無啦啦有兩條女同左我一齊住: 41
41
智詩走過黎:「咁....11月30號係星期日呀嘛,我地三個咪可以玩足成日囉...」
「嗯...都係既」
阿白用上目線望住我:「阿池果日想去邊玩丫?」
「唔...我仲未諗好喎,平時我都好少出去玩既...11月仲去沙灘咩」
智詩:「咁...不如去郊外玩下咁囉,野下餐咁囉...見d mk仔mk女成日都去果d咩迪欣湖果d既」
「都...好既...」其實我真係冇所謂
阿白:「咁我同智詩約實你架啦!果日唔好約其他人呀!」
食完飯
「分享下d有趣新聞啦好嘛!今日沙田有個神經漢較剪腳...哈..哈哈..哈」我地三個響度睇達哥
一睇達哥,阿白面上既苦惱都會失去:「哈哈哈...咁都病發」
我:「喂,智詩,你同阿白果陣係點樣搵到呢間屋架?」
「吓...咪上d租屋網搵架囉」
聽完智詩咁講,我即刻開notebook上去睇睇
「荃灣市區,1房1廳,250呎」
「喂,智詩,呢個掂呀...都係租五千五一個月咋」
「睇過....五千五蚊我地三個夾都應該ok既,以後要省d使...不過...」
「何況咩呀?」
「你睇下...得一間房咋..」
「屌..係喎,咁仆街既....咁咪..我訓廳囉...」
阿白:「邊得架阿池,都冇可能日日訓廳啦..」
「咁..咁可以點呀?」
智詩:「如果真係租既話,咪..咪..」
「咪我地三個一訓囉!」
我同阿白異口同聲:「吓!!!!!!」
「咁..咁,得..一間房嘛,阿白你又話唔想阿池訓廳,咁得呢個辦法架咋..」
「你唔係掛,你地兩個女仔喎,邊得呀...」
「唉,呢樣又唔得果樣又唔得!」
「算啦,訓廳我都冇話有問題....星期六去同你地睇下囉」
之後我地仲搵到幾個平既單位
之後既星期六
我地三個就去左荃灣果個單位
響西鐵站果度行左一陣先到
行到樓下,就見到放租果個陳生
廿歲尾咁囉
「咦,你就係江生啦呵?」
「嗯..」
個陳生係咁昅住阿白同智詩,笑淫淫咁:「咦,個單位係...你地..」
「係我地三個住既..」
「我帶你地上去睇睇先啦」
我心諗唔撚係掛,係d咸濕業主
上到3樓,入到間屋
嘩屌,可能係我已經住慣左姑丈果度,間屋真係好撚細
得間勁撚細既房同埋個窄到仆街既廁所
陳生:「呢個單位都唔錯架,又唔算貴,又近市區...」
我細細聲同智詩講:「嘩...真係好細間喎..間房仲要細到咁」
「話左架啦...」
阿白入去廁所睇睇:「呢度都好窄喎...」
陳生又望住阿白個pat,望到眼都唔眨
阿白:「咁..依家呢度租幾錢呀?」
「實價,五千五啦」
智詩:「可唔可以平d先,你睇下你呢度,又細又窄又西斜喎...五千啦」
「唔係話唔得既,不過...」
個陳生咸咸濕濕咁昅住智詩對波:「你地兩位靚女..起碼都要比d著數我先啦,例如..」
我即刻推開個陳生落地:「屌你你想點呀!」
「咩呀,我...」
「咸濕佬,你頭先昅左佢地好撚多次啦!」
阿白同智詩拉住我:「阿池呀...」
「食屎啦你,我地唔撚租啦....」
落到樓下
智詩:「阿池..你做咩呀!」
「果個正一斯文敗類黎架!根本就係想抽你地水咋!」
「咁冇計架!我地三個依家就係要搵屋嘛!」
「咁都唔駛話要...蝕底比人架!」
阿白連忙打圈場:「阿池,智詩,你地唔好咁啦,仲有其他單位架嘛...我地可以再睇下啦」
之後我地都去過其他單位,不過一係就太細,一係就太貴
「嘩屌..睇左成日都搵唔岩喎..」
阿白嘆一口氣:「果陣我同智詩...都係咁樣搵,搵左好耐都搵唔到岩既屋架..」
「係喎...點解你地果陣會比人趕出hall既?」
智詩飲左一啖水:「果陣我同阿白都係果d摺友黎..咁咪比人排囉」
「又可能妒忌我同阿白靚呢...咁咪一直睇我地唔順眼囉,不過我地都當冇事發生咁」
「之後有次hall莊班臭西響我同阿白間房門口貼埋d咩寫哂『hall雞』,『一王兩后』既紙咁..」
「咁我緊係唔順超啦,我帶住阿白去理論囉...」
「咁嘈得激得濟,我咪忍唔住一野摑落其中一個臭西度囉!之後就比人趕走啦...」
其實女仔之間既果種欺凌仲誇張過男仔
阿白仲好似心有餘悸咁:「之後同智詩都搵過間響屯門既舊樓,住左幾日本來都ok..不過之後層樓,原來有個變態色魔架!有幾個女租客都中左招呀!」
我一聽到即刻好激動:「吓,咁你地..有冇蝕底比佢呀?」
「冇事呀,好彩我地走得快咋...」
「咁都好d..」
智詩:「阿池你..你咁緊張做咩喎?」
「咁...咁你地兩個女仔,我..我驚你地蝕底比人嘛...又比d咸濕佬昅黎昅去」
「阿池...估唔到...你咁緊張我地既架喎」
「咁..咁..我都唔緊張既話,就冇人緊張你地架啦..」
阿白:「阿池..」
返到屋企之後,我係咁諗
如果以後要阿白同智詩再出去租樓住既話
果d地方咁雜,佢地又有幾分姿色,佢地真係會幾危險
咁我..到底應該點做呢.....
我竟然,打比老母....
我走出屋(呢d地方屋入面手機收唔到)
「喂?」
「老母,係我..」
「阿池..係你呀,做咩呀?」
「不過,如果你係想話可唔可以比你地繼續住落去既話呢,你就省番口水啦」
「可唔可以..」
「比佢地兩個繼續住呢度,我搬出去...」
「唔可以!」
「點解呀?」
「你係失憶定點呀?上次我咪話左matthew會返黎囉」
「我知呀...佢住我間房咪得囉!」
「咁你呢?訓街呀?」
「咪...咪出去租屋住囉,我唔想阿白同智詩要響出面擔驚受怕」
「乜...果兩條女真係值得你咁做咩?」
「荃灣大大間屋你唔住,要出去自己住?」
「你搬出去,樣樣洗費都要自己比呀..」
「但係..你果陣都係想我學識獨立姐,依家搬出去咪得囉....」
講到呢度...
「阿池!!!你講咩呀!!!」
我擰轉頭,係智詩同阿白
智詩一手搶左我部手機:「江太,阿池係唔會同我地分開架!如果要佢搬出去,我寧願唔住呢度!」
講完就收線
阿白:「智詩...你..」
「智詩你做咩呀?」
智詩好似眼濕濕咁:「阿池....點解你要咁做喎...」
「今日搵樓果陣你都見到啦,你地兩個女仔出去住真係好危險架,一陣比人熔左都唔知咩事啦」
「咁就可以你搬出去,等我同阿白繼續響度住咩?」
「....咁我都係擔心你地姐」
阿白:「我地唔驚架阿池..」
智詩忍唔住流左兩行眼淚:「果陣又係阿池你話要繼續一齊住,依家你又反口!」
「咁..咁真係唔想你同阿白出事嘛..」
呢一刻,智詩一野...攬住我
「阿池,如果你搬走左...我同阿白...住響度都冇意思啦」
阿白亦從後攬住我:「智詩..講得岩呀....阿池,你唔可以走架...」
我都眼濕濕咁
「對...對.唔住,我頭先太衝動...」
同一時間比兩個女仔攬住的確係好幸福
不過呢一刻...我卻覺得苦惱
我到底應該點做呢....
之後既幾日,我仲搵多幾個學生,我一定要盡力搵錢先可以同佢地租到d大少少樓
而家我星期一至六都要補習,仲勤力過阿白同智詩,一個禮拜都搵到千幾蚊咁
因為我要儲夠錢,同阿白智詩租間大d,安全d既屋
不過真係好攰,有晚同智詩打打下fifa都可以訓得著
「喂,阿池,你做咩呀?」
「冇野...我攰得濟姐...」
「你又係既,駛唔駛一個禮拜六日都要補習呀?」
「咁..有錢先可以租d大d既屋架嘛」
阿白:「但係..阿池你咁樣搏法,我驚你...」
「放心啦阿白,我仲頂得住..」
我依家終於明
為左鐘意既人而努力搵錢既感覺
星期三個下晝,我地三個襯得閒約左個女業主去睇屯門一間400呎既屋
都ok既..不過就貴d,八千幾咁
之後我就同個業主傾好左,12月1號就可以搬入黎
「阿白,頭先呢度都ok喎...」
阿白:「但係好似好貴喎,成八千幾一個月租」
「但係,呢度都幾大丫...何況我依家一個月都有都有四五千啦..」
智詩:「阿池,你依家捱到黑眼圈都大左啦,不如...」
「冇所謂啦,最緊要你地住得舒服姐..」
「阿池呀,你其實唔駛為左我地...咁辛苦架,我地住番上次果d屋就得架啦」
「邊得呀,果d得二百幾呎咁細..邊住得人呀」
我見到阿白同智詩好似好擔心我咁
其實我真係冇所謂喎,辛苦少少姐,我仲頂到
第二日,返學果陣,我真係攰到訓撚左成堂
無啦啦有人拍醒我
「喂,阿池!你搞乜撚呀?講緊final tips呀」拍醒我既,係Xavier
「冇野..我眼訓姐」
Xavier吸左啖氣:「阿池你...係咪因為...搵樓既野搞到咁呀?」
「吓....你up乜呀?」
「betty佢尋晚口多多同我講左啦」
「你,同阿白,智詩..係同居...係咪呀?」