16
我嚇到呆撚左,我出黎果陣明明check哂有冇人跟住我架喎

如果俾Xavier知道我同阿白智詩一齊住既話
到時爆出去既就真係係咁先
我不禁流一滴冷汗

「哈哈講笑咋,原來頭先果兩個靚女就係阿池你d朋友黎..」
「咁好啦我唔阻你啦,過幾日返學見啦」



嘩嚇撚死,好彩Xavier都算係個君子,冇問長問短姐
我一直都係驚d同學見到佢兩個會係咁問三問四,又抄牌又問facebook咁

走返去地鐵站既時候,智詩問:「呢個係你果邊果個中堅黎喎,佢都算打得ok既,不過淨係識橫傳囉..」
「係呀,就係佢條契弟逼我踢呀」
阿白:「係呢,我地依家不如去食野囉」
我:「好呀,不過食咩先,呢頭我唔係太熟啦」

最後我地返元朗,求其食個吉野家就算,提意既係佢地




如果第一次約女仔出街就帶佢去吉野家打邊爐,之後再食糖水,你都好難再約到條女,因為條女已經blacklist你
不過我望住眼前食住牛肉飯既阿白同智詩
佢地似乎又唔會點介意出街食乜既

我忍唔住問:「你地..唔介意食吉野家咩?」
阿白笑住答:「唔介意呀,都叫飽肚丫」
智詩:「你唔係以為我地係果d一定要食日本野果d港女下話?」

「唔係,唔係,我唔係咁既意思呀,只係...依家好少女仔會食吉野家做晚餐姐」


「咁麗娜呢?」智詩真係好多口
「以前我同佢食晏既話都係食下m記咁姐..」
「咁上次約佢呢?」
「咪,花園餐廳囉」一講麗娜,阿白果樣又苦瓜乾咁,都唔知做乜
「屌你,帶麗娜就食貴野,我同阿白就要食吉野家」
「我唔係咁既意思呀..咁麗娜岩岩返黎嘛.」

智詩食左啖飯:「我講笑咋...不過咁,你上次陪阿白買衫果陣講過,要送生日禮物俾阿白架喎」

我同阿白都呆左,咁都記得?
「嗱阿池你聽日就要同阿白出返日街,當係補返阿白8月20號既生日禮物啦」
阿白:「智詩呀..」
我:「但係聽晚係我煮飯喎」
「你自己煮自己食之嘛,你聽日淨係負責帶阿白玩得啦」
「喂,但係我..」


智詩挨到耳邊同我講:「阿白好耐冇同男仔出街玩啦,你當同佢補祝生日囉」
我留意到,阿白呢個時候紅都面哂

「嗱,阿池,咁你聽日就早d出門口,響西鐵站等阿白啦」
「吓點解要..」
「男仔等女仔天經地義架啦!你地就約十點啦」智詩成日話我性別歧視,但佢直頭係女權主義者
「你今晚就諗下聽日帶阿白去邊玩啦」

「咪住先,咁阿白o唔ok先得架..」
「吓..智詩呀..唔好要阿池特登陪我啦..」
「咩喎,阿池就算放假咪又係hea足成日,叫佢陪你去玩下咪仲好」
「但係..」
「唔駛但係啦阿白,聽日你同阿池出去玩返日啦,唔駛理我啦」
「唔..咁好啦」



屌,智詩想搞乜呀

返到屋企既時候,發現樓上李生個仔都岩岩踩住單車返到,即係上次係咁昅阿白果個
gel哂頭咁,著哂全副hollister,仲高過我

「Hello,上個禮拜之後就冇再見過你地啦,nice to meet you!」聽都聽得出佢d口音係扮出黎
佢又係咁同我地握手咁,巴士阿叔咩
「我叫pierre呀,響hku讀law既,呢幾日放假就返番黎住,平時都係住Hysan Hall」關我撚事咩
當然計學歷計樣計外貌計型棍度,我冇一樣野比得上佢啦

佢走到阿白面前:「係呢,你好似叫阿白呀呵? 」
「係..係」
「你全名呢?你咁靚女個中文名應該都幾好聽架喎」
「點解你會同佢地兩個一齊住既,唔住hall?」
「你咁靚女,有冇男朋友呀?」


「一係你上黎我屋企飲杯咖啡呀?」
個pierre一味進攻

「收皮啦柒頭,你以為自己好撚型呀?」不過講出呢句既唔係我,係智詩
「Oh,sorry呀,我冇惡意架,不過我個人比較outgoing同friendly,所以..」
「食屎啦,睇你個樣就知你係食慣女果d啦,搵食去老蘭啦屌你老母!」講完智詩就拉住我同阿白走入屋
走既時候仲見到pierre呆左,可能比智詩既怒屌嚇親

趕到屋企都八點九,好彩仲趕得切睇阿狗對曼城既下半場
阿白去左沖涼,而我同智詩就睇波
「喂阿池,頭先你有好心man d啦」
「咩..呀」
「頭先隻hku狗公明顯想溝阿白啦,你睇下佢gel果個死人頭,著撚埋哂d垃圾hollister..」
「咁我都睇得出....」
「屌你,你頭先就應該主動收隻狗公皮啦,阿白個樣都同你講左佢對個狗公冇意思啦!」


「唉...」
「入波!!!!牛奶仔!!!!1比1!!!!!!你下次記得呀,一定要保護阿白,隻狗公一定會再黎溝阿白架」
「吓...點保護呀?」

「咪話你係阿白條仔囉」
我呆撚左:「唔撚係掛..咁咪即係毀左阿白名聲?」
「毀條撚咩..比隻hku狗公溝左就真係毀左佢名聲啦」
「呢type既大學狗公我見得多啦,以為自己讀law就巴撚閉咁,你頭先都聽到佢一開波就講自己讀咩架啦,佢係想靠佢讀神科既身份yo女」
「同埋呀,佢個look已經睇得出佢係果d social撚黎,一撚定周圍食女,佢最後只會hurt到阿白架咋」
聽到呢度,我又諗返起阿白既過去
「所以呢,唔該阿池你,以後唔好比阿白識埋d狗公賤男呀」
「知啦...」
我突然覺得自己有好大責任
「喂..智詩,咁點解你覺得我唔會hurt到阿白呀?:O 」
「因為你係毒撚囉柒頭,你邊有女睇得上呀!」
屌!

「喂,阿池」
「咩呀?」
講完呢句,智詩又成個人壓落黎,又用佢既d cup壓我塊面
我成個人比佢壓落梳化度,原來佢都幾重下
「頂你做咩呀」雖然口講呢句,但係我心當然唔係諗呢句啦
「嗱,見你今日打得ok,當獎勵下你啦」

「係呢,你諗好聽日同阿白去邊玩未呀?」
「未..未呀,我都咁耐冇出街玩,平時放假都係打fifa架啦」
「去海洋公園囉,迪士尼囉,最大路架啦」
「我...中一之後就冇再去邊海洋公園喎」
「你唔撚係掛..你同麗,麗娜未去過咩?」
「未呀」
「屌..唔怪之得你仲係毒撚啦,你今晚拿拿聲做定功課,聽日你就同阿白去海洋公園啦...」

呢個時候,廁所發出開門聲
智詩即刻坐返原位
阿白著住睡衣出黎,見到我訓左響度
「咦,阿池,你做乜訓左響度既」
「冇..冇野..我攰姐」
「攰就早d沖涼啦」

第二日八點九就俾智詩係咁拍我房門嘈撚醒左我
我打開門:「屌你...九點幾就拍醒我,做乜鳩呀」
「起身啦仆街,阿白就醒啦」
「唉..都唔知點解唔一齊響屋企搭車去」
「男仔等女仔係天經地義架..」
就係咁,我俾智詩逼撚左起身去西鐵站先
仲要逼我著得試正d
去到西鐵站先9點半,有排等

大約9點11,我終於見到阿白既身影,響連接西鐵站既天橋出現
真係估唔到,阿白唔單止冇遲,仲要早到

今日既佢,真係明顯打扮過
上次行街買既短鬆身tee,格仔短裙,高踭鞋款既紅色鬆糕鞋,拎住個手裝
對腳,照舊咁白咁正
「阿池,早晨呀」