無啦啦有兩條女同左我一齊住: 4
4.
「時間都差唔多啦,再玩落去都冇意思,讀埋篇潮文完啦好嘛」11點半,又係達哥完結既時候
「吓,咁快完架啦..」阿白一臉失望「聽日仲有架呵?」
「有呀,星期一至五9點半都有」
「好呀,聽日再一齊睇丫」
阿白一開房門,智詩就企正響我房門前,嚇到我屁滾尿流
智詩:「阿白你做乜入左佢間房,仲要著到咁」
「智詩呀,我入黎睇達哥咋」
「叫左你幾多次唔好著到咁訓教呀! 小心俾人…」
智詩拉走阿白,阿白回頭對住我講:「我訓架啦,聽日見啦,good night」
我上多陣網,大約12點幾就訓左,因為今日真係好撚攰
沖埋涼,諗緊刷牙,點知...
「7.女方擁有廁所優先使用權」聽到呢把聲,就知又係智詩
「唉得啦得啦」響香港地,男人真係低賤過狗
咁我唯有出廁所俾智詩刷牙先
我一手傍住廁所門,望住智詩
其實智詩都幾靚女丫
長髮,眼大大,又唔肥,重點係波大,至少都有c cup
係衰在矮同惡姐
「喂,你望咩呀?」智詩已經發現我昅住佢
「冇..冇野呀」
「如果唔係你阿媽,我同阿白都唔會同你住」智詩邊講邊搽緊保濕cream
「又關我老母事?」唔撚係掛
智詩似乎知道自己講多左:「總之,你呢幾個月醒醒定定,唔好搞三搞四」
我有d唔明白,問:「其實,點解你成日對我咁有戒心姐?仲有,今日響巴士站講既變態色魔同hall莊班臭閪,係咩事黎?」
智詩抹一抹臉,望住我:「你咁想知我d野,你想溝我呀?」
「痴線,你又唔係特別靚」雖然有得溝我都會溝
智詩冷笑一下:「到你fifa打得贏我先話你聽啦」屌,又bin我c
佢入番房之前,講左句:「通常d男人打fifa都會俾我炒456球架」
「你係第一個,對住我輸少過4粒既人,嘿」
「喂」我叫住智詩
「咩料?」
「我仲未知你同阿白既電話同facebook喎」
「想抄牌呀?」
「咁..咁話哂住埋同一間屋,有個電話..好..好照應d嘛」
「哼,過多一排先啦」超,你估我唔識搵阿白問咩
雖然話wfc,但係好奇心令我好想知道智詩同阿白過去發生過咩事
刷完牙之後,我就攤左上床
今日既事,就好似發左場夢咁
俾老母過左一棟,未來幾個月都要住元朗;同左呢2條女:智詩同阿白一齊住,又好好奇佢地既過去......
最重要既係,阿白笑果個樣令我諗起,果個人
諗諗下,我就訓著左
夢入面,我又返番去中學既時候
響我眼前既,係一個草地足球場
我記得,係中六,A grade,4強
進入補時階段,剩低2分鐘
我呢隊荃灣官中,落後緊1球
好好彩,我地既隊長搏到一球罰球,大約20碼
「阿池,呢球....交俾你啦,一定要入呀」
我面對眼前既人牆,再望望看台上的觀眾
雖然現場好嘈,但係我依舊聽到果個人把聲
「加油呀!!!阿池!!!」
呢一刻,我毫不猶豫,射個派路式既罰球
完美地射向死角,龍門邊塵莫及
但係....
響最緊張既時候,我醒左
我望住天花版,再聽住冷氣機既聲,冷靜左一陣
仆街,好撚耐冇發呢個夢...點解又發返架.....
再望望鬧鐘,8點半,好彩返10點半,冇遲到姐
我走出自己房,已經見到阿白同智詩響到食緊早餐
「早晨呀阿池」阿白親切式既「早晨」真係醒神
「早晨」智詩呢條女竟然同我打招呼
「點解你地個個食緊公仔麵既,我尋日check過冇架喎」
阿白:「哦,我入黎之前響百佳買左啦,你食唔食呀?我煮俾你丫」
「唔駛啦,我返到學校先食啦」我坐上梳化,check下有冇人whatsapp搵我
一睇,原來子晉搵過我
尋晚9點:「打fifa?」
尋晚10點:「打緊飛機?」
尋晚11點:「屌你老母,跌左落屎坑?」
依家我先醒起,原來尋晚係約左子晉打pro club
今日番去實比佢屌死
阿白食完公仔麵,拎起放響地下既袋:「阿池,我同智詩返學啦,4點先放學,今晚見啦」
智詩補多句:「記得,今晚你煮飯喎」
屌係喎,大撚獲!!!!!!
煲飯煎蛋呢d都識丫,但係要我真係炒碟餸...就真係有難度啦.....
我即刻上網睇番李錦聯d「今晚食乜餸」
「你落先丫」「你落先丫」「你落先丫」「你落先丫」「你落先丫」「你落先丫」「你落先丫」「你落先丫」「你落先丫」「你落先丫」「你落先丫」「你落先丫」「你落先丫」「你落先丫」「你落先丫」「你落先丫」
炒碟蝦都咁撚麻煩...唉
算,求其梅菜肉餅加條魚加幾條菜算啦
正當我準備換衫,出門口返學既時候
就見到...
阿白同智詩返轉頭
我:「咦你地漏左野呀?」
阿白搖搖頭:「唔係呀,村..村口有隻狗呀!好大隻,係咁吠我地呀..」
原來阿白係驚狗
「咁智詩呢?」我諗智詩呢d咁強勢既女仔應該唔會掛
智詩唔理我,低住頭
阿白:「智詩仲驚過我呀,佢細個差d俾狗咬過」嘿,原來智詩都有弱點既
又係我發揮gentleman風度既時候:「哦,我陪你地出去囉,反正我都出去」
「唔該哂你呀阿池」
我地三個走到出村口
嘩屌,隻狗真係好撚大隻,成隻西藏敖犬咁大隻(唔係棒棒堂果個)
佢睥撚住我,好似想食左我咁
我知道,狗同人一樣,欺善怕惡
所以我又睥番住佢,試圖兇下佢
正當我諗住帶佢2個由左邊過去既時候
智詩,佢竟然揸住我對左手,係好實果隻
屌,係咪真係咁驚呀
我行一步,隻狗又轉向我一分
好彩,佢都唔敢做d乜,一味響度鳩睥
行去巴士站既時候
阿白笑住講:「唔該哂呀阿池,你唔響度既話我同智詩都唔知點算」
「唔駛客氣...不過,智詩..你捉到我隻手好痛」
呢個時候,智詩終於肯縮手
紅都面哂咁講:「唔..唔該哂囉」
睇黎,智詩已經對我冇哂戒心