13

「嗱,呢個high tabel dinner呢,form我就交左架啦,tick哂全班架啦」
「吓,點解呀?」
「屌你,呢d機會可遇不可求呀!得150個位咋,我地唔報先就俾其他department搶哂架啦」
「屌你呀阿池,呢個係出pool好機會呀,幫你報埋算唔話得啦掛」

如果到時阿白同智詩都參加左既話...
其實我一方面有D開心既,因為到時阿白同智詩應該都會搵我(我估姐),咁既話仲唔葡萄死佢地!?
但係另一方面又好不安,好驚D人知道我地三個既事.....



如果佢地兩個唔去既話
到時我去到又要站著如嘍囉,冇人理
更重要既係,報名費五百架屌!!!

不過我覺得佢地唔去既機會高d,始終佢地又唔係好活躍好outgoing既女仔

上緊堂既時候,我就係係咁諗呢兩壇野
「喂,毒撚池,你做乜仲年初四咁既樣呀?」子晉拍醒沉思緊既我
「high table dinner喎,諗起都興奮呀,又可以識囡囡啦」


我彈一句:「有咩咁重要喎..」
子晉突然食左火藥咁,大聲屌我:
「屌你老母!!!!今次..可能係我大學生涯入面出pool既最後機會啦!你竟然話唔重要?!江天池你呢世都做毒撚

打飛機算啦屌!!」
全個lecture theatre靜哂,我都好少見子晉發咁大脾氣
不過子晉真係幾慘下,本身上年搞photo soc支莊果陣睇中左另一個女莊員
點知就俾個p食撚左,仲要對足成年

終於由10點半捱到4點半放學


臨放學果陣,Xavier仲特登走黎
「阿池你要記得呀,聽日4點九龍仔運動場練波呀,草地呀記住」
我依家真係同俾人逼去做鴨冇分別

返到屋企既時候,5點幾,阿白同智詩竟然坐左響出面張安樂椅度吹緊水
「咦你地唔駛補習咩?」平時呢個鐘數佢地都係補緊習

阿白笑住講:「唔使呀,今日d學生唔得閒,另外..」
智詩插嘴,並拎出兩張野
就係今日Xavier果2張joint u cup同hight table dinner既leaflet
再用佢部ipad show左一張form
「哈哈,江天池,你最後都係踢返波呀下」
我望清楚ipad個mon
屌佢,竟然係joint u cup個名單,即係Xavier今日果張
Xavier駛唔駛咁快手呀



「嘿嘿,麗娜總算逼到你出山啦」
「關咩事呀,我係比我個fd Xavier逼架咋,我都唔想踢」
智詩又睥住我:「你想縮沙呀契弟?」
「唔係...咁我唔驚比Xavier打咩?」
「嘻嘻,睇黎你都幾乖架喎,俾你口中個Xavier逼兩逼就踢,佢係咪囡囡黎架?」
「...緊係唔係啦,仔黎架,仲要好撚大隻」
「你死啦,原來你gay既..」
屌,我都廢事再理佢啦

阿白:「仲有呀,果個high table dinner呢,我同智詩都報左啦,阿池你有冇報呀」
吓?「吓,呢個你地都有報?點解既?」
「嘻嘻,本身d莊員問起我地都唔諗住報架,不過智詩見到joint u cup個facebook張poly名單有你份」
「所以智詩就話獎勵下你,我地就報左啦」



我望住智詩,真係估唔到佢為左令我踢波都幾盡
「你..唔好望住我呀...我只係諗住同阿白鼓勵下你咋,到時比賽唔好射空單刀就得啦!」之後就入返屋

阿白叫我:「阿池呀..」
「做咩呀?」
「其實呢...我未去過high table dinner架..」
「我都未去過呀..不過應該都要著哂老西晚裝架啦」
阿白扁哂嘴
我問:「做咩野呀阿白?」
「阿池,果晚你可唔可以陪住我呀?」
「陪.陪住你?咩意思呀?」

「喂!阿池!快d過黎啦」屋入面傳來智詩把聲
「黎啦!一陣再傾啦阿白」我準備入返屋
「阿池..」


我回返頭
「應承我丫....果晚,唔好掉低我一個呀」
我點頭「唔」左一聲:「放..放心啦」
其實覺得阿白呢幾句,好似怪怪地

入到廳,只見智詩拎左對波鞋出黎
呢對波鞋,應該都係上年d款黎,nike Mercurial黎
但係都仲好新淨

「吓,做乜有對波boot既?」
「你..你踢波都要波boot架嘛,赤腳踢咩on9..」

「咁點解有對波boot響度既?你買架」
「我同阿白頭先經過允記,見佢特價兩舊幾水咪買俾你囉,你試下岩唔岩著啦」
等我試下先


「又ok喎都係43號碼,fit哂,多謝哂喎」

「阿池,老老實實啦,其實..」
「其實?其實咩呀?」
「你仲鐘唔鐘意麗娜?」
「吓..er..er..」
「屌你係咪男人黎架...自己鐘唔鐘意麗娜都唔清楚?!」
「咁我自己都唔清楚我依家對佢果種感覺仲係咪鐘意,仲係咪愛嘛..」

智詩吞一吞口水:「你對住阿白,都唔好咁唔爹唔吊啦....」
「吓,關阿白事....?」
「唉」智詩嘆一口氣
「阿白佢,已經唔可以再受多次打擊架啦」

打擊?咩打擊呀?
我問:「佢同我講過,佢屋企人d野...」
「唔,佢細個就俾佢屋企人拋棄,所以佢自細都好渴望得到人地關心,黎彌補返細個得唔到既愛」
「佢對人好好,又冇戒心,希望可以得到他人既愛」
「本身都冇乜問題,中學既同學都好喜歡佢,直到....」
「直到咩呀?」

智詩講到呢度,自己都好似有d嬲 
「直到佢果個男朋友,robert」 
「佢地係中五果陣開始拍拖,本身都冇乜野」 
「但係佢條食屎狗,竟然響grad din果日,當住咁多人面前,飛左阿白,再拖住第二條女」 
「果一次阿白喊左幾日,雖然喊完之後都照樣係咁對人好,但係佢心裡面,一直都好驚被人拋棄」 

唔怪之得頭先阿白講埋果d野啦,原來佢對grad din呢d場合有陰影 
所以先話,唔好掉低佢 
「屌,原來阿白以前條仔咁撚仆街,比我見到佢實打鳩佢個冚家剷...」條robert咁撚賤,我都忍唔到啦 
「咪..咪住先,咁關我咩事?」 

「..屌,你..唔好理咁多啦,總之..以後.阿白好d,唔好激嬲佢」

「咁佢前排冇乜理我,又關唔關事呀?」
「佢..佢..屌,個個女仔姨媽到都係咁架啦」

「你...唔係想話,阿白果次係呷麗娜醋吓話..」
「唉屌你,廢事同你講,我執自己房呀」智詩係咁逃避我問題,屌

今日係星期五,輪到阿白煮飯
我沖完涼之後入去睇下
「咦阿白,今晚食乜餸呀?」
「今晚食西芹雞柳呀」阿白已經將一碟西芹放落獲炒
「我幫你醃雞肉丫」我已經落左d生抽同栗粉落去
「丫唔該哂你呀阿池!」
「阿白..」
「唔,做咩呀?」
「今日你同我講既野...」
「哦..唔.唔駛理我架,果陣我亂up廿四咋,你當我冇講過啦」

「阿白,智詩同我講左你以前d野啦」

阿白呆一呆,望住我
「個智詩丫..做乜講我以..」

「放心啦,我..唔會好似果d仆街咁...拋棄你架啦」
「...唔,多謝你呀,阿池.....」
「丫死啦,d西芹炒燶左呀!」