無啦啦有兩條女同左我一齊住: 31
31
混亂後,比賽再度開始
由於少打一人,我地既打法都變得保守,打到801咁款
不過我地意志堅定,專心一致
terry佢地照舊都係攻唔入我地大門
而我,由於我都係首次打假九既位置
所以都仲係有d唔慣
都仲係淨係拉邊,分波
仲未做到美斯果種扭人入波
仲有幾次比對方兩個中堅麥包夾火腿夾到成個仆低
不過個on9球證都係照舊啦,好撚心睇下視光師啦,poly大把呀駛唔駛介紹d比你啦?
50分鐘
黃飛揚響中場截到原來傳比我既球
再傳到左翼
左翼推入中間,再橫傳比回左後既terry
果陣,大約係28碼
我已經開turbo跑番去
想從後面偷走terry既波
可惜
terry竟然...
向左轉半個身,踩一踩波
岩岩好避過我既攔截
terry竟然一個施丹轉身,避開左我!
我諗在場既所有人,都呆撚左
不過之後既事,更令我驚訝!
terry推多一步,面對住8人既防線
正常人都會選擇傳比隊友慢慢黎啦
不過,terry佢諗都冇諗
一個右腳拉弓,黎個腳面拉西超遠射!!!!
皮球越過所有後防,以香蕉型衝去龍門左上死角
阿達反應唔差,但球速太快
僅僅,差四分一個手掌位
皮球入網,0比1
「二十多碼!右腳腳面拉弓!世界波!」
我呆著了
唔撚係掛,28碼喎老友,港超聯咩
「嗚!!!!!!!!!!!!!!!!terry!!!!!!!!!!!!!!!!」
「terry好波呀!!!!!!!!!!!!!!!!!!!!!!!!」
看台上既尖叫聲更大聲
佢既隊友都仲埋去同terry慶祝
terry走埋黎,對我做左一個手指公向下既手勢
屌你老母閪
Xavier拍拍手:「喂我地唔好氣餒呀,仲有時間,仲追得番架!」
係,比賽仲未完,依家只不過係63分鐘,我地只係輸左1球
只要餘下既12分鐘入多2球就可以反cup!
屌,做得耐猁迷,諗野都開始kai
嗶!比賽繼續
相比起頭先,我地明顯攻上左好多
緊係啦,我地輸緊丫嘛
我已經用盡哂elastico,bale式爆seed等任何我識既過人方式爆入禁區
不過對方既中堅黃飛揚實在太勁,d位置感勁到仆街,永遠都響我過到兩邊中堅之後補哂位
更加唔好講,過完佢仲有個梁健南響後面
69分鐘
時間只係剩低3分鐘
即係話,我地一定要入一球!!
我響左路20碼接應jimmy既橫傳
眼見對方兩個中場已經逼近
我一個左腳elastico,成功fake過左邊一個,再加速衝過中間既空隙
隊友們見到,都即刻開始走位,不論佢地到底係想幫我拉開人定想我傳比佢救主
不過,救世主,一定要係我!
我直推到禁區外45角位
右閘唔理johnson,直接衝黎過飛剷
你真係天真過阿嬌,我左腳輕輕推個波過右腳,左腳再避開你既鬥心飛剷
又過一個
呢個時候,terry竟然響我右手面出現回防
仲想推鳩我
不過,我下盤夠穩仲未比佢推跌
我眼見右中堅想過黎夾鳩我
唔通,呢球就咁收皮?
我左腳一的,皮球越過右中堅,我再爆開佢拎過個波,成功擺脫佢
terry唔撚服輸繼續追到我入禁區邊
佢絕對估唔到,下一秒你就要出醜!
我睇準時機,右腳一推,成功通佢坑渠!
我從右邊越過佢,成功又過一個
我爆速推人大位
左中堅同黃飛揚又想逼甩我
我急一急停,左中堅成個仆街
我響瞬間再用一下elastico,為我拉開少少空間,再爆入左邊
黃飛揚差我1/2個身位,繼續係咁拉拉扯扯
眼前既只有梁健南
佢已經準備出迎,想化解我呢個一過六既攻勢
我同佢仲差4碼距離
我等,等,等
等到佢想訓低撲過皮球時
我冷靜咁腳尖一抽,皮球越過梁健南
射完呢一球,我就正式失平衡,成個訓落地
梁健南想伸出左手撲救,可惜佢訓得太低,你對手有杜蘭特咁長就有機會撲到
皮球依照我預料既軌跡,落在近柱,白線後面
1:1
「啊!!!!!!!!!!!!!!」
看台上既人不停尖叫,叫春
「阿池!!!!!!!!!!!!」
成隊人即刻衝哂過黎,摟住我
「叻仔呀!!!!!!!!!」
我望住看台上既阿白同智詩
佢地都開心到摟埋一齊
我走埋去terry度,對佢做番一個手指公向下既手勢
再冷笑一下
過多陣
嗶!嗶!嗶!!!
下半場完,進入加時
不過,令我覺得on9既係,加時竟然係計黃金入球,上下半場各10分鐘
呢個時間,我望一望,個天都開始黑,球場既燈都開哂咁濟
我眼見大家都已經攰,開始到頂
Xavier:「各位,仲有一陣咋,只要我地頂埋佢就得架啦」
「本來我地應該輸架啦,不過阿池打生打死先幫我地有得踢加時,大家一定要珍惜呀!」
「1,2,3,poly!」
嗶,加時上半場開始
雙方既體力都始下降,跑唔郁咁濟
連我都開始到頂,有d力不從心
而terry似乎比我有更多氣力,依然可以不斷爆入禁區,不過Xavier依然keep住,冇比任何機會佢
就係咁,加時上半場大家都冇射門,鳩下鳩下就完場
Xavier流住汗:「我知大家都好攰,不過大家一定要頂住呀!」
冇錯,踢決賽既機會唔係成日有,我一定要用埋最後一口氣踢埋佢!
加時下半場開始
我一開波就不斷爆過中場,想用剩餘既速度爆過三中堅
可惜黃飛揚不停響我腳下搶到,屌
而其他人就繼續專注防守,唔敢上太前
加時下半場8分鐘我從右邊搶過皮球,直爆入禁區頂
對方既中場從後一手推開我
嗶!
係罰球
19碼既位置
一半既隊友都即刻上哂去,準備執雞
Xavier:「阿池,射定斬你決定啦!靠哂你啦」
我望住眼前既人牆,佢地高度夠好難越過佢地射入去
我決定,從右邊curve入去,射落右下死角
我深深吸一氣,助跑,拉弓,腳內側觸球
靈巧地射個彎罰球
可惜,我本能上太驚射出界,潛意識令我呢下射球挨近左人牆半寸
不過
人牆最右既球員,下意識伸出左左手,我親眼睇住,佢左手手面觸到皮球
皮球被佢既左手擋出!
「手球!!!!Ref!!!!!!!!12碼!!!!!!!!!」我地全隊用盡全身既氣力大叫,希望呢個on9球證可以突然唔再盲
不過,球證當無事發生,示意繼續比賽
我火都黎撚埋,我追住球證
「手球呀!!!!手球呀!!!!」
不過佢都係繼續無視我
但係,我地都掛住呢球手波,而忘記左皮球
皮球依家被推到三閘線
係terry!
佢一下變速,推過jimmy同梁仔
面對Xavier,佢再一下推左走右
佢眼前既,就只有阿達!
呢一刻,我實在冇野可以做到
我唔可能大叫一句「停!!」就將呢一秒停左佢,再拎番個波
terry控定皮球,左腳推過阿達,輕鬆射進空門
嗶!嗶!!嗶!!!
球證馬上吹雞完場
全場比賽完
我地...輸左
「cu!!!!cu!!!!terry!!!!!terry!!!!!!」
cu pharmacy既人無一不歡喜若狂,擁埋一齊慶祝
Xavier,johnson佢地頓時跪地,倒地痛哭
除左一個人
我
球證正想從通道離開,我馬上跑過去阻住佢
「屌你老母呀!黑哨狗!手球到咁都睇唔撚到?」
阿智,梁仔都走埋黎禁住我:「阿池,冷靜d啦」
我冇理佢地,繼續屌
「你老母臭化!你咪撚走呀!」
「我屌你老母,出聲丫!你又盲又啞呀?」
球證出聲都算,佢唔撚出聲我真係仲火
球證向我高舉一面黃牌加一面紅牌,之後就響運動場d工作人員護送下行入通道
我依然繼續追住黎屌
「紅你老母呀,你老母閪你今日唔撚駛走呀!你食撚屎啦」
如果我身邊有個波,我一定學和仔省鳩佢
「仆你個臭街,我屌你...」
忽然,後面有人...摟住我
「阿池...算啦」
係智詩
原來佢已經落左黎
「佢老母,我..」
智詩摟得更實
「唔..唔好咁啦,阿池你已經好努力架啦」
聽把聲,佢好似岩岩喊完黎
聽完佢呢句,我慢慢冷靜番,跪響草地上面
智詩挨落我度:「阿池,就..算你輸,你都..係我心目中既number1」
我冇喊,因為今場輸波唔係我既責任,係個on9球證既責任
我輕輕咁拍下智詩:「放心,我冇事...今次..我唔會再講d咩『放棄足球』呢d on9說話架啦」
「多謝你呀,智詩」
智詩望住我:「阿池...」
「你做乜對眼紅哂既?你喊呀?」
「邊..邊有呀?有沙入眼之嘛」
「但係,我整到我件衫濕哂喎...」
「咩.咩喎,係你自己d汗黎咋」
Xavier走埋黎:「阿池..對唔住,頭先果球我守唔住」
「唔緊要啦,今場係個球證on9姐,下次有機會再踢過啦」
「嗯」
我周圍望:「咦,阿白呢?」
智詩:「佢頭先話去洗手間嘛,我地去搵番佢囉」
「喂...咁今晚...」
「咩呀?我..我話左你有冠軍先得架嘛」
「唔係呀..我係想問今晚食乜餸呀?」智詩唔講,我都唔記得佢話過同我做愛單野
「屌..出街食囉..當獎勵你今日踢得咁好」
我同智詩行番入通道,我準備入番更衣室既時候
我見到,眼前有兩個人
係阿白,同埋
麗娜
阿白既表情同平時好唔同
佢走埋黎,遞左一張相
係,上個月,我同智詩去reu果陣張kiss相
我估,十成十係麗娜比佢睇
其實reu係9月頭,而我知道阿白既過去係九月中
不過阿白有過以前既創傷,所以,我呢刻點講,佢都聽唔入耳
阿白:「阿池,智詩,呢張相係咪真架?」
「阿白你聽我解釋先啦,果陣我9月去reu,智詩話廢事我一個人咁慘先黎咋」
智詩繼續補鑊:「kiss係因為玩game咋..我都唔..」
「我唔想聽呀!」
「阿白呀..」我捉住阿白對手
不過佢已經fing甩左,流哂眼淚咁:「阿池你明明話過唔會拋低我架!點解你要咁做呀?」
講完,阿白就向住出口,跑出去通道
「阿白呀!」智詩兩話不說就追出去
我呆撚左
我估唔到,阿白會因為呢件事而嬲左我地
我更估唔到,麗娜會咁做,離間我地三個
我問企響旁邊食住花生既麗娜:「點解你要咁樣做?」
麗娜笑一笑:「點解?有得點解既咩..咁果日我問番d同學睇番你地9月reu d相,見到呢張相咁靚,咪比佢睇下囉」
「我請你食檸檬姐..點解你..」
「阿池,你以為我番黎係想溝你呀?」
「你唔係以為我仲鐘意你下話?」
「我仲鐘意你,響英國果陣就搵左你啦,駛乜今次返黎先搵你呀?」
「我果陣呃你話我響英國無friend,其實日日有成堆香港兵仔幫我做assignment,不知幾好」
「咁點解...你要返黎?」
「咁d兵個個都退哂役,我又讀得悶咪返黎囉」
「點知一返黎就見到你,咁唯有試下收阿池你做兵囉」
「諗住約你食飯,點知你又好似對我冇哂feel,咁咪算囉」
「之後咪諗住用terry黎激下你,點知你竟然響佢面前請我食檸檬落我面...」
呢刻既麗娜,真係恐怖過雲高爾
「麗娜,你以前明明唔係咁架喎....」
「人會變架嘛,有堆兵仔幫我做野果種虛榮感你唔會明架啦」
「咁你,仲有冇少少鐘意我?」
麗娜冇答
「你唔駛答啦,我已經知道答案..」
我拎埋個袋,就直奔出運動場
麗娜點解變到咁..
呢刻既我根本唔想知
我呢刻著緊既,只有阿白