無啦啦有兩條女同左我一齊住: 12
12.
「佢唔駛送啦,佢住hall,唔通我送到去hall咩,咪盞人誤會」
「誤會?!你冇撚野下話,你明明...」
「我諗清楚架啦!」
全屋靜哂,阿白同智詩都望住我,連達哥都靜埋,就好似等緊我講野咁
「我係話..我同阿..麗娜呢,依家都只係朋友黎姐..」
智詩聽到,即刻興過火屎
「屌你,阿池,你係咪柒架你,條女真係對你有feel架」
「我知,但係,我都唔清楚佢係咪仲鐘意我嘛...」
「而且,如果我仲好鐘意佢,好想溝到佢既話呀,星期日響旺角就一早狗公咁款約佢出街啦,仲同你地去信和咩
」
「食屎啦你死毒撚,有女都唔要!」智詩仲激動過我,想衝埋打鳩我咁濟
阿白走黎拉住智詩:「智詩丫..阿池都係唔想自己後悔姐」
「屌,你鐘意啦,繼續唔好溝女啦唔好踢波啦屌!」之後就坐返梳化睇達哥
阿白問:「咩..咩踢波呀?」
智詩:「條on9呀,中學果陣為左d on9理由以後唔肯踢波,諗住果個麗娜可以幫到佢丫嘛..所以我咪想撮合佢地
兩個囉,等我可以為左麗娜踢返」
我插嘴:「喂,我踢唔踢波,其實關你乜事姐?」
智詩冇哂頭先既威勢:「咁..咁,你係on9嘛,明明踢波都算勁,又哂左自己d才華」
「吓,你又知我踢波勁?我淨係話我踢過a grade姐」
「...屌!check下你facebook讀邊間中學,再上youtube搵咪搵到你條柒頭囉!之前學界連20比0都有人影,呢d邊
會冇呀?」
「就咁睇highlight,你都算係成隊波最勁果個丫,次次攻勢都係靠你造出黎之嘛」
阿白拍拍智詩:「智詩呀...」
「咩喎,咁係丫嘛,比著我踢波咁勁,實踢到自己去港隊啦...嬲呀,我沖涼先!」
智詩走入洗手間
我問阿白:「阿白呀,點解..智詩咁想我踢返波既?」
「唉..我都唔知呀,佢成日都話踢波既男仔先型,都唔知佢諗乜」
阿白已經冇之前幾日咁冷淡:「阿白,你做咩呀?」
「唔?做咩呀?」
「點解你前幾日好似怪怪地咁既?」
「冇..冇野呀,前排功課..壓力大姐....」
一個二個都怪怪地
「接得靚呀,一腳射爆你!!!哎呀!!!點解會飛機架!!!!!」notebook傳來達哥既慘啼聲
佢既隊友黎鷹亦隨即屌爆達哥:「訓醒未呀達哥??!!單刀波呀!!!你係咪傻架?」
我已經幻想到,如果智詩黎睇我踢波既情況
「屌你!!!!拉空位啦,你弱智架?」
「跑啦!!!!你條on9等波到呀?」
「咁都接唔到?你返去踢西瓜波啦屌!!!!」
「咁都推甩波?食屎啦!」
屌成個畫面出哂黎,d汗都響個頭度流落黎
所以,就算真係踢,都唔好俾智詩知
第二日,星期五
起身果陣,
「阿池呀,我煮左麵呀,一齊食丫」
阿白煮左麵俾我食先一齊返學
硬係覺得阿白自從尋晚之後既態度好似三百六十,丫係一百八十度轉變
智詩當然都係繼續屌我,話我唔肯踢波,唔溝麗娜等等啦
我check一check facebook,發現麗娜個新ac'Rina Lam' add左我
睇到佢響中大pre o d相,d組仔組爸個個猴禽到想食左佢咁濟
玩下game又借d意挨近d
咁又係,如果麗娜入左黎我果科n展既話,真係唔駛做功課,坐住等source都仲得啦,因為成科n展都冇女,我相信
阿嬌入去都變女神
「喂,又話冇feel?咪又係照睇facebook..」智詩唔知幾時坐左響我側邊,我亦都FEEL到阿白睥一睥我
「喂屌你坐埋黎冇聲既!?」
「仲有,係阿麗娜add我姐,唔關我事架!」
「真係?」
「真!」
智詩一拳打落我個肚度:「最憎你呢d口是心非既人架啦!」
屌,智詩都幾大力下
過多陣,我地三個都出門返學
照舊啦,我去紅磡,佢地兩個去兆康
上到車時就收到麗娜whatsapp
「阿池我入camp啦,出返黎再約出黎食飯丫」再留個錫錫既emoji
大佬,我真係唔知條女諗乜...
又講到好care我咁,又走去玩ocamp
返到poly,入到lecture theatre既時候
發現成堆人圍埋一齊唔知做乜鳩啦
見到子晉都響其中
子晉一見到我,就話:「喂毒撚池!過黎啦!」
「屌你老母!今鋪出pool有望啦!!!」
「咩事呀..」心諗做乜鳩,不過都照過去睇下啦
只見幾個前莊員(同我同year,不過今年年頭落左莊咪前莊員囉)都響齊度,枱上面亦有幾張宣傳單張
其中一個同我比較熟既莊員Xavier講:「今年我地poly engine會史無前例,同其餘7間大學舉行joint u cup,
有興趣就自己黎搵我報名啦,除左我之外,你地有冇邊個踢波架?」
佢講既,就係麗娜琴晚send俾我既果個乜鳩joint u cup
呢句一出,圍內全部靜哂..
都岩既,n展撚個個都要煩gpa點樣先過到2,邊有時間踢波丫
「喂,阿池」Xavier叫住我
「吓,你唔係想..」
「睇你對腳都結結實實幾有肌肉咁,就揀你啦!」Xavier已經填左我個名落張form度
我喝停佢:「喂Xavier,你唔係咁樣玩鳩我下話..」
「大佬,唔通成隊波廿幾條友得我一個係讀大電既咩」唔記得講,我係講大電的
「幫下手啦屌你」Xavier係幾好霸道既人,佢決定既野就要做,仲惡過技安,佢仲要好撚大隻,我實唔夠佢抽啦
「阿池記得啦,我地隊波聽日就要開始練波啦,10月頭就踢架啦」
「吓..踢呢d友誼閪波都要練波?」
Xavier打左我一野:「屌你,到時場場都係響聯校運動場呀,到時大把女睇啦.點可以失威架!」
聯校運動場響九龍塘度,d大專比賽都係響果度搞,坐到一千人倒啦
「唔係掛,咁巴閉...」
「嗱,阿池到時記得比心機踢呀,到時贏左,其他u d女女都想識你啦」
你地可能會問,我直接唔去練咪得囉on9
不過,Xavier條友仔一定會夾實我去練波
我唔返學既話,佢又會係咁打黎,仲煩過d借錢電話
更加唔好講,佢打屋企唔通,就有機會知道我依家同阿白同智詩一齊住既事,到時肯撚定成班黎哂我屋企,再100
人斬
所以,今鋪我就好似杜汶澤一樣,呢餐「騾仔閪」,一定要屌硬啦
Xavier見我苦惱既表情,道:「喂阿池唔駛咁既樣喎,我地成隊都幾撚勁架」
佢再拎出另一張宣傳單張「再唔係,你睇下呢張啦,包你有返哂動力啦哈哈」
我睇一睇
「程繫社工」?我已經有d不祥既預感
「理工大學工程學院」同埋「嶺南大學社會科學學院」將會響10月2日舉辦「程繫社工」high table dinner
活動,讓大家可以擴闊社交圈子
嶺南大學社會科學學院嶺南大學社會科學學院嶺南大學社會科學學院嶺南大學社會科學學院嶺南大學社會科
學學院嶺南大學社會科學學院嶺南大學社會科學學院嶺南大學社會科學學院嶺南大學社會科學學院嶺南大學
社會科學學院嶺南大學社會科學學院嶺南大學社會科學學院
咪即係智詩同阿白果間!?