頭遙又尾擺,飄移境界~不想放大只想放大被放大!小巴比好多人嘅感覺就係極速,有時分分鐘比你打的仲快。聽到慣嘅嗶嗶聲,有小小離心力嘅極速入彎,好似驚你唔飛出去嘅急停,同好大力嘅開門聲,呢d都係小巴比人嘅印象,但有時,間唔中都會有d撘順風車嘅'乘客',而且多數都係尾班車,咁究竟呢d特別嘅乘客係點上車嫁呢?係乖乖地由正門入,定直接穿過車身呢?

以下係我有一次放工喺奧__城撘小巴去旺__東火車站嘅經歷,果晚比原定嘅放工時間遲左,所以撘車嘅人相對小左,公司喺1樓,我如常喺B2樓嘅更衣室(好陰嘅地方,之後會詳細講)換衫,又再一次無驚無險咁成功全身而退,起行到小巴站排隊等上車,好彩趕得切尾班車。
排喺我前面嘅有三個人,一個伯伯,同兩個婆婆,我心諗尾班車已經夠陰,衣家仲要係呢個組合,加埋司機叔叔(都係伯伯),我地5個人簡直好似組成左一對轉珠game嘅暗隊咁,直覺話比我知今次一定見到,

終於上車了,好暗戰士們我地出發拉!

我坐左喺第一個單坐,有咩事都可以快d落車麻,路線方面係喺奧__城出發途經:亞皆老街,洗衣街,等等?⋯總之總站就係旺__東火車站拉,
途中幾乎冇人上車,只有一個站有一個玩緊手機嘅男人上車,我的感覺又來了,伯伯同婆婆雙妹嚜全部都喺呢個站落車,果然,我嘅感應係冇錯嘅,果個男人後面有一個貼得好近好近嘅長曲髪'女人'同佢一齊上左車,佢塊全白嘅面一路都係望住我嘅,上車果刻真係貼得好近,女人就喺我面前直接上左車,
男人坐左喺我後面,而女人亦都好快咁坐左喺車頭第一排嘅雙人坐近路口,一路望住我,姐係話佢個頭係180度另轉,開車無耐佢個頭就直接慢慢另返轉去前面,好似果人咁坐左喺度,




就咁一直到尾站嘅燈位,我突然強烈感覺到車尾好似愈離愈多人,好似迫地鐵果種被包圍嘅感覺,愈離愈近,

我好驚,

因為小巴真係唔太大,好快會近到直接碰到,綠燈了!去拉旋風麥林!
終於到站,我即刻企起身諗住落車,我就企左喺樓梯果個位,面向前但係⋯我望唔到司機,眼前一大片白色,我驚覺原來我同果個坐第一排嘅女人幾乎零距離面貼面咁對望緊,我立即沖左落車,跑左幾步另轉面,
見到後面嘅男人好似若無其事咁慢慢落車,果個女人依然企喺原位望住我,
而車尾⋯應該係話成架車都坐滿左黑影,而且有d仲望住我,
我再望返個女人嘅時候,我發覺有d變化,多左一個好似裂口女嘅嘴,對住我微笑,然後小巴就開車走左了,同時我亦都打左個泠震。





呢一個經歷真係好難忘,之後我都有撘過小巴嘅尾班車,通常都只會見到一兩個普通嘅黑影,但唯獨呢一次,無論數量同種類,甚至行為都好異常,果個笑容真係好恐怖都底有咩意思,我真係唔知。

小弟開左一個同步嘅ig:Theyallaroundyou,希望大家多多支持?
已有 0 人追稿