我參加了籃毛毛演奏會: 極速傳說之回到起點

聽完大叔既一番話，實在有少少莫名其妙，一切都好似好突然，
就好似大叔所講既世事無常...

雖然大叔同我講，「人生變幻莫差，冇野係可以預計到」，但係有一樣野我無我冇估錯，
大叔仍然係我識得果個大叔，但係人都已經唔係到...

我擺出一個浪子既坐姿，望住車外既風景，賞試體會一下大叔所講既「人生無常，變幻莫測」。
係我地後方，有一駕紅VAN，司機係一位雙眼無神既麻甩佬，滿臉都係鬍鬚，留住鳩毛一般既髮型。
究竟哩位司機以往既人生係點？有咩事令到佢成為小巴師機？
我唔知道，人生無常，變幻莫測，有好多個可能性。




例如佢之前可能係一位職業賽車手，但係佢深知係賽車場未能完全發揮出佢既技術，
所以先轉行做小巴佬將自己既技術完全駛出，當然，以上既情節只不過係我FF出黎，
只有小巴佬佢自己先知道。

突然，呀仁好興奮咁講，

”喂，泰國佬，你睇下！老闆娘駕車係前面！”

”陳汕媽劣（我看得見）。”





我踎低從遮布與遮布之間既空隙望左邊既路況，發覺有一駕南洋依馬打貨車係到，
而渣緊車既正是藍毛毛，坐係佢旁邊既就係大嬸。
藍毛毛隔住車窗對住呀仁舉起手指公。呀仁則同泰國佬繼續講，

”好，其他毛毛佢地已經渣車出發去緊沙田間廠，
而老闆娘就負責睇啲貨上哂車先走人，所以先遲左。
不過唔緊要，我地既成功只不過係延後少少。”

究竟佢講緊咩野成功呢？





”喂，泰國佬你望下，藍毛毛佢同我地Say Hi，你用車頭燈打個信號表示收到啦。”

”呠！”係後方既小巴發出既喇叭聲，之後從藍毛毛駕貨車同我地駕貨車之間經過。
只不過，泰國佬好似就係哩個時候閃緊燈，而咁巧合地小巴司機目睹佢既動作。
意想不到地小巴司機誤會係發出賽車挑戰既信息，不斷向我地駕貨車逼近，
睇黎個小巴司機真係職業賽車手...

”喂，泰國佬，你攪到個小巴佬當我地係挑戰佢呀。”

”我都唔上（想），又吃（係）你叫我閃燈。”

小巴司機死纏難打，點都唔肯走，呀仁好激氣咁講

”小巴想同我駕Top Gear玩？就同你玩下，泰國佬，去啦！”





嘩，唔撚係化，岩岩同警察鬥果時我已經嘔到周圍都係，今次仲要係紅VAN...

我地稍微爬過小小頭，我望住個小巴司機，佢既眼神回復返光芒，
就好似一把出左鞘既刀，不見血不歸鞘。
我地同小巴師機去到紅磡海底隧道既收費站停左係到，
等待隧道收費員放行之時就係正式開始哩一場比賽。

小巴司機從收費員手中接過找回既款項，泰國佬都正在做同樣既動作。
與此同時，一輛警車正係遠方駛緊過黎，不過...比賽已經開始啦。

呀仁好心急咁講

”轉波啦！”

引擎聲愈來愈大，成個紅隧都充滿住小巴同貨車既引擎聲。




而我就真係感受到咩叫「頭搖又尾擺，飄移境界」。
係隧道渣車，最難唔係拋開對手，而係避過其他車輛。

呀！頂唔順啦，忽然既剎車同踩油，完全將我啲胃液搖晃到極點。
我行到車尾一路嘔，一路望住緊貼我地既小巴。

明明我地係佢前面，小巴司機仍然好似好有信心咁，究竟佢既自信係邊到黎？
我再望一望佢個車頭位，發覺有一杯水係到...而且仲要係全滿...



係我好留心要證明我冇眼花既時候，我地黎左一個急剎，輪呔傳出刺耳既剎車聲，
就好似極速其中一後既「輪呔帶著，咆吼叫聲」。

轉眼間，小巴司機已經爬過頭，我地再次踩油之時，佢已經領先走出哩一個隧道。




當我地走出隧道再行一段路既時候，警察居然設置左警察檢查站！？
究竟呀仁佢地會點做？

警察已經擺好陣，如果好似電影咁衝過去一定冇咩可能。
當然我梗係唔想呀仁佢地被捉啦，我都仲想救呀怡，我都想幫德仔，
所以我先靜靜雞上左哩部貨車，前往佢地新既藏身之處。

只不過要避開警察既耳目實在有少少難度，就好似爬過我地頭既小巴司機已經比人警察佢地截停左。
不過係唔係代表我地已經冇去路呢？
唔係！仲有一條路，係一個V字彎位，但係要成功過到去都相當困難，哩個任務簡直就好似180度咁轉彎。
另外，仲有一個難度就係要同警車擦身而過！
所以斷估呀仁唔會叫泰國佬用哩一招掛。

”唉，班差佬點都唔肯放過我，泰國佬，你試吓轉入去另一條路啦。”呀仁實在係語出驚人。
不過，最強都係泰國佬，居然冇半點猶豫就聽呀仁指示，




連我都開始懷疑佢係唔係泰國人，而係黎自秦國既忠誠士兵。

啲警察見到我地衝緊上去，個個都雞飛狗走，完全冇想欄住我地既意願，
但係佢地點都估唔到我地其實係轉彎！

泰國佬一個轉彎之後踩剎車，進入飄移既狀態，與警車只有兩三豪米，
放係貨車入面啲紙盒都因為離心力攪到撞黎撞去，
泰國佬再轉一轉枝廁所棍，成功轉彎後全速前進！
我望返警察個樣，個個都驚嘆不已，
後黎我聽講南洋依馬打貨車成為香港第三個極速傳說。

講返正題先，我地究竟要去邊呢？
點解哩一條馬路咁熟面口，我再望一望左邊車外既景色，
見到既係紅磡體育館，藍毛毛演奏會既起始地，一切奇怪事既源頭。