無啦啦有兩條女同左我一齊住: 5

5.
「原來你驚狗架?」我問智詩
「阿白頭先咪講左囉,我..我細個..差d俾狗咬嘛」智詩似乎仲驚緊
「估唔到姐..你平時咁串,竟然驚狗」
「哼..」

搭緊車既時候,終於成功抄到佢2個牌
阿白再整左個whatsapp group,叫咩「我們仨」

到左朗屏西鐵站既時候




阿白:「我同智詩去屯門果邊返學啦,今晚見啦」
我問:「咦,你又話放4點既?」
「哦..我同智詩都要返partime幫人補習呀,應該7點先返到架,拜拜」阿白對我揮手道別,連智詩都係咁兒揮一揮手
好野,佢終於唔當我作變態佬

不過,阿白佢頭先講佢地幫人補習,又令我諗起year2果年幫個女仔補中六數學
不過補補下佢又話辛苦又剩咁,補左幾個月冇補了
唔..返到去貼番d補習廣告上網先

上到車既時候,我check番頭先個whatsapp group




阿白既個人狀態係「時光這個壞人...」,張icon係佢同智詩的合照
智詩既就係「有空」,張icon係佢響拉把溫書晚既「扮勤力」相,應該都係阿白幫佢影掛

我再望下自己個個人狀態,係老蕭既「我唔撚柒鳩屌你個含撚笨柒個老母個生滋甩毛爛臭化花粒白濁梅毒性冷感閪都唔撚柒得嘅！」
唉,點解差咁遠,轉番珠算

轉轉下,就返到學校
一入到課室,就已經俾人屌
「屌你老母呀江天池,尋晚飛起我」係子晉,如果外人聽到既話,或者會以為我同佢係gay





「喂sorry呀,尋晚有d野要搞,冇時間打fifa」我決定唔同佢講智詩同阿白既事住
「屌,咁今晚打唔打架」
「唉唔知呀,依排都可能唔打得」因為智詩霸鬼左部ps4囉

落堂果陣都12點半,我同子晉話去置富都會foodcourt(即係我地所講既都can)食飯
經過火車站既時候,後面有人拍我膊頭
「喂,阿池好耐冇見啦」係我中學同學阿王,同班的
「咦阿王,hello」禮貌上都要同佢打個招呼,唔通無視佢咁串咩
「我地6E班後日有reu喎,你黎唔黎呀」

講起呢種畢左業既reunion,真係慘撚過訓街

第一次係2012年7月,岩岩畢左業,等放榜咁啦,同班同學就話去bbq
點知去到果時,個撚個都溝到女,得我冇
真係完全體會到「那年十八 母校舞會 站著如嘍囉」既心情




最後食食下都冇feel,求撚其其作個藉口走人算

第二次係2013年1月,我第一次dse收左皮,等retake啦
而同班既同學,9成都入到u咁濟(我果班算係精英班黎,不過得我唔讀書姐)
我自己果陣都知去到多數會俾人串架啦,不過都膽粗粗咁去左
最後真係後悔
由8月放jupas,入唔到u果日開始,我就開始封閉自己,唔想再搵同班同學,廢事獻世啦
其實同班同學佢地都知我dse收左皮咁啦
但係有個我曾經得罪過既同學,叫大軍啦,打打下邊爐冇啦啦彈一句
「喂阿池,你依家讀邊間u呀?facebook冇見你ocamp d相既」

我心諗:「你冇撚野下話,崩口人忌崩口碗喎」
全場靜哂,好比「臭你又奶」
我都廢撚事答,最後又係不歡而散





其實響我retake成功之後都仲有幾次中學reu既,不過我都唔撚想去啦

「...諗下先啦」我份人有時就係唔夠決斷
「唔緊要啦,你如果ok既話,後日之前whatsapp我啦」其實我都唔係好記得有冇阿王whatsapp

如是者,食埋飯,上埋堂,4點幾就放左
屌,返到元朗仲要買餸

返到去元朗果陣,我去街市求其買左舊瘦肉,買左d菜心同蛋,仲買左埋米返去,好撚重
諗住整肉餅,菜心加一人一隻煎蛋就收工

返到去屋企都6點幾,係時候開工
好彩,洗米煮飯,整肉餅,白烚菜心呢d三腳貓功夫都難唔到我
不過煎蛋就真係...





我係咁敲隻蛋都敲唔爛
心諗:屌,咁撚難既
我一大力少少,點知d蛋殼都跌埋落碗
屌那星!

「阿池,我地返黎啦」係阿白同智詩,仲買埋d日用品同飲品小食果d,佢地個樣都好攰下
佢地走入黎廚房八卦下,就俾佢地見到d蛋殼
「柒頭你唔識打蛋呀,哈哈」智詩一見到就瘋狂恥笑「等阿白幫你啦」

阿白用她一對貌似十指不沾陽春水的手,輕輕鬆鬆打埋剩低既2隻蛋
「好易架咋,用少少陰力就得架啦」
最後,靠住阿白,成功煎哂3隻蛋

好彩,餐飯都唔算難食
我問:「d餸..好唔好食?」




阿白笑住答:「好食呀,好耐冇食肉餅啦」
智詩:「車..有幾難煮呀,阿白煮得好過你啦...你聽日學野啦」
唔係掛,阿白真係有咁勁?

食完飯,我地三個都沖好涼
智詩就繼續打fifa,我同阿白就睇達哥
睇完之後阿白上多陣網就入左房訓
智詩就繼續瘋狂打ps4
都係平平無奇既一日
不過都仲有件事煩住我

去唔去6E班reu好呢?
一班同學咁耐冇見又唔知講乜好,去到又比人串我溝唔到女
我攤響花園張安樂椅上面,飲住可樂,望住個天

「喂,飲呢d邊夠架」忽然,一罐嘉士伯,拋到我面前
我接實再望一望,係智詩,佢著住紅色背心加短褲,又係拎住罐嘉士伯

「點解有嘉士伯架」我問,明明佢地岩岩冇買啤酒
「傻仔,村口有士多嘛,岩岩9點幾你地響房睇緊達哥果時我出去買左啦」智詩坐上我隔黎既另一張安樂椅
「咁點解買兩罐呀,你唔自己飲?」
「咁..咁老細話買兩罐平d嘛,你唔係以為我特登買俾你下話」
屌,真係up得就up

智詩飲左一啖,問:「點呀..有咩煩惱呀?」
「唉,你唔明架啦...」其實呢句都幾on9
「又唉但係有話你唔明,咁句唉你係想同邊個講呀屌你」

我嘆一口氣,將reu既事同左佢講
智詩聽完之後笑左一笑:「喂,你男人老狗,咁撚樣都驚?」
「你邊會明呀?去到全班都帶囡囡去,得我一個冇,實笑到我黃都面哂啦」

「挑,你都係驚冇囡囡幫你響班舊同學面前威姐,不如..」
「吓,不如咩呀?」
「不如,我後晚,就做你條女,同你去reu」