無啦啦有兩條女同左我一齊住: 35
35
「一言為定,我今次一定贏硬你呀!」
「江天池,你地下次贏既機會,係零呀!!」
terry一行人慢慢離開
周圍圍觀既人亦都散去
「屌你老母,夠薑響我面前講d咁既野」
阿白慢慢扶番起我:「阿池...」
不過智詩竟然屌鳩我:「阿池你係咪傻撚左呀?你出手打鳩人分分鐘坐花廳呀」
「咁係丫啦,條撚野侮辱你地喎,我唔打鳩佢仲係男人黎既...?佢話你地係援交妹喎,唔打唔得啦!」
「我知道你緊張我地,不過..你都要小心d嘛」
阿白拉住我:「阿池.....我同智詩都係驚你出事咋...」
我慢慢冷靜返:「唉...sorry,頭...頭先我真係嬲得濟」
智詩拍拍我:「唔緊要...不過下次唔好再咁樣當街打人啦,頭先阿白比你嚇到幾驚呀..」
「咁...我都係驚阿池你有意外姐」
「放心啦..下次我唔會再咁衝動架啦...我..我地繼續行街啦」
買野係女人天性
不過,佢地兩個竟然真係行下睇下就算,衫都冇買件
經過k11間pandora果陣,佢地都竟然忍到手
不過我仲見到好多男士一車車咁入去買,有d仲流眼淚
「嘩,d人on9架?呢d朱義繩都買?」
「吓,你地女仔唔係都鐘意pandora既咩?」
阿白擰擰頭:「我同智詩都唔鐘意呢間野架,又核突又咁貴先得一粒..」
「咪係,我地d同學仲話男朋友要一個月買一粒比佢,真係痴撚線架」
我望住佢地,我覺得,阿白同智詩真係香港絕種動物黎
行到大約7點幾
阿白問:「阿池,我地食咩好呀?」
「不如...食牛涮鍋啦,今日應該唔駛等位..」
「唔好啦,我想据扒呀..好耐冇食過啦」
「咁..咁好囉,阿白你ok嗎?」
「好呀」
搭一陣地鐵,就到左旺角間花園餐廳
由於係閒日,所以都唔駛等位
埋到位點埋餐,阿白繼續攬住隻比卡超:「阿池,你成日黎食架?」
「唔係架...其實我好少食熱氣野..」
智詩就已經叫哂春:「快d啦,好肚餓呀」
「你冇食晏咩?」
「嘩,隔左好耐啦喎,肚餓都好正常姐」
jarjarjarjarjarjarjar,三份牛扒餐都送到
阿白拎起哂刀叉:「嘩,d牛扒jarjar聲,好似好好味咁呀」
智詩唔理d汁仲彈緊上黎,已經切左舊黎食
「嘩,智詩,你駛唔駛咁猴禽呀?」
「咁我肚餓嘛...嘩又幾好食喎,唔怪之得你同麗娜黎..」
「噓!!」我之所以咁,都係驚阿白一聽到麗娜個名又唔開心
不過,今次阿白竟然話:「做咩呀,阿池,我冇野喎..」
「以前就話介意姐,依家..唔緊要啦」阿白望住我,紅都面哂咁
智詩:「咁...自從決賽果日之後,你仲有冇搵麗娜呀?」
「仲搵佢做咩姐..佢擺明想離間我地三個啦!」
其實我都依一刻都好難相信麗娜係d咁既人
阿白:「唔好咁嬲啦阿池,如果唔係麗娜,我同智詩都唔會知你既....心意啦..」
「都..都係既...不過果日我同智詩真係好擔心你呀.」
「咪係,仲要一野就衝上車,仲要話搬走,嚇到我丫」
「咁我..果陣係有少少嬲嘛,對唔住呀阿池,智詩,我以後唔會咁架啦...」
食飽之後就返去啦
返到去村口果陣
智詩摸摸佢個肚:「嘩,真係好飽呀」
「緊係啦,你頭先仲搶埋我d薯條黎食」
「咁...我見你好似唔食咁丫嘛」
「我俾阿白食都唔比你食呀」
「喂,阿白,阿池大細超喎,今日又送比卡超比你!」
「哈哈..唔緊要啦智詩,阿池平時都對你好好架..」
「邊忽對我好喎...嗱,阿池,今晚皇馬對猁狗,睇下點收你皮啦!」
「好呀駛驚你!」
返到去,pierre咁岩返到黎,拖埋幾個fd
同pierre一樣,都係果d著哂hollister果d hku偽abc
一見到阿白同智詩,就係咁昅佢地
呢班hku既撚樣,根本同果日班mk冇分別
「hey!阿白!好似冇見啦,上個禮拜六我響樓上聽到你喊得好大聲喎,你冇野呀嘛?」
智詩:「關你撚事咩,你同你班狗公fd返上狗竇啦」嘩頂,智詩把口好賤下
智詩呢一句已經擊退幾位狗公,不過pierre已經慣哂
「我地依家上去打邊爐呀,你地一唔一齊join呀?」
我:「唔駛喎,岩岩食完野」
「都唔緊要丫,一係你地上黎同我地傾下計囉」
pierre一講完,就伸手去阿白度,想捉住佢
正當我諗住擋開佢隻手時
「唔..唔好意思呀,我..淨係會陪阿池架咋」
阿白,原來一早已經拖住左我隻手
「吓....」pierre有d嚇一嚇,即係啦,我呢d毒撚都贏到你呢d hku神科男神
我都呆左,平時阿白都唔會反擊呢d狗公,可能驚得濟啦
今次竟然主動..
我:「係..係呀,我同阿白已經..你見到啦」
講完之後,我露出勝利者既笑容,頭也不回咁入番我地間屋
不過,入到屋
阿白竟然仲未放手
「阿..阿白呀,頭先你...」
「我唔可以次次都靠你同智詩幫我解圍架啦...我都要堅強d先得架」
「不過...sorry呀智詩,我頭先逼於無奈先咁做,你..會唔會呷醋架..」
「呷..呷咩醋姐,我點..點會喎」
番得黎早,好彩都趕得切睇埋少少達哥玩dead rising
阿白同智詩又係照舊坐埋黎,阿白對腳又係有時掃到我
阿白全程,都係摟住今日隻比卡超
阿白笑道:「阿池呀,今日真係玩得好開心呀」
「嗯...我都係呀」
「不過,阿池你淨係送比卡超比阿白,咁我呢?」
「智詩你駛唔駛記到依家呀?最多下次送番比你囉」
「咁就差唔多」
「哈哈.智詩..其實你係咪呷我醋呀?」
「咩..咩喎,邊有呀!」
阿白12點幾訓左,得返我同智詩兩個打fifa等睇猁狗對皇馬
不過今日狀態麻麻,打左8場都入唔到佢一粒波,最多0:0和波
「傻仔,比你入過一球仲點會比你入第二球呀,哈哈...想除我衫就落力少少啦」
「我都唔係為左除你衫...」其實有一半都係既
不過智詩沖完涼之後換左件幾鬆身既深色tee,都睇到少少事業線
捱左咁耐,終於有得睇波
中途又飲左少少啤酒咁,我都學埋智詩睇波隊啤既習慣
「喂...智詩..」
「做咩呀?」
「點解你一直都會捱到2點幾先睇波既?你唔去訓?」
「我驚嘈醒阿白嘛,所以咪唔較鬧鐘囉」
「咁你...可以叫我入去叫醒你架嘛...」
「咁...咁我同阿白都裸睡嘛...你入黎咪比你睇蝕哂!」
哇屌....係喎,不過智詩裸睡....
智詩一野壓落黎:「阿池,你笑得咁淫,你係咪又諗起果次我飲大左訓你隔黎果單野呀?」
「唔係..唔係呀」
智詩又用雙手吱我腰側面:「口質質咁,肯定係啦!」
智詩係咁un,搞到我都.....扯左..
「占士一下挑傳,傳左比突破越位既c朗!凌空抽射!1:0!」
屌,咁都比c朗入到,猁狗條後防真係好廢
智詩係咁meet我塊面:「傻仔,1比0啦..哈哈!!」
之後上半場仲要比皇馬入多2球,上半場都三比零
每入一球都比智詩串
雖然下半場真係好悶,不過我同智詩都睇到完場
「傻仔池,你隊猁狗快d降班啦!」
「唉...點會主場輸得咁樣衰架...」
「阿池..你..真係要同果個terry就鬥多場呀?」
「嗯...大前提係如果佢肯既話,同埋xavier肯踢先囉」
「阿池,你今次..一定要贏呀,唔好好似你隊猁狗咁呀」
「得啦我知啦..」
「依家唔比波餅你食啦,你自己加油啦!」
「仲有呀,今日你送比卡超比阿白果陣,其實...我都有..少少...」
「少少咩呀?」
「...都係冇野啦,我訓先啦,早抖啦阿池..咁夜唔好打J啦」
智詩唔係真係葡萄下話....
第二日,星期五
一返到去,就見到xavier,jacky同johnson響度
做乜鳩呀?呢堂唔係淨係EE上既咩?
xavier:「喂,阿池,聽聞你尋日,同果個仆街terry響海港城打交黎喎..」
「唔係呀,因...為全程係得我打鳩佢之嘛」
「唔...唔係有咩大獲野下話...?」
johnson打左我一下:「點會呀,你直頭打得好tim啦!」
jacky:「今日佢地支莊send左email比我,話要同我地poly engine約多次比賽,11月1號下晝三點,聯校運動場...」
「屌丫...原來尋日佢講堅架,咁你地...」
「仲駛講?緊係踢啦!上次比班黑哨狗收我地皮,今次一定要堂堂正正贏返次」
「我地成班聽到佢地主動挑機都即刻話一定踢呀!聽日開始練波tim呀」
好快,我地同cu pharmacy再次比賽既消息傳到成個faculty都知
之後既成個禮拜,我地十幾人都係瘋狂練波,希望到時能夠報一戰之仇
阿白同智詩見我練波咁辛苦,都冇話要同我行街,仲晚晚幫我煮餸tim
「阿池,你今日練波辛苦啦,我幫你煮丫」
「阿池,你過幾日就比賽架啦,早d訓啦,唔好打J啦」
終於黎到,11月1日.