無啦啦有兩條女同左我一齊住: 29

29

黎緊呢個禮拜,d midterm test係咁衝埋黎,再加上又要練波準備joint u cup決賽
所以都冇乜得閒時間做自己野,打機咁

今日,10月16號

我食完飯,就響自己房溫書,呢科上足堂都唔知佢up乜鳩,希望合格啦..

「阿池,入唔入得黎呀?」係阿白




如果呢個係智詩既話,肯定會唔問過我就大大力開門
我:「入黎丫」

阿白今晚著左條白色睡裙,拎住一碟橙同蘋果:「阿池呀,我切左生果呀,見你溫緊書..特登拎入黎比你食架」
「唔該阿白!」

「阿池你溫緊midterm呀?」
「係呀,考埋聽日就完架啦」
阿白好奇咁拎起我d notes:「嘩...d數咁多英文字既,好深咁喎」
「都..都唔係好難姐」響阿白面前實咁講啦,其實...真係好撚難




阿白:「阿池你好叻呀,比我讀既話就死啦..我果陣dse數學都係得lv3咋」

我放左一舊橙入口:「係呢..你果陣dse都係同智詩一齊去溫書架呵?」
「係呀,不過我地唔會去自修室架...智詩話果度d人係為左昅女仔架」
「哈..都係既」

「阿白呀?」
阿白吞左一舊蘋果:「嗯?做咩呀阿池?」
「介唔介意我問你一樣野?」
「做乜突然咁認真既?你問丫...」





「阿白,你真名係咩呀?」
阿白一聽到,即刻上左我張床,拎張被襟住自己
尷尬咁笑住講:「唔好問呀唔好問呀唔好問呀唔好問呀唔好問呀唔好問呀」
「我唔會笑架,你講啦」
「我唔講我唔講我唔講!」

我撲向床上既阿白:「講啦,我一定唔笑你架」
「真係既?」
「係呀,保證唔笑」
阿白挨到我耳邊:「我真名係叫...白小靈」

「吓...」
「做咩呀阿池?」
「有..有咩好笑呀?白小靈之嘛」





頂,我仲以為係白韻琴果類名....


「你唔明架啦,我小學果陣D同學係咁笑我架,之後我就一直唔敢講我真名比人聽啦,就算老師要讀我都夾硬會打斷佢:『係阿白呀』」
「原來係咁....不過我以後都係叫番你阿白啦」
「嗯」

「喂你地響度做乜呀?」智詩響門口突然出現
我發覺,原來我同阿白依家係男上女下既姿勢,我仲要唔為意捉住左佢對手
「冇..冇野呀」
「冇野呀,我同阿池玩咋」
「哦...我去沖涼先啦」

智詩走左之後




我即刻起番身:「唔好意思呀阿白,頭先high得濟」
「唔緊要呀,係我自己訓左落你張床姐」

「係呀,阿池,仲有呢...」
「仲有咩呀?」
「智詩聽日生日呀,我地買份禮物比佢囉」

原來聽日就係10月17號

我諗番起兩個禮拜前
智詩突然同我講,話我贏到joint u cup就同我做愛
亦知道佢係因為阿強先叫我踢波

「我就係...想為左你贏個冠軍返黎..」
「係呢,智詩你幾時生日?」




「10..10月17號」
「岩啦,決賽係18號,我就送個冠軍比你」

「阿池!阿池!!」阿白叫番醒我
「係...你頭先話...聽日智詩生日嘛」
「不如我地夾份買份禮物比佢丫」
「好丫...不過,我唔知佢鐘意d咩喎」

「嗯...不如,我地整個生日蛋糕,再煮餐好餸比佢丫」
嘩,唔係掛,整蛋糕?!

「..我唔係好識整蛋糕架咋」
「唔緊要架,我聽日同你一齊整咪得囉」
「吓,阿白你都識整蛋糕架?」
「嗯..果陣上家政學咪識囉...咁約定你架啦,聽日放學之後一齊整生日蛋糕同煮餐好野同智詩慶祝生日啦」




「...好丫」

第二日,10月17號
總算考埋最後一科midterm,都算不過不失
而阿白亦都約左我4點響朗屏西鐵站等

「hello呀阿池」
「唔好意思呀,係咪等左好耐呀?」估唔到,我憎人遲到,今日約阿白竟然係我遲到
「唔緊要呀,我都係岩岩到姐...我地去買野囉」

去到街市
阿白:「阿池呀,一係我地分開買丫,你買整蛋糕果d野,我去買蝦丫..智詩鐘意食蝦架」
「好丫...咁蛋糕..」
阿白拎出一張紙,上面寫哂要買d咩,真係細心
「我寫低左架啦,智詩話過鐘意食Cheesecake,我地就整藍莓cheesecake丫」

好快,我地就買齊哂野返去開壇
阿白話佢負責整茄汁大蝦,咖哩雞,雜菜煲
我就負責整個藍莓cheesecake
「點解智詩今晚先返既?」
「katie佢地話下晝同智詩慶祝嘛,我咪呃佢話今日要補習囉」
阿白好快就整好哂,仲已經幫我手整埋個藍莓cheesecake,放入雪櫃雪

大約七點,智詩終於返黎
一打開門,我同阿白就響兩邊
「智詩生日快樂!」

智詩當堂嚇親:「嘩屌!你地...做咩呀?阿白你唔係要補習咩?」
「我今日呃你咋,我係同阿池一齊準備生日大餐比你呀」
智詩望住我:「阿池你...都識整呢d既咩?」
阿白:「識呀,阿池仲特登整左個cheesecake比你呀」
智詩奸笑咁講「係唔係呀,一陣就試下好唔好味」



我食左一隻茄汁大蝦,嘩真係好好味
阿白d手勢真係靠得住
智詩已經食左4隻
阿白問我同智詩:「好唔好食呀?」
智詩伸出手指公:「緊係好食啦,好過阿池平時整果d」
「喂,我果d都唔係好差姐..」
「食得人咁囉,味道同阿白果d差好遠」
雖然我都知,不過比智詩睇死又真係有d唔gur

食完飯,個藍莓cheesecake都應該雪好,我求其插支蠟燭上去
智詩:「嘩,睇個款ok咁喎」
我同阿白就開始唱生日歌
「happy birthday to you!happy birthday to you!happy birthday to 智詩!happy birthday to you!」
「快d吹蠟燭啦!」
智詩吹完蠟燭,食左一啖蛋糕
「咦,又ok好食喎,估唔到阿池你都識整呢d」
「阿白教我姐」
我試一試,丫又幾香藍莓味喎
「阿白你覺得好唔好食呀?」
「好好味呀,仲好食過我整丫..」

我地好快就食埋個cheesecake
阿白去左沖涼,只係剩番我同智詩響廳睇電視

「智詩...」
智詩訓左落梳化:「做咩呀?」
「生日快樂..」
「知..知啦...頭先你地都講左啦」
「其實頭先個cheesecake,有一半都係阿白整..」
「我知啦..你點會整得咁好味丫」屌,真係咩都呃唔到佢

「阿池.」
智詩一講完,就起身,頭掂頭咁貼埋黎
「聽日就係joint u cup決賽啦..」
「你.一定要贏呀」
「呢d野..話唔埋架喎,邊有可能'一定贏'既姐..」

「我唔理呀,阿池你一定要贏..最多...我兌現番上次講過既野」
「咩..咩野呀?」
智詩捉住我隻手,隊埋去佢對d cup波度
屌,好撚軟呀,一隻手真係揸唔哂
我即刻諗返果日忍唔住手,揸佢對波既情景
智詩響我耳邊講:「你明既...放心啦,我唔會比阿白知既」
「智詩...你」
「嗱,係一次架咋,到時唔好諗住食過返尋味呀吓」

「仲有,記..得買套呀,我..我唔想比你中出呀」
「咁..你依家可唔可以比少少鼓勵我先呀?」
智詩即刻放開我對手:「屌..你,咪..比你揸左一下波囉!仲有呀,唔..唔好拎頭先隻手打J呀!你聽日決賽就早D訓啦」


星期六,10月18日
3點就係joint u cup決賽
由我地poly engine對cu pharmacy

朝早10點幾就比智詩嘈醒
「喂,阿池起身啦」
「做咩呀,都未夠鐘...」
「你一陣比賽架,仲訓到黃朝百晏咩」
智詩夾硬拉我起身,佢真係幾大力下

一出到去就見到阿白煮好哂早餐:「阿池,早晨呀」
「早晨阿白...咦今日早餐咁好餸既」
「係呀,一陣就決賽啦嘛..所以就煮豐富D同你打氣!」

下晝一點幾就到左聯校運動場
上到看台,嘩屌,未開波已經好撚多人,同大專盃差唔多咁濟
「喂阿池!!」係Xavier,仲有上次個Betty
「Xavier,你咁早就到既?」
「黎放鬆下心情先嘛」
阿白:「咦betty你都響度既?」
「係呀,Xavier叫我黎睇既」
我睇佢兩個既神情,似乎Xavier已經得米

「好急尿tim,我落去交水費」我拿拿聲落去樓下洗手間去
一入到廁所,竟然見到
Terry

佢洗住手:「你好似叫阿池呀呵?」
我點一點頭
「估唔到你上次四強絕殺對手喎,你..真係幾勁」
「係咩..多謝」
「但係你比起我...都係有一段距離呀,嘿」
屌,做乜鳩呀,我想黎放水姐

「你上次hurt到麗娜,今日我..一定要打贏你」
唔撚係掛....
「你...鐘意麗娜?」
「嗯,我真係唔明,點解佢會為左你而傷心」
「所以,我今日,就要響佢面前打低你!」
講完就行番出去 

我屌...做兵做到你咁撚癲都係第一次見