無啦啦有兩條女同左我一齊住: 26

26
「你係咪咁蠢呀?九月頭果陣佢返黎就即刻搵你食飯,又叫你踢波但係你又say no,但係你又因為我地而踢返波...」
「你上次同阿白食飯又撞到佢,咪搞到佢葡萄囉,所以就帶個Terry黎等你自卑下,今次就直頭響你面對話個Terry好波,分明串你啦」
「你睇下果邊丫,麗娜身邊幾多兵仔同狗公聊佢傾計,又買哂野飲比佢,擺明係收兵格啦」
如果係咁既話,咁麗娜都幾撚恐怖


阿白:「可能係我....上次響餐廳度比說話佢聽,佢先對阿池咁姐」
智詩:「關咩事丫,係麗娜佢自己成個gigi咁好勝之嘛,又想收阿池做兵」
「佢都咁多兵啦..點解..」




「傻仔,兵唔會有人嫌多架」

最後,呢場比賽cu pharmacy勝出,淨勝兩球,terry梅開二度

之後我地三個去又一城食埋野,都只係一點幾

「嘩屌咁早食完野,有排捱喎」
智詩meet我耳仔:「你知唔知食完野就跑會盲腸炎架,早d食等你消化下嘛」
「咁我依家陪你地行下囉,兩點幾先返去聯校運動場都得啦」
阿白:「阿池你趕唔趕得切架?」




「得啦」

之後陪左佢地行又一城果間Page One cafe,又睇下衫咁,不過阿白都好忍得手,睇下就算
但係等車等到pk,差d趕唔切

兩點四十五分
當我跑入更衣室既時候,Xavier即刻屌鳩我
「阿池你有冇搞錯呀,四強呀大佬,你遲到?」
「唔好意思呀,頭先塞車」
「屌你!你預...」





Jacky即刻幫我打圓場:「算啦,Xavier都係緊張場比賽姐,話哂阿池你都係我地對波既皇牌黎嘛...依家都趕得切呀..阿池,快d換衫熱身啦,今場你繼續打左翼!」 

響我換緊衫既時候,Jacky繼續講:「今次我地既對手hku science,有2個都係來自校隊,中鋒既林俊希,以及防中李輝...」
其實我真係好想知,點解我地呢隊冇一個校隊成員,係n展毒撚唔擅長踢波定純粹係佢地唔肯參加?
如果係後者,咁點解其他u又有校隊成員呢?真係吹鳩脹
「上場佢地大炒左bu science 4球,今場一定要防得住,所以我地今場將會打防守反擊,一拎到波就大腳比兩翼既阿智同阿池...」
其實我地上場都係符符碌碌先入到波,打防反保守d都係正常

我地成隊人走出更衣室,只見hku science既人已經準備就緒
其中一人拉住我:「你就係上個禮拜出elastico果個人下話..」
「嗯,所以呢?」
「我地一陣,唔單止會令你地入唔到波,仲要你地輸到碌柒咁呀!認住我,李輝」
我望望比佢捉住既手:「...你基架?肯縮手未呀?」





響後面既Xavier同我講:「阿池,駛唔駛咁串呀?」
我:「條友擺明想打心理戰,我唔串d點得呀」
「阿池你覺唔覺得,踢波既自己同平時好唔同?」
「嘿..係咩」
其實我都唔知點解,我踢波果陣會串過平時好多..

出到場,照舊又係成堆人嗚嗚嗚啦
我望住阿白同智詩,對佢地伸出手指公,以表信心

握手果陣,個李輝仲同我講:「死矮仔,一陣我地實mark到你冇波玩呀」
今次我真係廢事同佢再嘈

擲完公字,佢地開波

嗶!




哨聲一響,joint u cup 4強,poly engine對hku science正式開始

對方排出4141既陣式,一開波就不斷以前場四個playmaker創造攻勢
屌你,成隊拜狗咁踢,你地自己唔悶既咩
一味鳩猜,番去玩馬騮搶球啦

我地既雙防中已經開始吃不消
佢地係咁響三閘線狂咁猜波,一有機會就傳入去
不過Xavier都頂到,係有一下清波失誤差d比人入一球,好彩條友on9飛機

Jimmy響對方攻中腳下搶到球,「阿池,拎波!」一句後就大腳傳過黎中場位置
正當我諗住跑去接波時,發現唔單止右閘,連李輝都黎mark我
李輝一個衝頂,成功頂番比隊友
「矮仔,我地就係知道成隊波係靠你一個,今場我實慢慢招呼你呀!」
屌點解我永遠都要比d痴線佬搞住哂,我想踢波姐





大約15分鐘
Johnson中圈一個盤球失誤,皮球落到李輝腳下
佢先盤球避過Jacky既搶截,再繼續推前去中圈前d既位置

然後
佢唔知做乜鳩,竟然拉弓
on9仔,以為自己謝拉特呀?四十多碼呀?

不過,事實證明,我先係on9

一個長傳,竟然可以直接吊入禁區,交到比打中鋒既林俊希
Xavier同另一名中堅完全走甩哂
林俊希心口一控,左腳射過近柱,射穿門將阿達既大細龍門,1:0





現場歡呼聲四起,hku既球員亦衝哂埋去慶祝
呆哂既,就只有我地
屌..on9架...L1加三角咩家陣
老老實實,呢球真係好靚,梳亞雷豬咁款

我冇任何怪Xavier既意思,因為呢下我都估唔撚到,只能夠響左路睇波
Jacky見Xavier好似受哂打擊咁即刻跑去安慰佢:「喂,Xavier,一球姐,之後打番好d,仲有機會架!」

李輝走埋黎,搖一搖手指:「矮仔,你地仲未夠水準呀」
屌,一陣一定要收你皮

再度開波後,我地既防守明顯穩陣左,大家都好專心,連我都守多左
逼到佢地只能夠響禁區外鳩猜
唯一例外既,係Xavier
自從頭先果球之後,佢好似心不在焉咁

當皮球落到我腳下時,就已經有李輝為首既3人圍住我
慢熱,未入局既我根本就唔可以過哂呢3人,最後只能夠回後或者製造界外球

34分鐘,對方開出角球,斬到近柱位
Xavier成功搶點,想用頭槌解圍
可惜,佢頂得太細力啦
皮球被頂到禁區頂

「屌,解圍呀!」我衝去禁區頂,想清走皮球時
發現,前方既,係李輝!

李輝一個拉弓勁射,皮球快速咁響我耳邊掃過
呢下重炮,左邊直飛死角,阿達今次連反應都冇
2:0!

上半場咋屌.....2比0?

李輝望住地下既我,恥笑住咁講:「點呀,呢下重炮勁唔勁呀?下次我實對住你個頭省爆你個冚家剷呀」
我無名火起:「你老味臭化丫」我兩手拉扯李輝

最後,我又自己申請張黃牌
果陣響學界對比起其他前場球員,我都拎好多黃牌,因為我踢波果陣真係好易扯火

嗶!嗶!!嗶!!!
上半場完結

一入到更衣室,大家面如死灰,就好似已經輸左咁
Xavier更加唔駛講,兩球都關佢事
就連我,都攤響凳上面,一言不發

Jacky拍拍手:「喂,各位做乜春呀?場波仲有35分鐘架喎,做乜你地個個好似輸左40比0咁呀」
Xavier:「佢..佢地真係好撚勁嘛」
「我地唔勁咩?我地仲有機會架!」
「機你老味呀!」
Xavier一手扯住Jacky:「你明乜春野呀?你淨係響前面等波到,你試下比佢地係咁中出丫!」
Jacky:「我明呀!我都明點努力都追唔到既果種感覺呀,不過,我地唔通依家走出去舉起底褲話投降呀?」
「就算輸,都要輸得光彩!」

講完呢一句之後,全場靜哂

我回想返,當年a grade 8強,都係同今日一樣,輸緊2球
中場既時候個個都灰哂,又係隊長同我講
「就算輸,都要輸得光彩!」「阿池,一陣盡情打啦!」
最後,我地合力逼到加時,互射12碼,成功打入四強

「Jacky講得岩!」我企起身「場波仲未完,至少我地要同自己講,唔可以再比佢地入多波!」
「放心,我一定,會打爆果個李輝」

「阿池...你...」
「頭先比佢地入左兩球,的確係有d打沉我,不過...我岩岩先發覺,其實我a grade果陣..一路都係咁樣響劣勢下出線」
「所以,大家一定要打好呢場比賽佢!」

「阿池講得岩」
「仲有下半場架!」
眾人既鬥心都返番哂黎,仲老土過足球小將
「足球係我既好朋友!」

「好!!!」
「1,2,3,poly!!!」

中場休息完結,我地走出球場,迎接呢個下半場
大家既精神面貌都好好
李輝見到我地,即刻恥笑:「嘩,輸緊兩個都仲行得咁威水呀?」
我指住李輝:「死基佬!我夠膽保證,35分鐘之後,你唔會再笑得出」
李輝冷笑一聲,冇左理會我就行出球場

雙方已經準備好
我望望看台上既阿白同智詩,佢地都望住我,個樣仲好似有d緊張
我對住佢地黎一個微笑,希望比返d信心佢地

Jacky踩住皮球

嗶!!!
下半場正式開始