無啦啦有兩條女同左我一齊住: 27

27

下半場開始後,hku照舊打住控球打法
響禁區外面圍住鳩猜,似乎想整多球
on9,我係佢地就後場鳩猜等贏波姐啦,仲咁撚貪心

但係同時,我地亦都搶唔到波
佢地玩撚到馬騮搶球咁,都唔知點搶
所以我地都索性打901,慢慢等反擊機會
而Xavier亦比起上半場打得更加出色,不斷清出對方的直線





45分鐘
Xavier清出角球,「阿池,攞波呀!」
呢球波落到中圈位置,我隨即跑到中路接應
呢波,可能就係機會黎!

我一攞到波,已有李輝為首的三人包圍住我
隨即黎個快放,推到個波到三閘線
正當我開turbo,想爆過哂佢地時,李輝...
「食屎啦仆街!」




一個飛剷,從後剷中我右小腿
嘩屌,條契弟真係唔撚收腳,好撚痛呀師父!
我痛撚到成個人碌響地,鍊住右小腿

球證隨即吹雞,比左張黃牌李輝
「屌你,咪撚插水呀!矮仔!」
痴撚線,李輝d球品仲差撚過a grade堆爛仔
Jacky等人又衝埋過黎:「屌你老母呀!」「剷乜撚呀你老母!」

Xavier走黎問問我:「喂阿池,點呀?」




「..好撚痛呀..不過都仲踢得既」我慢慢企番起身,鬆一鬆隻右腳
好彩都冇乜事,雖然仲有少少痛

李輝走埋黎:「下次冇咁好彩架啦,死矮仔」
我回番佢一句:「因為下次我將會,收你皮呀」

Xavier開個死球,傳比左閘梁仔
「梁仔呢度!」我試圖走出3人眾既包圍網接波
梁仔巧妙咁黎個挑傳,皮球應落到我腳下

我先黎招左轉身,fake到個回防既右翼仆街,剩低兩個
我繼續向禁區推進,隻右閘連我只係出左5成既速度都跟唔上,一味食塵
依家剩低一個,李輝
李輝同上次果個乜撚野wilson一樣,身型同速度都有,真係好難應付





我望望前方,對方大部份球員都響禁區,如果我用番單春洛賓果招推大位勁射有機會被擋出
呢個時候,Jacky佢地都知呢次攻勢可能有機會,已經響哂禁區

我先用一下elastico,雖然李輝既下盤穩陣,冇好似上次wilson咁fake到仆街
不過依家成功為我爭取到少少空間
我直爆到禁區外6碼既位置,發現除左李輝響我右邊1/3身位之後,頭先果個右閘竟然爆速,響我左邊逼近
如果我呢個時候用左腳斬波,好大機會會比個右閘欄到波
推大位,又有機會浪費一次射門
我應該點做呢?

呢個時候,我諗番起,a grade練波,教練出過既一招
教練響左邊,右腳一個腳面出波,一個完美既曲線,皮球直接斬入禁區
「嘩,呢招咁勁既」
「係呀,呢招就係哥雷斯馬成名技:Trivela」
「阿池,你想唔想學?」




最後,我用呢招,響八強直接斬比隊長,逼和2:2

我提起右腳拉弓,mark住我既兩人都唔知我做乜鳩
「好地地出乜右腳,係都左腳斬波啦,on9矮仔!」
我心諗,3秒後你就會知自己呢一刻,係幾撚on9!

我右腳一個腳面拉西出波,皮球以一個接近拋物線既軌道直入禁區
落點直達遠柱點
龍門或者係因為呢一下Trivela嚇到呆撚左,根本冇哂反應
右翼阿智埋伏已久,成功突破越位,輕輕鬆鬆一腳直射空門
1:2!

嗚!!!!!!!!!!!!!!!!!!!!!!!!!!!!
看台上既各位poly fans都由頭先既頭dup dup變得興奮
「阿池!!!!叻仔呀!!!!」阿白同智詩不停尖叫





阿智冇任何慶祝,直接攞波返中圈
Jacky:「阿智,阿池,做得好呀,仲有機會架」
係,我地仲有機會贏架!!!


其後,我地不斷以我同阿智呢個做進攻核心,大打防守反擊
hku面對我地兩個既衝擊,一時有點打亂陣容
不過佢地依然有李輝做掃蕩工作,截斷我地既盤球路線

65分鐘
李輝截到傳向Jacky既傳球,再度出長傳
「小心lob pass呀!!!!」
一個lob pass,皮球越過中場所有人,直達禁區內45度角既林俊希腳下
如果呢球入埋,一切都會完結!




但係,我響呢一刻,根本冇野可以做

林俊希二話不說,將皮球傳向遠柱
阿達完全掂唔到皮球

眼見皮球即刻入網
呢個時候,救世主出現了!

爆速跑到既Xavier一下右腳將皮球清出,成功護空門
看台再度響起歡呼聲
Xavier跌響地上:「上呀!!!!!!」

清出既皮球落到梁仔腳下
「梁仔黎呀!!!!!!」梁仔將球傳向跑到中圈左路既我

「想入波?問過我先啦!!!!!」李輝來勢洶洶,逼向奔跑中既我
我先右腳一推,大大力推向禁區邊
「食屎啦你」李輝已經成功食到位,並將我推出界,仲差d失平衡

眼見李輝全速跑向皮球
我一下爆速,由界外開始,同李輝鬥跑
呢一次同之前唔同,我係用盡哂自己100%既速度去跑

即使我頭先同李輝仲有一個身位,轉眼間我已經爆過哂佢,取得皮球
我諗李輝呢刻真係呆撚左,比我跑外圈跑贏佢
如果佢係真心呼喚既話,我就係大震撼!!
如果佢係巴查既話,我就係巴爾!!

進入禁區,我斜推一下,45度角對住龍門
差我一個身位既李輝想拉跌我,可惜,開全速既我就算你係進清十郎,你都肯定拉唔低我
龍門見此,正想出迎
不過咁正中我下懷
我襯住佢想落地撲既一刻,輕輕鬆鬆射個近柱,無仇報
2:2!!!!
如果我係潘源良,呢一刻會講「2比2!!!!!入左!!!!!一定入左!!!!!!」

我入左波!

我入左波呀!!!

「阿池,勁呀!!!!!!!」Jacky一野撲向我,其他人亦跟住咁做,壓撚死我咁濟
看台上既歡呼聲,尖叫,叫春,呻吟更大聲
「poly!!!啪啪啪!!!!poly!!!啪啪啪!!!!」

我望住倒響地上既李輝,笑住講:「做乜頭先唔跑呀?哈哈」
李輝一言不發
「柒頭,串我呀嘛,好似頭先咁串我丫」


法定時間仲淨低5分鐘

hku開始猛烈咁攻,但係我地既士氣已經高一截,冇比佢地任何機會
我地慢慢咁..就捱到補時既3分鐘

Johnson搶到皮球,直傳比Jacky
面對兩個中堅既夾擊,Jacky學我咁瘋狂鳩推
對方中堅見此,出手拉跌Jacky
球證哨聲一響,罰球!

係一個20碼既罰球
「Yes,好野呀Jacky」成功響完場前博到一球罰球,大家都好興奮
我睇睇鐘,大概射完呢球,比賽就會進入加時

「不過,估邊個射呀?」
「阿智啦」
「點得呀,我上次練波省中人喎」
「Johnson啦」
「我唔得架啦,上次都唔中龍」
如果係12碼既話,個個都會話「我射!」「我射!」
但係一去到射罰球,就個個縮沙

Xavier拍拍我:「阿池射啦!佢a grade應該識射既」
「吓...我...」老老實實,我都有d淆底
「唔好淆啦,最多咪踢加時..不過」
「一定要入呀,阿池」

Xavier比我既壓力,令我緊張到吞一吞口水
屌點解又係罰球呀...
我即刻諗番起當年,我又係射失罰球,導致球隊出局
Jacky:「唔好諗咁多啦阿池,盡力射呢一球啦!」

我面對住眼前既人牆,彷佛同當年既一撚樣
我望一望看台,阿白同智詩都一臉緊張既神情,雙手合十咁
望住佢地,我心入面唯一諗既就係
唔可以令佢地失望!

助跑5步,右腳一射,黎個派路式罰球
皮球越過人牆,直飛死角,龍門邊塵莫及


皮球入網,正中右邊死角


當年,我射失一個20碼罰球,令球隊於四強出局
今日,我面對同樣位置既罰球,同樣...都係四強

但係,今次,我入左

轟!

3比2!!!!



觀眾席上既poly fans馬上歡喜若狂
「poly!!!啪啪啪!!!!poly!!!啪啪啪!!!!」

hku既球員只能馬上跪地,仿如陶大宇一樣掩面,痛哭

我既隊友見到入球之後,都即刻舉手大叫:「Goal!!!!!!」
而我,已經high到衝向角球旗,痴狂剷草慶祝
「啊!!!!!!!!!!」
我之所以咁樣大叫,唔單只係因為絕殺對手贏波
仲係因為我成功衝破左心理障礙,突破左呢個困擾左我咁多年既心魔,惡夢

我仲見到智詩唔知做乜鳩掩哂面咁,唔係喊下話

Jacky拍拍我個頭:「真係多謝你呀,阿池,冇左你我地已經輸左啦」
「唔好咁講,呢d係大家既功勞黎既」
我走到跪響地既李輝:「點呀你,做乜咁灰呀?頭先半場唔係好串既咩?」
李輝馬上9秒9起身:「屌你老母呀!」一拳打過黎
我即刻牛佬上身,且戰且退「走住黎屌」:「過黎呀,過黎呀」
球證再度吹雞,兩黃一紅將李輝趕出場

hku響中圈再開波既幾秒後
嗶!嗶!!嗶!!!
比賽完結!
poly engine打入決賽!!!