無啦啦有兩條女同左我一齊住: 34
34
「咩...咩話?」
mari表姐點點頭「嗯,佢話佢月頭就會做哂d野,所以佢已經買埋機票果日朝早番黎」
「佢仲話,到時你就可以返屋企架啦,唔駛再日日搭個幾鐘車返學」
「果日你記得要黎呀,7點西貢德記呀」
我老母果邊係大家族黎,勁多兄弟姊妹,我大舅父都70歲啦
雖然老母講過我同阿白智詩可以繼續住到12月1號
不過,呢個消息始終令我晴天霹靂
就好似果日之後我就唔可以冇皇管,同阿白智詩一齊咁..
mari表姐切住菜:「阿池,做咩呀..你驚,你以後唔可以同佢地住呀?」
「其實...我見到你咁開心,我都希望你地以後都可以一齊住」
「不過,都要睇下姨媽點決定既..」
呢刻既我好迷惘
上次同老母傾電話,佢都只係話十一月中,未有一個明確時間
但係今次,係比左一個日期咁...
「放心啦,阿池..到時我會幫口架啦」
「嗯,多謝你呀mari表姐」
「係呢.點解你今日唔想比我知道你同阿白智詩兩個一齊住既?」
「er....因為...」
「你驚我同全家人講呀?我咁口密點會講喎」
「都...都係其中一個原因黎既」
「另外,其實我身邊既朋友...都仲未知..」
「吓!唔係掛!」
「好奇咩,我驚佢地一知道就日日都話要黎我學校,仲驚佢地會....忍唔住....」
「er...都係既..但係你都瞞唔到一世架...」
「我知...咁到時先算囉」
「又到時先算,阿池你由細到大都係咁,成日做deadline fighter架」
有mari表姐既幫手,我地就好快煮好哂飯
智詩食左一啖咖哩雞翼:「嘩,幾好味喎!一定係mari表姐整架啦」
「嘻嘻,智詩你都幾心水清喎」
「緊係啦,阿池邊煮到咁好味呀」
「咩喎,我果d都唔差姐,係咪先阿白?」
阿白:「係..係呀,阿池煮野食都ok丫」
「食得人咁囉!我仲煮得好過你啦」
mari表姐:「你地知唔知呀,阿池細個唔識煮野食,放左個公仔麵落煮pan度煮呀」
智詩聽完即刻瘋狂恥笑:「哈哈哈哈,阿池你唔係掛,你低能架?」
「表姐,做乜爆我d野喎...」
成餐飯就係咁嘻嘻哈哈咁渡過左
食飽冇耐
「阿池,阿白,智詩,我返去啦..」
「吓,咁早?」
「係呀,聽朝仲要返工呀」
我:「mari表姐,咁我送你去搭車丫」
陪mari表姐行出去果陣
「mari表姐呀..」
「嗯?做咩呀阿池」
「你覺得阿白同智詩2個...點呀?」
「唔.....都好nice呀,阿白就好好人,幾pure幾true,又白淨」
「智詩就大情大性d,身材仲好似幾好tim...不過就有少少口不對心咁啦」
「阿池,你識到呢兩個對你咁好既女仔,要珍惜啦」
「嗯」
行到巴士站
「阿池,你真係..覺得你地既關係可以everlasting?」
我挨響欄杆:「....希..希望啦」
「你冇信心咩?」
「唔係...」
「其實同佢地識左一日,我都睇得出,佢地都好鐘意你架」
「真...真既?」
「呢d..就係女人既直感啦,嘿嘿」
巴士黎到
「我走啦阿池,加油呀,要對阿白智詩好d呀,bye」
「bye mari表姐」
番到屋企
只見智詩響廳打緊fifa,留低阿白響度洗碗
「嘩,你剩低阿白洗碗自己就打fifa,你都幾嘆架喎」
「咁...阿白話佢洗丫嘛」
我走入廚房
「阿白,我幫你洗碗丫」
「唔駛啦,我自己黎..」
「有咩所謂姐,你都成日幫我煮飯啦」
「好..好呀,唔..唔該阿池」
「阿池呀,mari表姐都幾好人丫」
「嗯,我細個果陣佢成日黎我度玩,所以我地感情都好好既..」
「有個咁既表姐真係好啦」
「都..都係既」
「阿池呀,尋日....對唔住呀」
「吓?」
「我係指,尋日又對你地發脾氣,夜晚又冇啦啦同你講d咁既野...」
「唔緊要,你都係著緊我姐...」
「放心啦,我..以後..都唔會再懷疑你同智詩架啦..」
「嗯..多謝你..阿白」
洗完碗
「阿白,下個月...」
「嗯,下個月做咩呀?」
「er....都係冇野啦」
我原本想同阿白講下個月我老母返黎,不過諗諗下...我都係唔想佢地擔心
「阿池呀,你用唔用洗手間呀?我..我想沖涼呀」
「唔..唔駛啦,你去沖啦」
我坐響梳化,智詩隔黎
「阿池,打唔打fifa呀?」
「唔駛啦,我好攰....」
「做咩呀你,今日都仲咁攰既...你係咪尋晚又打...J黎呀?」
「冇呀..邊有姐...」
「都冇乜問題既...男人有呢D需要都好正常姐」
「我好耐之前..戒左啦」
「智詩...」
「做咩呀?」
「如..果,聽日我地就要分開,你地就要再搵過間屋,你會唔會唔捨得?」
「吓..做乜冇啦啦咁問呀,係咪你阿媽又話要收番間屋呀?」
「唔..唔係,你..答左我先啦」
「咁...都會有d唔捨得既,間屋又咁大,又有ps4玩...」
「.....仲有...你囉...」
我笑一笑:「估唔到...果陣你仲話我係變態佬,依家已經..」
「咁...人..人會變架嘛...」
我地靜左幾分鐘
「智詩...多謝你」
「吓..多咩謝呀?」
「係你令我..踢番波..」
「關..關我咩喎...係你個gay友Xavier令你踢返波架嘛」
「點會呢..如果只係因為佢,我最多咪唔去練波姐...」
「車....都係因為..我成日比波餅你食之嘛...」
「阿池..咁你仲會唔會踢波架?」
「會既...如果Xavier佢地仲會搵我既話....」
「點會唔搵呀,你咁勁,你地隊波咁屎,冇你真係唔會入到決賽囉」
「睇下點先啦...不過真係好多謝你呀智詩」
「就係你...令我克服左當年罰球中眉既陰影,可惜..都係....唔可以為你贏冠軍」
其實我自己就冇乜所謂既(黑哨都係果陣嬲姐),不過我始終都應承左智詩
智詩拍拍我:「贏唔贏冠軍冇所謂啦...最緊要係..你比左一場好精彩既比賽我睇,咁就已經算係今年既生日禮物啦」
「智詩..依家既我,就好似jojo第7部既johnny咁,就算拎唔到sbr冠軍,佢總算因為比賽,令佢肉體同心靈都可以企番起身...」
「阿池......」
「頂你,即係話我係你既傑洛姐,你竟然咒我早死?!」智詩一野勒埋黎
「唔係呀...我唔係呢個意思呀..」
今晚我地三個都好早就訓左
呢幾日,我同阿白,智詩又變番好似平時咁
而我地,亦都冇再講咩做愛既野,智詩亦冇話請我食波餅
咁樣反而仲舒服,我又唔駛成日諗呢d野
不過,我就好似有個心結咁
因為我同佢地生活既日子,好似一日一日倒數咁
但係,我又唔可以同佢地講,我驚咁樣只會令佢地擔心埋一份
禮拜四(禮拜一二我走左堂,太多assignment,禮拜三dayoff)
一早起身就唔見左阿白同智詩,應該都要返早
12點幾,一入到lecture room,就聽到全班人既歡呼
「嗚!!!!!!!!!」
屌,做乜鳩
我坐埋去子晉隔黎
「屌,d人做乜鳩呀?」
「球王池,你果日就威哂啦..」
「吓...咩呀?」
「joint u cup呀on9,你失憶呀?」
「係..係丫,不過輸左喎」
「唔重要啦,都冇人諗過你地會贏啦,你地係唯一一隊冇校隊成員既...」
「你地三場比賽條片已經放左上youtube,依家成個engine d人都識你啦」
「吓...咁既閪比賽都有人錄既咩?」
「有..我比你睇啦」
子晉拎出ipad,播番youtube果條片
一到我四強果下巴爾式爆人果陣:「阿池!!!!!上呀!!!!!」
把聲咁熟既?
我睇一睇個名
Veronica Yau
係智詩,佢facebook都係叫Veronica Yau
原來佢拍哂片,仲要放上youtube
真係唔知,應唔應該多謝佢好......
「真係估唔到喎阿池,你踢波咁撚勁,但係收埋收埋左咁耐...」子晉唔知道我以前既事,我亦無謂同佢講,因為聽完佢只會訓著
正當我同子晉睇番我d比賽片既時候
後面傳來一把聲
「喂,阿池!」
係Xavier
「hello Xavier」
「點呀,仲嬲緊果日果個黑哨球證呀?」
「冇嬲啦,係果刻嬲到屌鳩佢姐」
Xavier拎出一塊銀牌,遞比我
「阿池,你果日早走左冇拎到塊牌,嗱」
我接過之後:「嘩,乜亞軍都有牌架?」
「緊係有啦」我冇理到,放番入袋
「其實果日呢,我地真係驚你會打鳩個球證架」
「好彩你其中一個女朋友仔..好似叫智詩呀呵,禁住你,先冇出事咋,打球證起碼停一年賽呀」
「關我撚事咩,都就畢業啦...我都唔會再打呢d比賽架啦」
「唔係呀...我同Jacky諗緊報唔報d街外既league玩下,睇下你有冇興趣咁啦..」
「諗諗先啦...岩岩先踢完」
落堂果陣都3點幾
「嘩屌,終於都落堂啦」
「城邦會戰勝歸來...民主派掃進棺材...面對地獄裁判早悔改」我電話又再響起
子晉同xavier每次聽到呢個鈴聲都會露出不屑既眼神
陳雲國師家陣好失禮咩?
「喂,阿池呀」
「阿..阿白?做咩呀」
「我想問..今晚我地不如出去食囉?」
「哦..好丫,咁一陣響邊度等呀?」
「er...不如4點尖東站等丫,我同智詩都黎緊啦!我地三個行下街先丫」
「好...一陣見啦bye」
收線之後
子晉:「屌你,又有女約」
「行下街姐...」
去canteen食個下午茶,搭左一個站就到左尖東
等左幾分鐘,阿白同智詩終於黎
今日佢兩個都著得幾靚下,明顯有打扮過咁
阿白著左黑色哩士裙,而智詩就著冇袖衛衣
「阿池唔好意思呀,係咪等左好耐呀?」
「唔係...都一陣姐,其實今日我地出黎做咩呀?」
「智詩話當補番慶祝阿池你上次決賽打得好,想請你食返餐喎」
「吓..又慶祝?仲要你地請?」
「咁..咁我岩岩出左糧嘛...咪..咪同阿白請你食好d囉」
「咁我地...依家去邊呀?」
「去行下商場咁啦..」
我心諗,佢地唔係鐘意pandora果d下話,又一個月屈我買一條咁
不過,佢地竟然帶左我去...
「阿池,你睇下,隻公仔得唔得意呀?」
「得意..得意呀..」
係玩具反斗城
智詩好似大細路咁,咩玩具都睇
我見阿白係咁揸住個比卡超公仔,唔捨得放
「阿白...你鐘意比卡超架?」
「嗯...由細到大覺得pikachu好得意架」
「個公仔..我送比你丫」
「吓..我睇下架咋..我..」
「唔駛睇啦,我買比你咪得囉」好彩唔係貴姐..
阿白:「多..多謝阿池」
「喂大細超喎,阿池你淨係送比阿白」
「你唔係掛?上次咪夾左錢買隻無雙囉!智詩...你呷醋呀?」
「邊..邊有喎!」
過多陣,我地都差唔多行哂成個玩具反斗城
阿白一面滿足咁抱住隻比卡超
一出到門口,就見到
terry,以及成班應該係上次隊cu果d人,迎頭行緊過黎
「喂!廢柴江天池!」
「點呀,上次輸波,有冇喊呀?」佢地成班人哈哈大笑
正當我想出聲反擊既時候
智詩已經黎料:「收皮啦黑哨狗!冇黑哨你輸撚左啦柒頭!上場你仲比阿池通埋渠tim呀」
terry一聽到最後一句,即刻閪哂面:「我記得你兩個...你兩個就係呢個廢柴d女嘛」
「其實你兩個咁撚靚,你又咁大波,點會做呢條廢柴d女架,定係你兩個係援交妹黎咋哈哈哈」
「你講乜撚野呀!!」我二話不話,一拳揮向terry
佢好似食撚左屎咁,完全冇反應,食中哂我呢一拳
「啊!!」
佢一倒地,我即刻瘋狂踢鳩佢
「屌你老母!屌你老母呀!」
周圍既人都望住我地
佢班fd回過神來,即刻推開我:「你唔好亂黎呀!!」「屌你呀!!」
阿白同智詩出盡全力拉住我:「阿池!唔好打啦!!」
「屌你老母!!你竟然侮辱佢地!!」
terry慢慢起番身:「仆你個臭街!打鳩我?」
「屌你老母!黑哨狗!」
「夠薑就堂堂正正踢多次!」呢刻既我已經short撚左
但terry竟然
「好!!我聽日就send信去你地個faculty約戰,今次..我一定要剷斷你對腳呀廢柴!!!」