嚨既時候，佢唔再沃啦。哩一場賭博係我勝利！
究竟，係唔係真係有藍毛毛H漫，我真係唔知。


但係，自從上高登之後，我就相信冇野係冇H漫，連空氣都有，藍毛毛點會無。如果無既我切！

綠毛毛係地下拎番佢本H漫，舉起佢示意叫我搵H漫，而我，就有種死過番生既感覺，係咁漂冷汗，手都震埋。
咁我就上google打，「藍毛毛H漫」。見到啦，高登真係有人問，今次唔洗死啦！
我click入去個post到睇，正當我開開心心搵緊既時候，先係真正既賭局開始，原來，真係無藍毛毛H漫。
究竟綠毛毛點解會有藍毛毛系列既H漫？而網上係居然冇，唉，唔諗住啦，都唔知等一陣仲會唔會死。
綠毛毛佢已經等得唔耐煩，完全係準備衝過黎既樣。
有咩野似藍毛毛佢地，有咩野呢？
冇錯啦，係芝麻街班怪物，於是乎，我轉第二啲搜尋字眼，今次真係有啦。
我只係比幅圖綠毛毛睇，正當佢想拎走我部手機既時候，我問佢

”我想同你做一單交易，你要帶我去搵我班朋友，咁我就會比成套你睇，Deal or not Deal?”

我知我哩個要求可能無咩可能，但係都要試一吓啦。
突然，佢張開佢個大口，講咗聲，

”Dea...Dea....Deal...媽咪～”，

而我就係咁同綠毛毛達成哩一個H漫交易，前往我朋友既位置。仲有既係，呀怡，等我呀！


可能係唯一冇H漫既野：
http://forum3.hkgolden.com/view.aspx?type=EP&message=3541233&fanti=0