25

「老母?!」
諗諗下,原來老母去左trip之後,都個幾月冇搵我
「喂,講左幾多次,咪叫我'老母'啦,係'阿媽'!」

「得啦...你做乜咁耐都唔打番黎呀?」
「大佬,我唔係去法國旅行呀,要黎做野傾生意架,你估日日咁得閒呀?我見今朝早free d,咪打比你囉」
我都係呢一刻先知,老母原來係去法國出trip



「你點呀?你同果兩個女仔生活點呀?」
呢一句,令我諗番起
9月1號
比老母玩一獲,勁唔情願咁入黎元朗;
響巴士站遇到阿白同智詩,原來佢地都係同屋住;
佢地兩個由唔熟變到熟,最後就變到家人一樣...

「好.好丫,佢地都對我好好呀...喂老老實實,9月1號果日,你同智詩講左d乜野令到佢肯留低住架?」
其實我真係好想知個原因
「你..話游小姐呀?好簡單姐,我同佢地講話佢地唔駛交租之嘛」


「真係咁簡單?」
「係呀」
「點解你果陣又要無啦啦搵佢地同我一齊住呀?我自己一個住都得啦」
其實佢地駛唔駛交租都唔重要啦..唔通我會以為佢地係為左唔交租而對我做戲做左咁撚耐咩,比著我都辛苦啦

「8月果陣你姑丈咪移民去澳洲既,佢原本係諗住放間屋比人租既,咁佢咪叫我幫佢放上d租屋網度囉」

「咁之後我又諗,我9月要出幾個月trip,當比個機會你獨立下都好喎,我同左姑丈講佢都話ok」

「不過我又唔記得cancel番租屋網d廣告,之後游小姐同白小姐就黎打比我話想租啦」



「本身我諗住同佢地講有人租左啦,點知我靈機一觸,呢個可能係阿仔你脫毒既好機會黎,當比個機會你識多d女仔fd

囉,所以就照租比佢兩個啦..」

「脫毒?!」
「係呀,你平時女仔fd都唔多個,今次一黎就幫你r到兩個靚女同你一齊住,點呀,開唔開心先?」
「開..開心...」
「阿仔你做乜咁既聲既?」
「無野呀」

「你係咪,鐘意左其中一個女仔呀?」
「唔..係囉,只係..佢地改變左我好多」
「咩改變呀?講黎聽下」
「例如因為佢地,我踢番波啦......仲有好多,講唔哂呀..」


「總之,我人生好似因為佢地,精彩左好多咁....」

「咁你有冇諗過,寧願我以後唔番黎,你繼續同果兩位女仔一齊住?」
「有..既」
「你個衰仔丫!!不孝子呀你!!」
屌,我老母真係痴線
「不過咁,我應該11月中會返黎架啦,你到時自己決定啦」
「吓!你又話12月既?」
「我地做得快嘛,咪早d返黎囉,不過我同果兩個女仔既免費租約係去到12月1號,你地咪繼續住到去果日囉」

「老母呀...」
「做咩呀」
「都..都係..冇野啦」
「冇野咁我收線啦,長途好貴架,遲下再打比你啦,拜拜」
「拜拜老母」



同老母傾完電話,先明白,原來一切都係老母既穿針引線
我地三個就係因為我老母而結識,不過感情就肯定係真既
對我既感情係真係假,就算我唔係司祺姐我都分得出

頭先我係想同老母講既係,我唔係鐘意左其中一個女仔,而係....

轟!
「阿池我地返黎啦」開門既係阿白同智詩
「好肚餓呀!快d啦阿池」智詩衝入廚房係咁搖我
「我岩岩番到咋喎」掛住同老母傾電話,我都唔記得左煮

阿白已經洗緊米:「我幫你丫阿池」
「吓..哦好丫..唔該阿白」
智詩:「咁我打住fifa先啦,加油呀你地」


「智詩你咁冇義氣架..」
智詩整左個鬼臉比我,頂佢


「阿池,幫我試下隻黑椒汁夠唔夠味丫」
只見阿白遞過一隻茶匙

正當我諗住拎過茶匙既時候
阿白:「唔駛啦,我餵你丫」一講完就成隻匙隊左埋口
雖然隻黑椒汁好撚辣
不過呢刻..好sweet

「點呀阿池?夠唔夠味呀?」
「夠..夠呀,不過辣左d」
「係咩?我試下先」阿白竟然用番頭先隻茶匙試番味


「嘩,好辣呀!唔好意思呀阿池,我仲夾硬隊比你」阿白又扁哂嘴咁
「唔緊要..」

我地食完飯後,就坐埋響梳化睇達哥
我鼓起勇氣:「頭先,我阿媽打左比我」

智詩:「你阿媽?即係租房比我地果個?」
「嗯...」
「原來我同你地相遇...都係因為我阿媽」

我將頭先同老母傾既野講哂比佢地聽
智詩嘆一口氣:「你阿媽講得岩,我開頭的確係因為唔駛交租先至同你一齊住」
「第一日我的確覺得你淨係個想咸濕我地既痴漢,不過...」
「之後我就覺得你..其..實都唔差丫,都對我地幾好....」

阿白笑一笑:「係呀,智詩起初真係對你有d戒心,不過依家都對你好好啦,佢上次仲話你踢波果陣好型呀...」
「喂,阿白呀!」只見智詩少見咁,紅都面哂
「咁..咁你踢波係幾有型既...而我亦都明白..」
「明白咩呀?」

「我終於都明白..點解麗娜咁靚,以前都會鐘意你呢d毒撚啦」
「頂你...你即係笑緊我姐」

智詩:「我講笑姐,阿池你仲有好多優點既...」
阿白:「係呀,我仲記得果陣村口有隻狗,我同智詩驚得要返黎搵阿池救我地先出到去咋,我地仲驚到捉住阿池對手tim


智詩冇哂頭先既串,怕怕羞羞咁講:「咁...咁..果隻狗..係好大隻嘛..」

去到12點幾,阿白訓左,得返我同智詩兩個響度打戰國無雙
智詩:「今日你阿媽打黎...仲有講到d咩呀?」
「咪話佢11月中會返黎...」
一講到呢度,成個手掣跌左落地,智詩一野撲向我
無啦啦好激動咁禁住我落梳化:「咩話?!11月中?!」
「11月中番黎姐,佢話你地既免費租約會照去到12月1號..」
「你做..做乜你咁激動喎」
智詩回過神來,即刻縮番手:「咩..咩喎,咁...我唔想又要再同阿白..搵過屋丫嘛」
「真係?」
「緊..緊係啦,唔....唔係你以為咩呀?你隻真田幸村就死啦,唔好掛住講啦!」

我嘆一口氣:「放心啦,我會..同老母傾..」
「傾...傾咩呀?」
「同老母講,以後繼續同你地,一齊響度住」

「你阿媽..比咩?」
「唔知架,我盡力啦,你地都想以後唔駛再周圍搵屋架嘛..」
「嗯...多..多謝你囉」

「仲有呢,智詩呀...」
「咩事呀?」
「你買左驗孕棒未?」

「屌你,真係好撚麻煩呀,尋日買左啦,冇事呀!」
「呼...好彩姐」
「講..講好彩果個係我先真呀,好彩冇比你個死矮仔中出咋」
「屌你,我.我169都唔算矮啦」我最憎人話我矮架啦
「死矮仔!矮撚池!」

其後幾日,我都比Xavier捉左去練波,阿白同智詩亦都有黎睇
而麗娜...自從上次比賽之後,就冇再見過佢
成個禮拜都落雨咁濟,我都廢事返學(一有雨就唔想返學)
就係咁,平平穩穩咁去到星期六

果日我地編左第二節,下晝三點踢
老老實實,依家雖然已經10月,但係呢個鐘數踢都好撚熱下
不過,我同阿白都比智詩捉左去睇第一節11點既比賽,cu pharmacy對ou social science
我問智詩:「智詩呀,做乜咁早就叫醒左我呀..」
「你過埋四強就要打決賽架啦,你咪當睇下決賽既對手囉」

上到看台,屌原來已經踢緊,cu已經贏緊1:0
只見人山人海,多數都係著哂d cu t恤,相反ou既支持者就寥寥可數
「嘩,咁撚多fans既,仲要全部cu架喎」
智詩拍拍我個頭:「佢地全部都係睇果個terry表演架」
「上..上次麗娜隔黎果個?」
「係呀..佢校隊黎架嘛,又靚仔,次次比賽都好多囡囡去睇架」
「嘩...咁巴閉」
就咁睇terry係踢進攻中場

「喂,阿池,原來你都有黎睇我地比賽呀」
我回頭一望,又係麗娜,不過今次佢冇同阿白以及智詩打招呼
「hello」
「頭先terry已經入左一球遠射架啦,希望一陣仲可以入到波啦」只見麗娜個樣好似好崇拜果個terry咁

球場上既佢接過長傳,一下推左走右過埋龍,又入一球,2:0
「terry!啪啪啪!terry!啪啪啪!」看台上一片歡呼聲

「yeah~~terry!!!好勁呀!!!」
「唔知,阿池你同terry比,邊個勁d呢?」


智詩聽到呢句,慶過火屎:「緊係阿池啦,你...」
我拉住智詩:「算啦,麗娜講下笑姐」
「唔好意思呀,我講錯野tim,我都係想知阿池同terry邊個勁d姐..我坐返去果邊啦,阿池一陣加油啦」講完麗娜就坐

返去另一邊

阿白個嘴又扁哂嘴咁:「阿池...個麗娜,應該有心黎講說話你聽架喎」
我唔蠢得哂既,我都聽得出
「不過..我真係唔知點解佢會咁..」
智詩:「好簡單姐...因為我同阿白囉」

「吓...關你地事?」