30

個terry真係傻撚左,做兵做到成個癲佬咁
如果個tutor比個爛grade比麗娜,你係咪去打鳩個tutor呀?

我放完水,上番看台
智詩:「去咁耐架,仲以為你響屎坑比人爆屎忽」
「點會呀,我咁柒,都唔會有基佬睇得上啦」

我比較奇怪,點解唔見麗娜既?


就算唔想見到我呢個契弟,都會黎支持terry啦下話

大約兩點二倒
Xavier起身:「喂,阿池落去換衫啦」
「嗯」
阿白:「阿池,加油呀..贏左今晚同你去慶祝丫」

落到更衣室
大家都已經響哂度



Jacky收起平時既嬉皮笑臉:「今日既決賽,可能係我地人生第一次決賽,亦可能係最後一次決賽」
「老實講,我地同cu pharmacy既實力可能有d距離,不過我希望大家都唔好放棄...」
「正如大家報名果陣都冇諗過我地可以打到入決賽,呢個係大家努力既成果」
「所以,我地一陣既比賽,一定要盡全力!就算輸,都要輸得光彩!」
「好!!!!!!!!!」大家既士氣已經去到最高點

諗番起當初,Xavier夾硬拉我報名,仲話咩好多囡囡睇
不過,呢一刻既大家,已經忘記哂d咩囡囡
男人既戰鬥就係應該咁,只有勝利先係最重要!



我地圍埋一個圈
「1,2,3,poly!!!」

走到出去走廊,cu pharmacy既人都已經響齊度
我同terry亦有一下眼神接觸
Xavier:「阿池,cu pharmacy除左佢地個王牌terry之外,仲有個中堅:黃飛揚同埋龍門:梁健南都係屬於cu校隊既」
「嘩屌咁撚勁架,pharmacy咋喎,我地n展咁撚多人就一個校隊都冇..」
Xavier只能苦笑

我地正選11人,仰首走出球場
聽到既,全部都係看台上歡呼
「poly!!!poly!!!」
「cu!!!cu!!!」
兩邊就好似鬥大聲咁
我見到阿白同智詩都好似響度大叫「阿池!!!阿池!!!」


多謝你地,我一定會送場好波比你地
我,一定要贏!

握手果陣,terry都特登唔握我
做兵做到你成個傻西咁,真係抵撚你死啦

擲完公字,我地開波

Jacky踩住皮球
嗶!
球證雞聲一響,joint u cup決賽,poly engine對cu pharmacy正式開始


對手打出532陣式,大佬,你當你戰術大師咩
而果個terry亦唔知做乜鳩,去左打前鋒


真係當自己雲加,改造賓特拿打中堅咁

比賽初期,我地竟然比對方佔優,係咁禁住佢地黎打
而對方亦派出右閘同右中堅招呼我,睇黎佢地打532就係想先打好防守,再靠terry黎招梳亞雷豬式射門

好彩,雖然我比人重點mark住,但阿智同johnson暫時都生性,不斷做到攻勢,但係都比中間既中堅黃飛揚頂哂
佢既防守技巧,搶點,意識都比我地既守護神Xavier高一班
今鋪真係大撚獲

雙方一直拉据住
直到20分鐘

「阿池上啊」梁仔響禁區邊以一下完美tackle,將皮球從對方中鋒腳下搶到手
再直傳比位於左中既我



我原本想直爆,不過對方既中堅已經重點睇實我既路線,我知道要爆既話除非好似上次爆鳩個支那輝咁,不過今次仲要過幾關..我又唔係美斯
我眼見阿智,jacky,johnson已經入到禁區
我決定,黎個沙比式長傳!
我左腳橫推向中間,一下拉弓,一下就將皮球長傳,直吊入禁區右邊
「嗚!!!!」看台個個都叫哂春
呢招支那輝上次都出過,不過我踢開左翼少出,亦都少練,所以準繩度只能夠同佢差唔多

皮球直達阿智既前面,只要佢再心無雜念直推過龍,呢球真係100%入
可惜,我太睇少個龍門啦
門將梁健南已經睇穿,直奔出黎擒到
佢同阿智雙雙跌響地上,不過阿智應該ok

空門呀!!!
梁健南出迎之後,已經變成空門狀態
3位中堅亦馬上狗衝補位



皮球被梁健南撲出,飛到半空
落點正是

Johnson企既位置!!
只要Johnson心口一控,再響中堅補位前射正,呢球已經100%入咁濟

不過,我真係估唔到,johnson





竟然黎個倒掛!!!仲要唔係對住個龍門!!!
「屌你係咪on9架Johnson!!!」
皮球無力咁被johnson倒掛鳩勾踢到右邊,落到右閘腳下

Johnson真係超級大傻仔呀!你唔識倒勾就直射咪算囉,你估你識自動導航咩

我地已經冇時間屌鳩Johnson
對方右閘直推到中場線,我正想埋去mark
佢一個直傳傳比terry

terry面對住梁仔同xavier
先以一下假動作fake過梁仔,再想爆過xavier
xavier眼見佢之後就係龍門,所以只能落腳剷波
呢球剷得清脆...

嗶!
做乜鳩呀?

terry響地下典下典下,扮到好撚痛咁
梁仔同xavier即刻的起terry
「屌你老母扮乜撚野呀」
terry亦即刻冇事:「屌你老母呀」

球證跑過黎,比左張黃牌xavier同梁仔
我亦圍埋去:「球證,插水喎」
球證唔撚so我:「我睇唔到喎」
屌你老母,比著我a grade果陣好火既話,一早學和仔咁省鳩你
terry即刻露出奸笑既表情

我地排好人牆,terry已經企響罰球點
大約25碼,比較有難度

terry助跑,右腳拉弓射門
皮球飛過我地排既人牆,衝向龍門
眼見皮球衝埋去,阿達飛身僅僅撲出射門
角球

屌,嚇撚死咩,幾撚驚入

之後我地一直都冇射過門,兩邊都守得好穩陣
連前兩場瘋狂入波既terry都變唔出咩戲法

34分鐘
我越過mark我既防中,響中圈接過皮球
面對住對方既5人防線,我知道,點都要試下爆過佢地!

我大步推前,瞬間就爆到禁區外2碼位置
我眼見對方既左閘同左中堅之間既空隙較大
我向右邊推進,而jacky等人亦準備接應
不過,呢波,射既係我!

我用速度爆過左閘及左中堅
「食屎啦契弟!」
我大力一抽,射個遠柱

可惜,梁健南亦唔係省油既燈
竟然一個男人心一字馬,就踢出我既勁射

嗶!嗶!嗶!!!
上半場完結

terry又走埋黎,屌佢又想點呀
「下半場,我一定收你皮!」
「嘿,睇下點囉」
點解我次次都遇到d串柒柒既對手,a grade班人明明好有禮貌架喎

入到更衣室,大家既士氣都似乎虧左一截
Jacky:「喂大家做咩咁沉呀?上次上半場輸兩球我地都追得番啦」
Xavier:「講得岩呀!上半場我地都可以同佢地打成平手,只要我地下半場出少少力就有機會贏架啦!」
大佬,真係當自己戴志偉林源三咩

「好!1,2,3,poly!!!」

眾人聽完幾句野就重拾熱血
我以後唔會再笑足球小將低b



嗶!
下半場正式開始
terry開波
不過我實在估唔到,40秒之後...

35:40
terry響中圈拎到波
正想從右邊爆過面前既Jacky直踩中路
「屌你,點可以比你過到!」
Jacky伸出左腳,成功搶到皮波
terry倒響地上,jacky冇理,繼續向住皮球跑
亦唔小心踩到terry左腳
「呀!!!!!!!!!!!!!」
terry隨即痛到大叫

嗶!
球證吹雞

Jacky:「喂,ref,我冇心架喎」
cu既球員亦全部衝哂出去
大佬,跑緊果陣你會唔會數下地下幾多隻螞蟻呀on9球證,你個腦係咪裝屎架?

球證伸入袋,取出

紅牌?!



在場既我地,以及看台觀眾都當堂呆哂
「有冇搞錯呀?」
「on9架?」

Jacky:「屌!食屎狗!」一野除撚左件衫掉向球證就走入更衣室
我衝埋去屌鳩個垃圾球證:「喂,唔小心踩到之嘛,駛唔駛直紅呀?」

球證冇講野,高舉一張黃牌
屌你,你同689一樣咁撚惡喎
正當我想開拖打鳩個球證時
Xavier拉住我

「阿池...算啦」
「算乜撚呀!依家場波黑撚到仆街呀!」
「阿池,jacky紅牌呢個事實我地已經唔可以改變架啦」
「依家,你就踢住前鋒啦,johnson會轉踢左翼」

咩話,我咁撚矮,踢乜撚前鋒呀?
雖然後備果幾條友冇人打中鋒姐,但都未至於搵我啦下話


「唔..唔係掛」
Xavier執起地上jacky掉左既隊長臂章:「嗯...你當自己係美斯咁踢假九號就得架啦」
假九號,唔單止要同中鋒一樣幫手拉開對方防線,仲要幫手造波
屌..我真係得咩..
「依家唔得都要得架啦,阿池,我就係信你先比呢個重任你」