40

夜晚食飯既時候
我地三個都好似悶悶不樂咁

我:「阿白,智詩...你地做咩呀?」
智詩食住飯:「冇野呀..邊..邊有喎」
「唔駛呃我啦..」
阿白:「阿池...如果..到時我地三個...真係要分開既話..」



智詩:「喂,唔好講呢d野啦,到時先算啦好唔好...」
我:「所以...我都諗緊有冇解決方法....」

「咩..咩解決方法呀?」
「例如,你地兩個黎我響荃灣既果間屋企囉..」
智詩反駁:「邊得呀!你阿媽之所以咁做都係因為我同阿白兩個姐,依家更加唔會比我地兩個搬入去啦」
「何況你阿媽依家都唔會比面阿池你啦..」

「一係....我地響出面再租屋咁囉....」
「邊夠錢呀,依家出面d租又貴左啦...之前我同阿白都係岩岩好夠錢租d二百呎屋咋,何況依家仲要加埋你...」


「咁我咪學你地咁去幫人補習囉」
「都唔夠啦,你知唔知出面依家幾貴租呀!」
「咁咪再搵過睇下有冇平果d村屋囉!」

我同智詩七嘴八舌,嘈到面紅耳赤之際
阿白突然,流住眼淚走左出去

我拉住阿白:「阿白..做咩呀?」
阿白喊哂口咁:「阿池....我唔想同你分開呀」
「咩呀?我冇話過要同你地兩個分開呀!我同智詩咪諗緊辦法囉!」


「冇架啦...」呢一刻既阿白真係好悲觀,明明仲有好多解決方法架喎
智詩拍拍阿白:「放心啦阿白,我同阿池一定會諗到方法架...」
「真...真係既?」
智詩攬住阿白:「嗯!阿池..係咪呀?」
「係..係呀,我同智詩都一定諗到方法既..」

去到夜晚,阿白訓左,得番我同智詩響廳
「喂,智詩...你..真係諗到辦法?」
「諗..諗唔到架..」
「吓,咁你頭先又同阿白咁講既...」
「咁唔通同佢講,我地冇哂計架啦,我地三個聽分開啦..咩..」
「你都知阿白架啦,好重視阿池你嘛」
「咁..咁智詩..你唔重視咩?」
「吓...少..少咁囉」
「唔好再扮野啦...」


「邊..邊.有姐....」

我吸一口氣:「我聽日就會搵返幾份補習架啦..」
其實之後登果d補習廣告一直冇回音

「吓..你講真架?」
「緊係啦,唔係點同你地三個租屋企呀..」
「但係...你讀n展唔係好多野做架咩?你又要做final year project...」
「是但啦..呢d野都唔重要架....」
「唔住呢度咪算囉,只要可以同你同阿白一齊住,就算住邊度都冇問題..」
智詩望住我:「阿池..多謝你呀,其實....」
「我都同阿白一樣...好想同你繼續...」
「知啦...」

智詩:「唔知...以後仲有冇機會同阿池你打fifa呢?」


「點..點會冇呀..一定有呀!」
「不過.....」
我拎起一個手掣:「唔好諗呢d野啦...智詩,打唔打返場fifa呀?」
「哦....好..好呀,駛驚你..」

之前既我,一直都唔夠智詩打
唔知點解,我好想12月1號之前打贏佢一次

今晚既我用左多蒙特,而智詩就用拜狗
平時既我真係會比智詩禁住黎打
今日都唔例外
比佢係咁用洛賓爆,係咁爆入大位射
不過曉姆斯都仲頂到

「喂智詩你咁架,係咁用洛賓屈我..」


「咩喎,你夠可以用奧巴美揚同萊斯屈我啦」
上半場臨完場果陣,我隻賓達搶到波,再一個lob pass傳比打st既奧巴美揚(邊有人用拉莫斯/音樂比利打st架)
係咁推係咁推,對面果隻賓拿迪亞根本追唔到
我再推過紐亞,輕輕鬆鬆入波
「yeah!!!goal!!!!!!」

智詩:「頂!唔係掛..屈我速!」
「嗱,你唔好唔記得呀..」
智詩二話不說就除左衫
嗚呀!今日竟然係紅色bra
我忍唔住又...扯左

智詩一手meet我耳仔:「望到眼都唔眨,咸濕仔!」
「好撚痛呀!!!唔望啦..我唔望啦」
智詩紅都面哂:「哼,早...早知果陣唔同你玩呢樣野啦!依家...我..我全身都比你睇蝕哂啦!」


「邊有喎,你下面....我都冇睇過..」
點知智詩佢一個咕o臣掉過黎:「唔..唔好再提果次d野呀咸濕池,再講我打撚死你架!」

下半場開始之後,智詩繼續攻,不過睇得出佢越黎越急
我睇準機會,響中場偷到皮球
用kubo爆落底線,再鳩斬出到
米希達恩輕輕鬆鬆跳起頂波攻門
2:0!

「yeah!yeah!!!!!!goal!!!!」
呢次好似係我第一次對住智詩入兩球
「頂,假game!!!黑哨!!!」智詩好唔服氣

「你唔係想唔認輸下話..」
「車...除..除咪除囉!!」


不過,智詩竟然唔係除bra,而且除條短褲...
一樣係紅色底褲,我仲見到智詩個pat好圓潤

「吓..智詩你....」
「咩喎...我..我就係唔想除bra呀!吹咩咸濕池!!」
不過智詩佢兩粒pink lin我都.....睇過啦,所以我都冇乜蝕
其實有條女淨係著內衣同我打fifa,我都執到啦

之後既時間,智詩係咁用擾敵攻擊,係咁左右郁黎郁去,對d cup波又跟住郁
睇到我都差d爆血管

好彩,我最後都冇比佢入返球
嗶!嗶!嗶!!!最後2比0完場

呢一次,係我第一次贏智詩
我企響佢面前高舉雙臂:「嘿嘿.....」
智詩個樣嬲嬲地咁:「車,咪..咪比你贏返次囉,以後..冇.冇機會架啦你!」

我一野撲埋去,逼住智詩:「喂..話哂我第一次贏,你都好應該...」
一講到呢度,智詩即刻用手遮住自己三點既位置:「阿池你想..做咩呀!」


「我...我想你幫我搵下有冇人要補習姐」
「吓...」
「咁..咁我都要搵補習做先有錢架嘛...之前上網搵又搵唔到,諗住睇下你有冇識人要補數學果d姐..」

「智詩你..你以為我想點呀?想..女女女你呀?」
「緊..緊係啦,咁...咁我又比你除到得番bra咁,你又咁咸濕!」
「我邊咸濕呀,上次你送到上門我都唔要...」
「咪住先,你又知'果d野'係乜?你...」
「咩喎...咁...咁果d片黎黎去去都係果d架啦」

智詩塊面越黎越紅:「咁可..可能阿池你睇av睇上腦,鐘意玩..果d野嘛!」
「痴線,真係估唔到智詩你咁睇我..放心啦,我唔會咁做架!」
「不過,阿池你有冇..」
「有冇咩呀?」
「有冇偷偷地襯我同阿白訓左果陣對住我地兩個打J!?」
「痴撚線,你真係點極唔明架喎...咪講左戒左好耐囉!」
「啊!!!!原來阿池你gay既!!!唔怪之得xavier叫你踢波你就即刻去啦!」
「屌!!!你好撚煩呀」

同阿白唔同,智詩永遠都係大情大性....


4日之後
智詩已經幫我搵到三個學生
丫智詩都幾勁架喎..

其中一個男學生,中四,補數學同physics,一個禮拜兩日,約左今日開始補
不過要去油麻地補,放學要轉幾次車咁囉

放左學果陣
Xavier:「喂,阿池..去唔去踢波呀?同jacky佢地去大環道跟隊丫」
「吓..唔駛啦..」
「做咩呀...聽日又冇test都唔踢,係咪嫌我地廢先?」
「唔係呀,我要去幫人補習呀..」
子晉冇啦啦加把嘴:「吓?你去補習?你上年補過幾次之後就冇補過喎...」之前我暑假都係做倉務果d工
「係呀...咁..冇錢呀嘛..」
xavier摸住我:「你冇錢可以...hehe」
「屌你咪打我主意啦死基佬!我唔會賣屎忽架」


正當我搭到去油麻地站,聽到好似有人嘈交
都有d人圍住食花生,我埋去襯個熱鬧
係,一男一女

「頭先果條仔邊個黎架!佢講咩今晚上佢屋企呀!?」
「朋友黎咋travis...你信我啦」
「你又話今晚同屋企人食飯,你竟然呃我?!」
「唔係呀travis...我冇呃你呀!」
「八婆!」
「我返到去實唱衰你條臭西呀!」

「八婆!」
啪!
男方一野摑落女方度,女方失平衡跌左落地
「我返到去實唱衰你條臭西呀!」男方講完就嬲爆爆咁離去


而女方,就係麗娜

麗娜起返身,一抬起頭
就望到我
「係..係你呀,阿池...」
「你..你睇到哂呀?」
「嗯....睇黎你真係..收兵收到上癮喎..」
麗娜回避我既問題:「你..同..阿白,冇野丫嘛?」
「我同佢冇野呀,多謝你關心喎...」
「上次既事...唔好意思呀...」
「..我趕時間,我走先」我真係唔想理麗娜
「阿池!」麗娜拉住我
「我同你..仲可唔可以做到朋友?」
我輕輕一笑:「睇黎唔得啦,唔驚又比你收做兵咩..」
我甩開麗娜隻手,繼續行出地鐵站

雖然麗娜有咁既結局真係幾慘,不過...都係佢自己攞黎

行多陣就去到果個男學生屋企
個男學生正常毒撚樣,但係d數同phy都好麻麻
好彩我仲識高中d野,仲答到佢d問題
而且佢老母都幾好人,又比湯果d我飲(我唔信佢會落毒咁撚癲啦)
補一個半鐘,輕輕鬆鬆又收200
原來咁易就袋人工,早知果陣唔做跟倉啦
返去之前,我仲特登行過d地產鋪睇下有冇平樓租
可惜,全部都好撚貴...

返到去,阿白同智詩都已經響哂度
「我返黎啦」
阿白切緊菜:「阿池,你返黎啦,我煮緊餸架啦,好快有得食啦」
智詩打住無雙:「點呀今日?果個男學生ok嘛?」
「ok既..起碼唔係gay先啦」
阿白走過黎:「係喎,阿池..你好似..12月1號生日喎..」
「嗯...係呀...」
「不如11月30號,我地三個一齊出去同你慶祝丫」
「哦..好,好呀...不過...」
「點解要11月30號...唔響正日呀?」
阿白面有難色:「er....因為..」
「係咪驚12月1號我地就要分開呀?」
「...嗯..」
「阿白..咪話左唔駛擔心囉,我都搵到幾份補習啦,放心啦..」
「但係...阿池你咪好辛苦囉」
「而且,auntie分分鐘又唔鐘意你同我地...」
我拍拍阿白雙肩:「得架啦!只要可以同阿白,同智詩你地兩個繼續住...我辛苦d又有咩所謂喎」
阿白挨落我心口度:「阿池...點解..」
「因為..我鐘意你地囉..」

只要可以同佢地一齊,我願意負出任何代價,就算要我比pierre屌屎忽...我都ok