44

「阿池,我餵你丫..呀...」阿白同智詩一齊隊cheesecake埋黎
「我邊食得咁多呀,我食左阿白果舊先啦...咦好好食喎」
阿白拎起張紙巾:「阿池你食到成嘴都係啦,我幫你抹下啦」

「阿池你咁架...淨係食阿白果d」
「唔係掛..咁都呷醋?最多食你果d啦」
「咁..咁就差唔多!」



好快,我地三個人就食哂個生日蛋糕
「嘩...好飽呀....」
阿白挨落黎:「智詩,一陣12點我地要一齊倒數happy birthday架」
「嗯,緊係記得啦...」
「吓...唔駛啦,生日蛋糕都食左啦..」
「要既..話哂12點先算係正日生日嘛」

智詩去左沖涼
阿白就比我地睇番好多我地呢三個月以黎既相
「呢張咪果次踩單車d相?睇下智詩踩到幾遠...」


「嘩,原來去ball果陣阿白你暗影左我地咁多相架..」
仲有我踢joint u cup既相,好多好多...

呢d野都好似只不過係尋日發生咁

阿白:「阿池...原來時間真係過得好快」
「嗯..我都咁覺得..」
「不過,聽日就要同呢度講拜拜啦...」
阿白好似好苦惱咁:「嗯...」
「做咩呀你?唔開心呀?」


「唔..唔係呀..」

智詩沖完涼行出黎:「喂阿白,到你沖啦..」
「好呀」

阿白走左入洗手間之後
我抬頭一望
嘩!
智詩竟然著左條黑色喱士睡衣

「嘩...」
「做..做咩呀?」
「智詩...你平時唔係淨係著t恤訓咋咩..」
「咁...著呢d有d新意嘛..」
我上下打量智詩


智詩即係遮住自己:「阿池你望..望咩喎..再係咁昅..我打死你架!」
「其實你..係咪想著比我睇架..」
智詩紅哂面:「邊..邊係喎..邊個想著呢d裙比你睇呀....」

智詩坐埋黎:「阿池,你睇緊咩呀..」
「阿白頭先比左我地呢三個月既相我地睇姐..」
智詩搭住我膊頭:「我又睇!...」
「joint u cup呢球我都記得呀!你成個bale咁爆人丫嘛..」
「差..差好遠喎...」

「阿池你應該一早就試下入校隊啦...」
「大佬,n展咁多野做,點踢波呀!何況...我都就畢業啦」
「踢波呢家野..都係得閒踢下就算啦」
「唉..阿池如果你果陣冇放棄踢波既話,依家分分鐘踢緊港超啦...」



「嘩!!去ball呢張相...原來你昅緊我對波架!?死人咸濕池!!」智詩即刻拎咕o臣打我
「邊有呀!你睇錯咋!」
「咸濕池!!咸濕池!!」

係咁打係咁打,阿白都沖好涼出黎
阿白著左件白色睡衣
「咦,阿池,智詩,你地做咩...」
智詩:「冇..冇野呀,呢個阿池囉!睇返佢d相原...原來佢成日昅我對波架!」
「冇囉!係d角度問題咋..」
阿白撲埋黎,偏哂嘴:「我信阿池呀,不過...你地男仔係咪個個都鐘意大胸架!?」
「唔係...我冇所謂架咋..」

過多陣,仲有一分鐘就到12點
「智詩準備啦!就12點啦!!」
「10!9!8!7!6!5!4!3!2!1!」



阿白同智詩同一時間摟住我
「阿池!!!生日快樂呀!!!」

人生第一次生日倒數,亦係我人生最難忘既生日倒數

智詩拎左幾罐啤酒出黎:「嗱,今晚阿池生日,點都飲哂佢呀!」
智詩真係好鐘意飲啤酒,逢親過時過節都要飲

我係飲下酒又吹下水又打下ps4咁
好快就1點
我都覺得攰攰地:「喂...我訓先啦」其實係我已經有d醉,而且星期一至六實在操勞過度
「吓..咁早」
「咁聽朝早就要執野走啦嘛,老母話10點就會黎收返呢度...」
講到呢句,阿白同智詩好似呆哂咁


「做咩呀?我地又唔係冇屋住,聽日搬過去就得啦」
「嗯...」

刷完牙之後:「阿白智詩你地都早d訓啦,good night」
「嗯...goodbye」
總係覺得,佢兩個好似怪怪地咁....

入到房,熄燈上床訓
平時既我,一定好快訓到
不過呢一晚,唔知點解轉極身都訓唔到
大概係頭先玩得大癲掛

卡!
我既房門開左..點解...
「阿池....」係阿白同智詩
「吓..點解你地..」
雖然好暗,但係我都仲睇到阿白同智詩,係有著睡衣的

佢地兩個上左落我張床度
「喂你地..做咩呀...」
阿白訓入被竇:「阿池,今晚...可唔可以同你..一齊訓呀?」
「吓..點解...」
智詩訓響我左邊:「呢份..就係我同阿白送比你既第二份生日..禮物」
「放心啦,我同阿白唔會除衫架...」

佢地兩個挨住我訓
阿白:「阿池呀..其實,呢三個月,我真係過得好開心」
「因為你,我終於搵番屋企既感覺」
「不過,我有時好痴身..搞到阿池你好似好麻煩咁...」

「唔緊要...我都好鐘意同阿白你生活...」

智詩:「阿池..其實我開頭真係好防範你」
「但係之後發現..其實你都唔差姐..係矮左d」
「如果可以既話,我都....」

講講下,我就訓著左...


響夢入面

係夏天

我地三個去左一個,無人既沙灘
佢地都著哂泳衣
「阿池快d黎打排球啦」
「我同阿白實打得贏你呀!」
我地玩得好開心

「阿池,我同智詩要走啦..」
我拉住佢地:「吓點解呀?」
佢地兩個冇理我,繼續走..
「唔好走呀!」


我張開眼,第一樣望到既野,係我間房既天花
嘩屌,好彩係夢姐...嚇到我成頭汗呀

「喂,阿白,智詩,起身啦,要執..」
咦....




佢地兩個呢...

我睇睇鐘,9點半..
可能佢地返左去佢地房姐

我行入佢地間房,令我嚇親既事出現響我眼前
佢地所有既衫,袋,甚至篋都唔見哂

而且,廳,廚房,廁所都冇人.....
我開始著急,係咁流汗...
阿白...智詩....你地去左邊呀?

正當我想打比佢地既時候
我見到食飯枱上面,除左有兩串鎖匙之外
仲有有張濕左,而且寫滿字既紙

「呢封信係我同阿白一齊寫,並且一齊比你既」
「阿池,我地要走啦」


當你收到呢封信既時候,我地已經離開左呢間屋.

阿池,呢三個月話短唔短話長唔長,不過已經係我地兩個一生人中最開心既三個月.
每日都有不同既開心事發生,而且你仲將家既感覺帶左比我地
更重要既係,我地兩個既心結因為阿池你而解開.
而阿池你亦都為左我地而踢返波,我地都好替你開心

阿池,其實我地都好唔捨得你,不過我地唔想你為左我地而繼續犧牲咁多野.
你已經因為我地,同auntie搞到咁僵,仲日日返工搞到自己咁攰.
阿池,我地知道你好鐘意我地,不過,你有呢份心意已經夠架啦.
放心啦,我地會搵到屋住架啦.以後返去同auntie一齊住啦.

We love you too.
勿念
阿白 智詩


睇完呢段野,我既理智線已經差唔多斷裂
不過我摸摸張紙,d濕既位置,仲未乾得哂
呢d係佢地既...眼淚?
即係話,佢地走左冇幾耐!

我乜都冇理,馬上衝出門口

pierre見到我:「咦,阿池做咩呀?!」
我冇理佢,繼續狂奔

呢一刻,我擔心既野只有一個


我唔可以冇左佢地!!!!!