無啦啦有兩條女同左我一齊住: 15
15
響九龍仔運動場上,正在上映緊一場無關痛癢既友誼波
由理大既工程學院對浸大既理學院
對方既中場控制比較強,容易做出更多既攻勢
可惜佢地既三位箭頭腳法同基奧特冇乜分別,d轉身,埋門,判斷都奇差無比
而且仲有Xavier響度,一個人已經包左大部份傳入禁區既直線
不過,我地隊中暫時打最好既,就已經係Xavier
由於我地個中場廢到乜咁,Jacky響中鋒位置掂到波既機會根本寥寥可數
佢自己都打到有d灰,開始散步
場波如果響電視睇,我肯撚定訓左,除非有潘源良鳩叫叫聲我姐
智詩打左個喊露,怒屌:「嘩屌佢咩,悶撚過上年車仔d波喎」
「阿池,你快撚d落場打救佢地啦」
「點打呀,唔通走入去話:『你班廢柴快d讓位比我踢啦』咩」
終於,Xavier響禁區頂搶到波,直傳比中場jimmy
jimmy一拎到波就轉身推向右邊,想爆過對方防中
不過對方防中眼見jimmy已經過左自己一半身位
一下從後飛剷,就剷到jimmy成個仆低
「喂,屌你老母,你踢乜撚野呀,友誼波姐」估唔到Jacky都幾有義氣,一野衝過黎屌鳩對面,仲快過vv..仲想出虎翔霸ko對手
Xavier先問候jimmy傷勢:「jimmy你見點呀」
「冇乜野...不過要抖抖先啦」
Xavier同Jacky兩個扶住jimmy行出球場之後
Xavier大聲叫:「喂,阿池,你落黎打住先啦」
「吓,我呀?」
「係呀,頂住攻中個位先啦」
智詩拍拍我:「喂,到你落場啦,醒醒定定踢好少少呀!」
阿白:「阿池加油呀!」
「唔..我會盡力架啦」雖然唔想踢,但阿白同智詩既鼓勵都好有力
我著返jimmy個龜背,熱一熱身就跑入球場
已經3年冇踢過波既我,終於,都要落返呢個草地
Xavier開返個自由球之後,4個後防都響後場慢慢鳩猜,巴塞咩大佬,我見到都悶到飛天
我終於都明點解jacky咁灰
但係過多一陣,我終於要迎來第一個攞波機會
可以太耐冇踢比賽既關係,我一拎波就控甩左,比對手偷返
「屌你阿池搞乜撚呀」Xavier先屌我
然後再到智詩:「食屎啦阿池,訓撚醒未呀」
唉,估唔到一出場就柒一獲
其後既幾次掂波我都係鳩下鳩下回返後場,又或者神丹咁回傳
全場比賽簡直冇攻勢咁濟,兩邊海軍鬥水兵
直到一個界外球
左閘梁仔開個界外球,我眼見踢左翼既Johnson,比人mark得好緊,拎到波都有機會被逼甩
咁我緊係去幫手啦
我走到左邊攞界外球
我先心口控定皮球,再用腳踩好,方便自己轉身或者盤扭
我發現已經有2個bu球員由後面跑過黎搶逼,我先向左轉身擺脫其中一個,好彩我d靈活性仲響度,條友波皮都掂唔到
但係另一個似乎係有無限體力果堆,繼續想逼甩我
當然我唔會咁易俾佢搶到波啦,我仲要爆贏你tim呀
我右腳一推,將個波推到三閘線既位置
我就猶如巴爾上身咁狂跑,頭先條友根本唔夠跑,已經俾我甩開,「食塵啦柒頭」
基於本能同習慣,我都係慣左響左邊活動既,所以踢返左翼我先有返少少信心
而本身踢緊左翼位置既Johnson,企定定咁,竟然大叫:「喂阿池你踢中間呀 」
屌你咩on9 ,尼馬會唔會成場踢哂邊呀?你自己走返入中路接應啦on9
我已經爆到禁區Johnson,仲成個on9咁,唔知企響度做乜鳩
爆又爆唔到人,又唔識幫隊友拉開後防,仲廢過我a grade d後備
相反,jacky同右翼阿智就醒好多,2個都已經入禁區準備接應,應該都係有踢開波
響我眼前既係對方右閘
我放慢少少,先用右腳作兩下盤球,引佢走近再扭過佢
佢正想用左腳截我波既時候,我已經成功通佢坑渠
當然佢都唔認輸,繼續同我同跑,想憑佢既體型爆開我
不過,呢種後防缺點就係唔夠靈活,我一個急停,佢已經成個人失平衡仆低
就好似當年c朗比蘭尼破壞入球果條youtube片咁,對方就係成個big gay咁仆左響地
雖然我依家身處k角位,但係我都係橫傳比有更大空間既jacky
始終我太耐冇踢波,都怕浪費一次黃金機會
Jacky背對龍門,一個轉身甩開對方中堅,再一個右腳抽射
球速唔係太快,雖然對方龍門反應慢,但係都勉強用指尖撲出呢球
Jacky向天大叫:「屌!!!!」再黎個基奧特chok樣
其後Jacky走埋黎,拍拍我
「喂掂喎阿池,頭先見你柒下柒下咁,你爆人又真係幾勁喎」
「喂掂喎阿池,你又真係幾勁」
「吓,麻麻地姐..」
點知johnny又走埋黎
「喂,阿池你有冇搞錯架,我踢緊左翼喎」
「丫...sorry」唔通講返頭先我心裡面果d說話咩
Jacky似乎係邊個勁就鐘意邊個果d人黎:「咁阿池係創造到攻勢喎,好過你響度原地插花啦」
johnny屌左一聲就行開左
「唔駛理佢架阿池,你照樣踢就得架啦」
其實我麻麻地鐘意呢種見高拜見低踩既人
之後我都比較收斂,主要響中間活動,幫手駁腳咁,無謂再激嬲johnson啦
可惜我長傳比較弱,冇乜key passes做到
踢緊既期間我仲聽到智詩勁大聲屌鳩我:「屌你阿池爆佢老母閪啦!!!」
Xavier佢地四個後防又係響度鳩猜
Jacky又係盡哂力咁,不過d finishing真係差d
基本上大家既水平都差唔多,johnny例外啦,一味響度鳩扭
最後踢左40分鐘就收工,兩邊都冇入過波,on99
Jacky完場後,同我講:「喂阿池,做乜之後唔爆鳩佢地呀?冇你根本攻唔入」
「..咁我唔係踢左翼嘛..踢緊攻中咪多d造波囉」
「唉,你唔駛理johnny架,佢不嬲冇料扮四條架」
「下次,阿池你踢正選左翼啦,我靠哂你架啦」
大佬,你d finishing咁廢,比10個迪馬利亞你都冇用啦
Jacky再走到Xavier面前:「喂你地響後面鳩猜把撚咩?要入波先贏到嘛!」
Xavier:「屌咁你攻得入咩?」
「有阿池響度起碼可以打下反擊爆下人嘛!」
「打反擊?你睇摩連奴個套都比人睇穿晒啦,而家d隊多數都係巴塞或者拜仁式踢法架....」
「屌你..」
大家都響度互屌,當然係講下笑咁啦
「好啦咁我地下個星期六再練波啦,希望到時joint u cup唔好太失威!」
再圍個圈,「1,2,3,poly!!」
懶係有team spirit咁啦,又唔係踢校隊
快快手沖完涼之後,就同各位隊友道別
一出門口,就見到阿白同智詩響正門口出面條路等緊我
智詩一黎就屌:「喂你今日未撚食飯咩,一味響度駁腳造波!」
「咁我打攻中嘛,又有人踢緊翼,無謂爆邊啦..」
「屌你散步就散步啦....不過咁,你第一下爆過幾條友果下,又真係幾型既」諗諗下,智詩又真係好少讚我
「但係,你果下應該射囉,仲比個中鋒,你on9架」
「你跑呀嘛..」
「你...」
智詩係咁屌,仲屌得大力過以前a grade個教練
阿白遞黎一塊手巾仔,「阿池,你今日辛苦啦,抹下汗先啦」
「唔..唔該你呀阿白」
「喂,阿池,你女朋友都幾靚喎」
我轉頭望下,原來係Xavier
今次大撚獲